اهلا مـشــــاعـر نجمـــة
و عليكم السلام
لا شكر على واجب و هدف الموضوع الافادة
و نحنا بانتظارك ان شاء الله

انا نسيت قول انه في فَص ثوم كبير مع الصوص سامحوني

اخواتي المشرفات

شكرا جزيلا على التثبيت

ماشاء الله اختي موضوع مهم ومفيد جدا

الحقيقة للاسف ما عندي وقت الان اقرا ردود الاخوات ...الا اني ساعود قريبا لاقراها لاني اعرف انها تحتوي على الكثير من التجارب والمعلومات المفيدة

الان بسرعة واختصار رح اقول لك انا شو بساوي

انا بطبخ الطبخة وبطعميهم منها اذا قالوا هاي ما بنحبها بجبرهم يذوقوها اذا شفتهم بلعوها وبس عم يدلعوا بمنعهم عن اكل الحلوى لحتى ياكلو صحنهم وبحاول اقنعهم بقول لهم بجوز اول مرة بتاكولها ما بتحبوها تاني مرة كمان ما تحبوها بس اذا ضليتو تتحملوا وتاكلوها بتصيروا بعدين تحبوها وتطلبوها وفعلا هذا الي صار بكثير من الاكلات

واحيانا بلهيهم وقت الاكل بحكاية او قصة بتلاقيهم عم ياكلوا وهم عم يسمعوا بدون تعب ولا ركض ورا هذا وهذا

اما اذا شفتهم فعلا ما حبوها " يعني العفو منك " صارت تقلب معدتهم عن جد لما بياكلوها فما بجبرهم عليها ....بس ممكن اذا الاكلة بازاليا مثلا وهنن ما بحبوها اسكب بصحن شوي مع رز ودجاج وقلييل بازاليا واحوال اطمعيهم واخبي البازاليا بين الرز واذا حسوا فيها بقول لهم ابلعوها هالمرة وماعاد حط لكم منها ...يعني يوم بعد يوم بقول يمكن بيتعودوا على طعمها

موضوع تاني جربته وكان مفيد جدا ..انا بمنع الشراب وقت الاكل يعني انا وزوجي فينا هالعادة الشراب بكون بعد الاكل و بسكب كمية مناسبة لعمر الولد بصحن ولازم يخلصه واذا ما خلصه بمنعه من الشراب

يعني مافي تشرب عصير لتخلص صحنك قال لي ماما شبعت وما بدي بقول له اي بس ما في عصير ...فبيرجع وبكمل صحنه

شغلة مهمة اتذكروا ان معدة الطفل صغيرة يعني يمكن ما ياكل خصروات ومقبلات والطبخة الرئسيسة فرد مرة هيك كثير عليه ممكن تقسميها له يعني خلي بين كل شغلة والتانية فترة من الزمن اول شي حضروات مثلا وبعد شوي المقبلات وبعدين الغدا وقت الغدا وحتى بعد الغدا بكام ساعة بتلاقي الطفل رجع جاع بده شي فواكة وبعدها شي سناك ولا كاتو وبالاخير العشا



ما بعرف اذا انتو نفس الشي بس انا بحس ولادي هيك بياكلوا كميات قليلة بفترات كثيرة

نصيحة اختي اوركيديا بما ان بنتك بتحب الكاتو استغلي هالنقطة قولي لها مارح تاكلي الكاتو لتخلصي صحنك ...اذا ما اكلت منيح اول مرة معلش لا تغصبيها بس قولي لها اوكي براحتك بس مافي كاتو ليخلص الصحن حتى لو قسمتي لها الصحن على فترات او ساعات المهم تتاكد هي ان مافي ابببببببدا كاتو او شكولاته ليخلص الصحن

بجوز اول مرة ما تخلصه ما مشكلة المهم ما تعطيها الشكولاتة او الكاتو بجوز تتعبي معها بالبداية بس معلش يوم بعد يوم ان شاء الله بس اتاكدت ان فعلا ما في حلويات ليخلص صحنها رح تصير ان شاء الله تخلصه بدون تعب

طبعا اذا ما خلصت صحنها ما لازم تبقى جوعانة يعني معلش تاكل اي شي بس الحلوى مافي الا اذا خلصت هالصحن

هاذي طريقتي ونجحت مع ولادي جربيها ان شاء الله بتنجح معك

اهلين اختي فتاة

الله يخلي لك الولاد
في تجارب مشتركة بيني و بينك ببدا بالتدريج



هاي بعملها لكن مرات بتنفع مرات لا لدرجة اني بجبر نفسي اكل اكلات ما بطيقها كرمال هي تاكلها
اوقات بتقلي ما بحب هالاكلة بقلها و انا كمان بس شوفي كيف عم اكلها عادي و ما صار لي شي بتقول طيب ما بحبها بس باكل منها(طبعا شوي و بتغيّر رايها)
بالنسبة للحلوى مش واردة بعد الاكل دغري لان بتاكل حلوياتها على العصرونية انما بقلها انه ما في كذا على وقت الحلوى اذا ما كملت صحنك مرات نادرة جدا اذا كان اكلها مش كافي بسمحلها بقطعة كاتو صغيرة او حلو بعد الاكل



و انا بخبي الاكل باشياء تانية بالملعقة لكن بتطلع فيها متل النسر
البازيلا ما بتحبها صرت ضيفها لشوربة الخضار و اطحنها حتى ما يبين فيها شي
او باييلا بتكون البازيلا فيها قليلة شوي بتشيلها على جنب و بتاكل الرز(اذا قبلت)




بالنسبة للشراب الطبيب منعها تشرب اي سائل اثناء الوجبة فمسموح فيه بين الوجبات انا خصصته للعصرونية مع الحلوى لان بفضل عليه الفواكه الكاملة مع الالياف



مرات اذا عارفة انه الاكلات ما راح تاكل منها كلها بحط لها من نوع واحد و على قدها و ما بتكمل صحنها اذا ما بدها
فلو كانوا على ذوقها بتاكل من كل شي بس كمية قليلة جدا و يا دوب الكل يطلعوا الصحن المفروض تاكله و طبعا الغالب انه ما بدها شوربة و لا سلطة
و الخضار لانها ما بتحبها الا منفصلة لقينالها حل صارت تاكل الفتوش بدون خبز محمص بالخبز العادي
متل ما بناكل المتبل مثلا و ماشي الحال معها هلق لايمتى ما بعرف
اما الفواكه فممكن محل الحلوى على العصرونية و يمكن لا

و اقرّ و اعترف انه اعصابي بتتلف حتى تخلص الوجبة لان بكون عم اتحرقص بداخلي خاصة انه الوجبة بتاكل اكتر من ساعة
الله يخليهم هالولاد

و بانتظار مزيدك ان شاء الله من تجارب ووصفات