السلام عليكم ورحمه الله وبركاته
اما بعد (مسويه فيها مدرسه عربي ) المهم شخباركم بنات حواء شسموين
انا المره هذيه جايتكم بشي شوي خطير لان بالعاده اسالكم عن اشياء عاديه بس
انا الحين امر شوي بتحدي مع نفسي وابي دعمكم لي اذا ممكن من البدايه راح اقولكم السالفه كامله بس انتبهو لكل شي اقوله يمكن الحل يكون عندكم السالفه على النحو التالي :.
انا وحده بالكليه وانتم عارفين الكليه شلون فيها انفتاح وحريه بس بحدود
ومن خلال معاشرتي للبنااات مو وحده لا ثنتين اكثر من وحده الا اني اشوف نفس المشكله هو ان البنات عندهم شريحتين ويكلمون المهم في البدايه ما اقص عليكم
كنت انطر بس البريك يجي عشان البنات اللي معاي يبدلون الشرايح عشان طبعن في البدايه ما كنت اكلم ابد ولا شتريت شريحه بس اهم يكلمون وانا اتسمع المهم صراحه
زاد الموضوع وصار حييييل روتين وزهقت وصرت اروح مع بنات غيرهم والحمدلله المهم بس ما عدت السنه الا انا كنت ابطيح بمشكله الله انقذني منها لانه يعرف اني
مالي بسوالف هذي تعرفت على واحد من النت واخذنا ارقام بعض بس طلع راعي علاقات وطلعات المهم اني الحمد لله تخلصت منه بفضل الله ورفيجتي الحين بنات انا تخلصت من البنات اللي كتنوا معاي العام بس المشكله عندي رفيجتي وحده ثانيه اموت فيها بشكل مو طبيعي والمصيبه انها تكلم وعلاقتي فيها من 5 سنين بس توني
قبل شهر اكتشف الشي هذا وطبعن هي ما تدري اني ادري عن الشي هذا وما اقدر اصارحها وابليس قاعد يوسوس لي اني نخرط في هالمجال هذا تنيجه البنات اللي حولي ورفيجتي وانا مابي بس ابليس شاطره بنات ابيكم تساعدوني بحلول مناسبه لي وعلى فكره يمكن تستغربون اسمي والسالفه اللي قاعده اسولف فيها بس انا مو متزوجه بنت توني شرايكم ناقش موضوع المكالمات واللي عانت او مرت بتجربه مماثله تحط سالفتها هنيه عشان نستفيد من بعض ورجائن لاحد ياخذ فكره غلط بس م قلب هالموضوع مازمني حييييييييييييل ...
بنات لا تاخرون علي بردودكم بلــــــــــــــــــــــــــــــــــــــيز :)
يلزم عليك تسجيل الدخول أولًا لكتابة تعليق.
مشكوره اختي بس ما اقدر اوجه رفيجتي لانها معلمتي وصعبه واكبر مني
بواجد ما اقدر شلحل مدري ...
بواجد ما اقدر شلحل مدري ...
فيه مثل يقول إذا كان رب البيت بالدف ضارباً فشيمة أهل البيت ......
ما أبي أحبطك ولا أقلل من عزيمتك
بالعكس ليه ماتواجهينها دامك تقولين صديقتك
الصديق مو الي يضحكك ويسليك ويتستر على أغلاطك
الصديق الي ينصحك ويساعدك على الالتزام بالطريق الصحيح
أي شخص راح تمسكينه وتقولين له فلانه تكلم رجال وش راح تكون نظرته ؟؟؟
إنتي طالعي للأمور السيئة أكثر من الأمور الممتعه بالشغله
وتراها كلها متع دنيوية بالحرام وفانيه
بكره تتزوجين وتحسين بالراحه بالشي الي حلله لك رب العالمين
بكره وش يكون موقفك لو تزوجتي ولقيتي زوجك يخونك مع وحده حطي نفسك بهالموقف
أو بنتك اتخذت نفس طريقك ومشت فيه وصديقتها درت عنها وتغاظت عنها ؟؟؟؟؟
لابد من التفكير بالأمور كلها وتفرزين الصح مكان الصح والخطأ بمكان الخطأ
الرسول عليه الصلاة والسلام قال:
"الحلال بيْـن والحرام بيْـن .."
ما أبي أحبطك ولا أقلل من عزيمتك
بالعكس ليه ماتواجهينها دامك تقولين صديقتك
الصديق مو الي يضحكك ويسليك ويتستر على أغلاطك
الصديق الي ينصحك ويساعدك على الالتزام بالطريق الصحيح
أي شخص راح تمسكينه وتقولين له فلانه تكلم رجال وش راح تكون نظرته ؟؟؟
إنتي طالعي للأمور السيئة أكثر من الأمور الممتعه بالشغله
وتراها كلها متع دنيوية بالحرام وفانيه
بكره تتزوجين وتحسين بالراحه بالشي الي حلله لك رب العالمين
بكره وش يكون موقفك لو تزوجتي ولقيتي زوجك يخونك مع وحده حطي نفسك بهالموقف
أو بنتك اتخذت نفس طريقك ومشت فيه وصديقتها درت عنها وتغاظت عنها ؟؟؟؟؟
لابد من التفكير بالأمور كلها وتفرزين الصح مكان الصح والخطأ بمكان الخطأ
الرسول عليه الصلاة والسلام قال:
"الحلال بيْـن والحرام بيْـن .."
الصفحة الأخيرة
حلو إنك تلجئين لشخص لما تحسين إن الشي الي تسوينه غلط
بالبداية أقولك رفقاء السوء شبههم الرسول عليه الصلاة والسلام بنافخ الكير
وأعتقد هالحديث الشريف الكل عارفه
يعني ضررهم مو بس السمعه إلا التأثير النفسي والداخلي عليك
لدرجة إنك انخرطتي معاهم
حلو يكون عندك تأنيب ضمير
لكن أبسألك وينك عن الصلاة ؟؟؟؟
الصلاة هي الي تمنع الشخص من التفكير بالأمور الفاحشة
تعصمك من الخطأ
وينك عنها ؟ هل تحافظين عليها ؟
لنفرض إنك تصلين .... وتجيك وساوس الشيطان
لدرجة تحسين عقلك يمتلي بالأفكار وإنتي قاعده وإنتي نايمه وإنتي تذاكرين وبكل وقت
فـ أحب أنصحك بهالدعاء
أدعيه 3 مرات في كل صلاة وفي كل وقت تحسين إن الشيطان يهاجمك بـ وساوسه وتوكلي على رب العالمين
الشيطان ضعيف بس يبيله الدعاء والإستعانه برب العالمين وادحريه بالقرآن والصلاة والصوم
عليك بالصوم والله إنه دواء لكل داء
وذو الحجه قريب ويوم عرفه قرب .... حاولي تدعين ربك إنه يهديك لطريق الصلاح
ويبعد عنك رفقاء السوء ويتولاك برحمته
وزميلتك لازم تواجهينها ... هذا لو انتي تحبينها
إذا ماتحبينها راح تخلين الموضوع يمر مر السلام
حسسيها إنك خايفه عليها وإنه طريق ماله هدف وإن مستحيل شاب راح يتزوج بنت يعرفها عن طريق التلفون
الرجال يبي مراه تصون بيته وتكون عفيفه تستحي من الرجال مو تكلمهم 24 ساعه
لربما الله يهديكم ثنتينكم مع بعض وإن ربي ماخلاك تفوقين بهالوقت وتكتشفين زميلتك
إلا لغاية يعلمها سبحانه وتعالى
أختي عليك بهالدعاء الي يخافه الشيطان
( اللهم إنك سلطت علينا عدواً عليماً بعيوبنا , يرانا هو وقبيله من حيث لا نراهم
اللهم آيسه منا كما آيسته من رحمتك , وقنطه منا كما قنطته من عفوك
وباعد بيننا وبينه كما باعدت بينه وبين رحمتك وجنتك ) اللهم آمين
وأكثري من قول :
( ياحي ياقيوم برحمتك أستغيث أصلح لي شأني كله ولا تكلني إلى نفسي طرفة عين )
والله يصلحك ويهديك لما يحب ويرضى :)