مسائكم / صباحكم ورد :27:
ممم مدري وش لون أبدأ هع... جهاز الاوربتراك .. بعطيكم شوية معلومات عنه ..
أكيد سمعتوا فيه و هو منتشر بصورة كبيرة الوقت هاذا لأسباب ومميزات :
1) ينحف أسرع من السير الكهربائي
2) ياخذ حجم أصغر بالشقة أو الغرفة
3) ممتع في استخدامه _ ولو كان متعب في البداية للي ماعندهم لياقة _ ( لاحظو في البداية فقط عشان لا تيأسون )
4) سعره أرخص من السير
5) السير ينحف أجزاء ويترك أجزاء أما الاوربتراك يخلي جسمك متنااااسق و بشهادة الجميع
6) يشد ترهلات الظهر و الأكتاف ( الزنود )
7) الجهاز غير كهربائي يعني ما يحتاج كهرباء وبذلك سهل تحطيه بأي مكان من غير تقيد
اوك ؟ ..
هاذي صورة توضح المناطق اللي تتأثر بالجهاز
زي ماشفتوا :
الذراعين والأكتاف : ينحفها ويشدها
الشحوم الأمامية للفخذ : يزيلها
الظهر : لو فيه ترهلات يشدها
الأرداف : وهاذا أهممم شي ركزوا : لو تبينها ( تصغر ) امشي لقدام اما لو تبينها (تكبر)امشي لورااا
....
الجهاز فيه دائرة فيها سالب و موجب
لو لفيتيه على السالب تصير حركة الجهاز خفيفه وسلسة : وهاذا المناسب للبنات اللي يبون ينحفون
لو لفيتيه للموجب بتثقل الحركة : وهاذا مناسب للشباب اللي يبنون عضلات
....
و كمان فيه نوعين :
بمقعد :
و بدون مقعد :
وين الأحسن ؟
اللي بدون
ليش ؟
جربت هاذا وهاذا
اللي بمقعد ولا كأنك تسوين شي و الأذرعة تصير بعيده عنك و اللي يتفيد بس السيقان << جهاز وش كبره للسيقان بس ؟؟
اللي بدون تحسين جسمك كللله يتحرك و تستفيدين .. حتى خصرك و ظهرك وبطنك الجسم كلله يتحرك
سعره ؟
أسعاره كذا .. 450
490 .. 500 .. 720 .. ويوصل الى 1200
ايش الفرق ؟؟
مافي فرق الا ان الماركة تكون غالية .. وبعضهم يجي معه جهاز مساج و أجهزة حسابات وكذا عشان كذا تكون غالية
وين ينباع ؟
الفالح ، يو مارك ، ساكو ، تقريبا حاليا كللل محلات الرياضة لأنه انتشر وصار مطلوب
شريتيه أنتي ؟
أيه شريته من الفالح بـ 460 أتوقع ، بدون مقعد وكويييس الحمدلله بس لسا توني شاريته اليوم :hahaha:
وجربته سابقا عند أقاربي
وازيد على كلامك انواعه تختلف على حسب الجوده من تجربتي اشتريت الجهاز مرتين
الجهاز في منه نوعين نوع يتحمل من 60كيلو فاقل وهذا اللي اشتريت منه انا وللاسف اتمرنو عليه اقاربي اوزانهم عاليه وخرب عليه الجهاز مرتين لانه مايتحمل واسعارهم انا اخدت اول جهاز وجلس معي تقريبا 7سنوات ب650ريال وكان توه نازل جديد اخدته من محل رياضه عادي والمره الثانيه اخذته ب450ريال بس للاسف مااستمر عندي سنه خرب نفس الشي من لعب بزورتي
والنوع الثاني للاوزان من 60 وانتي طالع لحد 100 واكثر وهاذي تتحمل وموجوده عند يومارك وبلحمر واسعارها من 900ريال وفوق
يعني االلي وزنها ثقيل نصيحه تاخد جهاز يتحمل الاوزان الثقيله وتسال صاحب المحل
والاجهزه اللي تنباع عند بنده وغيرها ب300 و350 تراها ماتتحمل وراح تخرب بسرعه
وسلامتكم خخخ واي معلوومه عن اي جهاز انا حاضره