السلام عليكم ورحمة الله و بركاته
كيفكم اخواتي الحبيبات
بالامس كنت عند اخصائية المساج و الاعشاب الطبيعية
و قلتلها عم امشي على دايت كل لما اعمله بنزل 5-6 كيلو بالاسبوع بس اول لما اوقفه بزيد الضعف
قالتلي ما تتعبي نفسك بالدايتات الكيميائية اللي هيك انا راح اصير اعطيكي ريجيمات ممتازة
قالتلي فيه رجيم عادة بالمستشفيات بيعطوه للناس اللي الهم عمليات قلب مفتوح ...وهاد الرجيم ممتاز و لما توقفيه ما بيرجع الوزن
بس طبعا اللي عندها يوريك اسيد عالي في الدم (من اللحوم و البروتينات) ما تاخده
الريجيم بينزل 4-6 كيلو بالاسبوع
بس قالتلي ما تمشي عليه الا مرة وحدة..يعني ما تعيديه على طول
المهم الريجيم عبارة عن
3 أيام متواصلة شوربة عدس ...بس شوربة عدس
وشاي و قهوة بدون سكر مع الاكثار من الماء
وممكن اتضيفي للعدس بصل و توم و بقدونس
في اليوم الرابع بتاخدي يوم حر ..بتاكلي شو ما بدك
وبعدها بترجعي بتكملي كمان 3 أيام
و بتوقفي
يعني الريجيم مدته 7 أيام مع يوم راحة بالنصف
انا حبيت الدايت كتير و ان شاء الله راح اتبعه و بعدها برجعلها عشان تعطيني دايت جديد
ان شاء الله اكون افدتكم اخواتي الحبيبات
:D :27: :)
alondra @alondra
محررة
يلزم عليك تسجيل الدخول أولًا لكتابة تعليق.
SWAR
•
شكرااا حبيبتي على الدايت
جميل الرجيم ده وخصوصا انه مناسب للجو فى اليومين البرد ويارب تكون نتيجتة حلوه وانا ان شاء الله هجربه وهقولك على النتيجه :angry:
الصفحة الأخيرة