بالنسبة بقى لموضوع الحما وبتقولولها ايه
فانا فى الخطوبة كنت بقول يا طنط وجوزى كان بيقول ماما وانا كنت ببقى مكسوفة اقولها لكن بعد الجواز قولتلها يا ماما وفعلا على رأى مادو لقيتها بتقرب الناس من بعضها شوية

وللسلايف جوزى ملهوش غير اخت واحدة واخ واحد وانا واخته ومرات اخوه مواليد سنة واحدة بعنى قد بعض فبنادى بعض باسماينا
وانا اصلا قاعدة ف مدينة تانية غير اللى هما فيها فالتعامل فى حدود شوية بس بنسال على بعض واما بروح عندهم بنشتغل كلنا مع بعض وبنقضى وقت حلو الحمد لله

وامبارح بقى عملت رز بلبن وطلع مسكر شوية:mad:بس حلو وعملت فول فى حلة الضغط وطفيت عليه بعد ساعة وربع ومكنش استوى :icon33:والكلام ده على واحدة بلليل كده فزودته شوية مايه الصبح وولعت عليه ربع ساعة وطفيت البوتجاز علشان الشغل اما اشوف اما اروح بقى هيكون عمل ايه :35:
وشوحت لحمة وعملت بامية

ايجيبتى
صباح الورد جربتى طريقة سما ؟ على فكرة اعملى نفس اللى قالتة سما بس باللبن الرايب هتبقى تحفة

رانيا
ببقى هعيط من ذوقك العالى ربنا يجعلة فى ميزان حسناتك ويرزقك باخوات اولاد لبناتك يا يا رب

ماما زوزو
صباح الخير.....................

ميمسى
بعد اذن ماما زوزو طبعا اية رايك تخلى الملايات دى لحجرة الاطفال واللى هيتبقى منها تعملية مربعات صغيرة كمفارش
للكمودينو والتسريحة فى نفس الحجرة ويبقى عندك اطقم وممكن تجمليها بالدانتيلا على الحواف

فطووووم
مقلتيش بنتك بتحب اية على الكمبيوتر؟

لاروسا
والله مهندى فكرة بس ممكن تعملى بحث فى جوجل عن اكسسوارات الحمام
هتلاقى صور كتير تعرفى اية اللى ماشى اليومين دول قبل ما تشترى
لكن الاسعار كل يوم بحال ربنا يعينك
الرمال الناعمة
لك وحشة يا جميل

صباح الخير يا بنات
اخصي عليكي يا ايجبتي بئ انتي مستنيلنا عشان نيجي وتقولي كدة انتي اللي كنتي بتقولي للمشاركة وتجري وانا فاكرة اني رديتي عليكي كذا مرة بس مش بتجي تاني تشوفي الرد بس عموما احنا لينا مواعيد في المضيفة يعني وردية الصبح ووردية بليل وجمعة وسبت اجازة فممكن تكوني صادفتي اوقات مفيهاش حد كتير وعموما يا ستي حقك علينا

حبيبة اسو
موضوع وجع الكعب ده بيحصلي كل فترة لما باكل مخللات حاولي تقللي الملح في اكلك وتشربي مياه كتير على اد ما تئدرري وان شاء الله تبئى كويسة ولو ناوية على الحجامة اعمليها عند دكتور عشان التعقيم في الحاجات دي مش مضمون

بنات انتو ايه موضوع اليوميات معاكوا يعني ليه بتقولوا يومياتكم المطبخية والتنظيفية ؟؟

السلام عليكم ورحمةالله وبركاته
صباح الخير على الجميع
سبانش - شكرا على ردك بخصوص الميكريويف
انا ان شاء الله حا جيبه للتسخين فقط لان انا كنت قريت
تحذير من الطبخ فيه لانه غير صحى
بالنسبه لموضوع المدرس اكيد ادارة المدرسه
لا حياة لمن تنادى لكن انا كان كل همى من الموضوع
ان ابنى احصنه بالمعلومه الصحيحه وانه يواجه الموقف بشجاعه مع المدرس
فانا ركزت على الجانب الايجابى ان التجربه تكون عمليه للولد انها ازاى يعرف يدافع عن الحق
ايجيبت- نورتينا ما تتاخريش علينا
بالنسبه لموضوع الاغانى انا الحمد لله مقننه الموضوع جدا فى البيت تقريبا ممنوع
على الاقل فى وجودى لكن انا بدعو ربنا انهم يتركوها عن كره وقلبهم يكون رافض
سماعها لان بالطريقه دى استحاله انه يضعف ويسمع اغانى تانى
اكيد كل الموجود من فيديو كليب ده مش فن ده اسفاف واكيد اى اب وام
غيور على دينه مش حا يقبل ان الاسفاف ده يكون على مرأى ومسمع ابناؤه
وربنا يعنا جميعا على تربية ابنائنا
فطوم - الف سلامه على والدتك ربنا يطمنك عليها
باقى البنات صباح الخير جميعا

يومياتى
هعمل بطاطس بالكمون ورز ولحمة وسمبوسك
انبارح انا قلتلكم انى فكيت المراوح غسيل وتشحيم
ويظهر الغسالة زعلت مرضيتش تصرف المياة
فكيتها من تحت ونضفت الخرطوم والريش
والحوض كمان زعل ومر ضيش يصرف المية
فكيت الكوع ونضفتة وحطيت شوية بيكربونات وخل
كان رزقى واسع انبارح