مدام وائل

مبروك علينا الملف الجديد
ويا رب يكون احلى من اللى فاتو كمان ويجمعنا على خير دايما يا رب

بس عتب صغير
وخلى خلقك واسع وطولى بالك متبقيش زيى
صحيح لا يمنع حذر من قدر
لكن بردة الا المنظفات لازم تكون بعيدة عن ابنك عندك وعند حماتك ومامتك
ومن دلوقت بقول لك خلى بالك من الادوية وخصوصا عند حماتك ومامتك
لانها بتكون فى متناول اليد
ربنا يهدى بيدو ويهدى اولادنا كلهم يا رب

السلام عليكم
ازيكم يا بنات النهارده
مبروك الملف الجديد
خبيبه البقاء لله عظم الله اجركم
انا عندي حاله القرايه بس مش عارفه اكتب مع ان عندي حاجات كتير عايزه اقولها بس ساعات بحس ان الغربه فعلا غيرت من شخصيتي و خليتني مش باتكلم كتير مع اني كنت قبل ما اجي هنا ازاعه االشرق الاوسط
ما علينا
اقول لحاجه لايمان الاول حاسه انها واقفه في زوري بس و الله من قلبي عليكي و مش تزعلي لانها نصيحه فعلا و الله لوحه الله
بصي يا قمر انا حاسه ان ابنك عادي جدااا لان كل الولاد في السن ده بيحبوا يستكشفووا و انا غندي حتي بنتين و طلعولي شعر ابيض من الجنان الرسمي بتاعهم و الشقاوه و دول بنات حتي مش اولاد بس انا حاسه انه مش لاقي توجيه للطاقه بتاعته يعني هما الاطفال عندهم طاقه و فضول فظيع احنا بقي اللي علينا نوجه الطاقه دي يعني احرجي بيه مش تستني جوزك لانه عمره ما هبقضي انتي خدي بودي و انزلي في اي بارك او نادي حدي معاكي واحده صاحبتك او احتك او حتي انزلي لوحدك
و دا مش كلام جرايد و الله انا هنا لوحدي و بادرس و بناتي حتي في الحضانه بس عندهم طاقه زايده باخدهم و الله بعد الكليه السعه 5 او 6 علي اي بارك و احنا مروحيين في الطريق للبيت يعني يلعبوا في الرمله و نروح ياخدوا شاور و برضه يكملوا علي الكمبيوتر و هكزا بس علي الاقل انا لاخظت انهم بيبقوا فعلا اهدي و لو في يوم مش رحنا تلاقيهم عادي مش بيشتكوا لانهم بيطلعوا الطاقه باستمرار
و بعدين كلور يا قمر او اي حاجه تانيه علي طول في دولاب الحمام و مقفوا بالمفتاح حتي لو عند طنط او مامتك و طبعا الادويه و الزي منه
انا عارفه انك اكيد بتعملي كده بس حاسه ان انتي واخده الموضوع علي اعصابك و كل علي فكره ما هتفضلي تقولي انا ابني عفريت انا ابني شقي هبتترسب الفكره في دماغك اكتر و هتكتءبي اكتر
الحل هو الحروج للعب او وديه نيرسي ان شاء الله 3 ساعات في اليوم و انتي بنفسك قلتي قبل كده انه قدام الناس الغرب بيبقي مش شقي
ربنا معاكي يارب
باقي البنات صباحكم فل انا هاكتب ان شاء الله الوصفات في السريع البني حاضر بس هاثوم اعمل نسكافيه لاني عماله اشتغل زي الانسان الالي من الصبح و دلوقتي الساعه 6 و نص هنا
فااااااااصل قصير

مدام وائل

تجمع جميل ما شاء الله

الف سلامة على ابنك خلى بالك منه بجد احسن هم في السن بيحبوا يستكشفوا كل حاجة

واحب اسجل برضه معاناتى مع ابنى في رفضه للاكل و انه بقى out of control
الولد بكلمه ما يبص ليش اصلا ولو خرجنا عايز يمشي لوحده ولو قلنا تعالى يا زيزو او لا يا زيزو ما تلعبش في حاجة او كدة

يبتدى يصرخ ويعمل فضيحة كاننا خاطفينه على فكرة هو عندة سنة و 9 شهور

بس عايزة اعرف هو دة تجمع عشان التنظيف ولا الطبخ ولا كل حاجة

سبانش

كلامك جميل اوى
انا فعلا لما بودى زيزو البارك بلاقيه بينطلق بشكل فظيع بيحسسنى انه عنده كبت يا حرام بس هاعمل ايه هنا الجو حر جدا لا يطاق عشان نقعد ساعة في البارك الرطوبة هتخنقنا
ورغم كدة بوديه وبيبقى مبسوط جدا وهو بيلعب في المراجيح والزحاليق وبيبقى اهدى فعلا لما يرجع

فطووووووووم

نصيحة اية انا اللى عايزاكى تنصحينا نشغل وقت اطفالنا ازاى؟من غير تلفزيون
وعلى فكرة بلاش الكمبيوتر كتير مع فطووم عشان عنيها

الوردة الاسبانية
لا
رانيا

ازيك يا عسولة مستنياك

memsi

مرحبا
والتجمع دة بتاع كل ما يخطر على بالك ومفيد
ماشى يا قمر؟