هلا انا جيت
تلقينكم تقولون حشى كل هذا اكل ..
بصراحه بعد العشا جيت متحمسه ابي اكتب لكن زوجي قالي انه محتاج الكمبيوتر فا ما قدرت اكتب شي ..
المهم نبداء يا الله اول شي قلت ورق العنب البارد

المقادير
رز مصري
ورق عنب
طماطم
بصل
كزبره
ملح و فلفل
شوي دارسين

الطريقه
اغسلي الارز و بعدين اضيفي عليه الطماطك و البصل و الكزبره و البقدونس (كل هذه المقادير مقطعه لقطع صغيره ) و طبعا اضيفي البهارات .. و بعدها غطي قاع القدر بالبطاطس و ابدي نحشي الورق و رصه بالقدر .. و بعدين حطيه على النار على نار متوسطه الحراره و صبي فوقه ما و ماجي .. ( طبعا تكونين مفوحه الماء الي معه ماجي علشان يذوب الماجي) و حطي فوق ورق العنب ثقل .. علشان ما يفكك مع الطبخ و اتركيه لمده ساعتين على الاقل . بعد ما ينشف الماء اضيفي عليه كاس و نص عصير ليمون و ثلاث ارباع الكاسه زيت زيتون و خليه يطبخ فيهم .. حتى تنشف مره ثانيه موية ورق العنب ... و بعدين تخليه يبرد شوي و تصفيه في صحن و تدخاينه الثلاجه حتى موعد التقديم .. و بالهناء و العافيه ..

ملاحظه كمية الرز و العنب و الماء مع الماجي .. كلها يحدهها عدد الضيوف علشان كذا ما حطيت مقدار معين ..

الطبق الثاني المطبق
المقادير
لحمه مفرومه
حزمه بصل اخضر مقطع قطع صغيره
طماطمه كبيره مقطعه قطع صغيره
بيضه
EGG ROLL عجينه المربعه الكبيره

الطريقه ..
تحمر اللحمه المفرمه مع (بهاراتك الي عندك) حتى ينشف مائها .. وبعدين يضاف البصل الاخضر و الطماطم على اللحمه و تسكر البيضه فوق الخليط ..
تحمين المقلاة مع زين قلي غير عميق و تجيبين العجينه و تضعينها بشكل الماسه ( معين) و تضعين ملعقه من الحشوه في الداخل ثم تجمعين اطراف العجينه فوق الحشوه .. حتى تتغطى الحشوه و يصبح شكل العجينه مربع ... بعدين تشيلين العجينه و تضعينها بالمقلاه الجزء الاعلي يكون في اسفل المقلاة حتى يتحمر ثم تقلبين القطعه حتى يتحمر الجزء الوجه الثاني و بعدها تخرجينها و تضعينها في قدر مفروش بالمناديل حتى يمتص الزيت .. و احرصي على تغطية القدر .. حتى تلين القطعه بعد قليها . .. و بالهناء و العافيه

و الله ما ادري ان شاء الله الطريقه مفهومه .. لاني مره اتكلم عربي فصيح و مره لا .. لكن الاكيد انه هذ المطبق ما يفرق عن مطبق السعوديه اذا مو احسن



الطبق الثالث
حلى التوكس

المقادير
علبه جنبة فلدلفيا المستطيله
علبه حليب مركز
علبه قشطه
بيضتين
اصبع توكس 12
و بسكوين مطحون و مفرك بالزبده و مرصوص بالصينيه

الطريقه
بعد فرق البسكويت بالزبده و رصه في الصينيه احضري 10 اصابع توكس و قطعيهم الى قطع صغيره و صفيهم بالصينيه
بعدين في الخلاط .. ضعي الجنبه و الحليب المركز و القشطه و البيض مع الاصبعين المتبقين من التوكس ..و اخلطيهم مع بعض .... ثم اسكبي الخليط فوق البسكويت و التوكس و ادخليه الفرق على درجه حراره 350 ما بين الساعه الى الساعه و الربع .. (طبعا تفتحين الفرن كل فتره حتلى تتأكدين انها خلصت)
تعرفين انها خلصت اذا الخلطه نفشت و تحمرت) بعدها طلعيها من الفرن .. و اتركيها تبر و تقطع و تقدم .. ( هذا الحلى لا يوضه بالثلاجه انما يقدم في درجه حراره الغرفه العاديه )

و بالهناء و العافيه


الحين زوجي يبي الكمبيوتر اكمل بعدين

جزاكم الله كل خير

انا مستعجله .. بس راح اقول شوربه العدس

المقادير .
1 بطاطس
1 كوسه بلدي (الي من البقاله العربيه)
1 بصله
1 طماطم
فص ثوم
حبتين ماجي
تقريبا ثلاث ارباع الكاسه

الطريقه ..
تضاف كل المقادير و تطبخ حتى تنضج ثم بالخلاط و بالهناء و العافيه .. شفتو و لا اسهل
:17:

هلا بنات 00 غدو الله يبارك فيك انا غلط وكتبت عشر دقائق لا يا عيني هي ساعة وحدة بس
وبعد كذا تكوريها وتخليها خمس دقائق عبال ما تجهزي المقلاية الا خلصة الخمس الدقائق
تراه ما يأخذ وقت عشان كذا عجبني 00 واما على سؤالك انه ياخذ وقت غدو حق نضجة من
فوق وعشان ياخذ لون التميس وانت عارفة لونة طيب يا عيني واي استفسار انا موجودة 00


ام تامر هو تقريبا نفس خبز التنور 00 واما على سماكة العجين يعني تقريبا 1 سانتي طيب يا عيني 00