3aroos elneel :

السلام عليكم ورحمة الله وبركاته انا ابنى سألنى سؤال وحبيت لانكم اخواتى وحبايبى تشاركونى الموضوع السؤال كان ينفع اكون روش بس مش على حساب دينى كنت برد عليه بمنتهى الثقه عشان دى القيمه ال كنت بوصلها لهم من زمان وانا نفسى بتعامل فى الحياه بالشعور ده قلت لابنى ينفع طبعا انك تلبس على الموضه وتكون شيك جدا لكن مش معنى كده انك تلبس تيشرت لونه روز وعليه تطريز او انك تطول شعرك وتلبس سلسله مش هى دى الروشنه الروشنه انك تعيش سنك وتستمتع بيه لكن صح وبالحلال العب رياضه ويكون عندك هوايه بس مش حا اغلط غلطة كل الناس انى طول اللعب بشتم لانى منفعل مع المباراه بدليل ابو تريكه لاعب كل الناس بتحبه وبتحترمه جدا وانا واثقه انه عمره ما شتم الروشنه انك تلتزم بوقت الصلى مهما كان اللعب جميل وممكن صحبك يستهتر بالقيمه دى لكن مع الوقت حا يقلدك ممكن تبقى روش ان موبايلك احدث حاجه لكن ما فيهوش حاجه تغضب ربنا وبدل الاغانى حط اناشيد جميله كل ال ياخدها منك انت بتكسب حسنات الروشنه انك تتعلم انجليزى ولغات كمان بس مش عشان اتكلم كلمه عربى وعشره انجليزى وفرصه اننا محتكين بناس كتير مش عرب ومسلمين ان اللغه دى توصل بيها اخلاق المسلمين وممكن تاثر فيه مش شرط انه يسلم بس يقرا عن دينا ويقول هى دى الاخلاق الصح الروشنه انك تكون مثقف جدا وعقليتك ناضجه وواعيه كل من يتعرف بيك تجبره على احترامك والحمد لله اليوم رجع من المسجد بيقول لى انا اتعرفت على واحد داخل جامعه السنه دى وابنى عمره 12 سنه وعجبه تفكيرى جدا وقال لى انا حاسس انك من سنى مش تافه زى ناس كتير من سنى انا انا مبوسط بيك جدا حمدت ربنا جدا وقلت له هى دى الروشنه

السلام عليكم ورحمة الله وبركاته انا ابنى سألنى سؤال وحبيت لانكم اخواتى وحبايبى تشاركونى...