صباح الخير على الجميع
مدام وائل - ألف سلامة عليكى
وربنا يبلغنا رمضان جميعا ان شاء الله

ماما زوزو - أنا كمان اتحمست جدا عشان ابتكر واجدد فى الحاجات اللى عندى
ربنا يكرمك ويابخت كل القريبين منك بيكى ربنا يخليكى لينا كلنا

حبيبة - حاولى فعلا تقللى الأملاح ولو وزنك زايد خسى
عشان الوزن الزايد بيكون حمل على الرجل
واما تعملى ريجيم وتاكلى أكل صحى
كل حاجة هاتتظبط ان شاء الله

عطر الشموع - مالحقناش نرغى معاكى
وطبعا لازم تكونى متاكده اننا لا يمكن ننساكى

ايه أخبار نتايج الثانوية العامة
كوكى -أحمد عمل ايه طمنينا

شيماء - أخوكى عمل ايه يا بنتى أنا فاكراه
وبقول زمان شيماء عند مامتها ومش هتعبرنا انهاردة
مين تانى ثانوية عامة أكيد اللى مش عنده مشغول وبيبارك

مادو- ازيك يا قمر تعالى نرغى مع بعض شوية قوليلى عندك
ولاد غير بنوتك ولا لسه

ام نصر - شوفى يا ستى احنا عندنا بعد الولادة المشروب الرسمى هو المغات وهو
عبارة عن عشبة معينة مضاف ليها حلبة و اضافات تانية ومكسرات شوفى الرابط ده
http://archive.hawaaworld.com/showthread.php?t=434258
والكوباية منه تعمل حوالى 1000 سعر حرارى

ده غير الحلبة كمشروب لوحدها للوالدة نفسها وممكن تتحلى بالعسل الأسود
عشان تزود الحديد وتعوض الدم المفقود

وفى يوم السبوع بتكون العقيقة وكل الناس تتجمع ويتوزع حمص وملبس
وشيكولاتة ومكسرات وبنولع شمع وحاجات كتير أكيد شوفتى فى
الأفلام المصرى
آه صحيح وفى ناس بتعمل كسكسى بالسكر وجوز الهند والمكسرات
ايه تانى يا بنات مش فاكرة

بلو روز - ربنا يشفى والدتك ويعافيها يا رب

ايجيبتى -ايه اخبار الحمل يا رب الوحم يكون خلص

الرمال الناعمة - قوليلى رحتى فين فى اسكندرية

داليا السيد - فين يومياتك يا بنتى تدخلى تسلمى وخلاص

كل البنات ازيكو ووووووو جميعا

رانيا
ربنا يرضى عنك وييسرلك امورك ان شاء الله
ومش عارفة اشكرك ازاى؟ مش عايزة حاجة من مصر ابعتهالك؟ ههههههههه

فهمت يا مادو هدف اليوميات ايه بس انا لما اقرا يومياتكم ما شاء الله ولا قوة الا بالله بحس انكم شطورات واني مبعملش حاجة في البيت

وبالمناسبة دي البوتوجاز يتاعي بيهبب الحلل وطبعا مبوز كل حاجة ابتداء من الارفف للتلاجة لهدومي وفقدت الامل اني زوجي يصلحه وقالي انا اشتري واحد جديد اهون من اني افكه حد يعرف بعد ما افكه واوصل للفونيا اسلكها باية ولا اعمل ايه وطبعا انا عرفت موضوع تسليك الفونيا بعد ابحاث واسئلة

جزاكى الله خيرا يا عروس النيل

انتى الوحيده دائما الى بتردى عليا
انا هجرب موضوع الصدقه دا لانه كان رايح عن بالى


ايه رايكم واحنا بنرتب البيت علشان رمضان
نفرز الدواليب بتاعتنا ونشوف ايه الملابس الى بطلنا نلبسها ونطلها صدقه
او نهادى بيها لو حالتها جيده بنيه الصدقه
وممكن نبدلها مع اخواتنا
انا بعمل كده مع اختى نبدلكل حاجه مش محتاجنها مع بعض
مره بدلن اشكال الكوبايات واصبح كاننا اشترناهم جديد
ودى طريقه حلوه لمنع تكدس الاشياء فى البيت
كمان احنا هنتساءل امام الله على كل هذه النعم
لتساءلن يوميذا عن النعيم


ايه رايكم فى الفكره ارجو التفاعل

سلام الله عليكم

عروس النيل
المكونة والكفتة دائما هما الحل فى الزنقات

هايا
اى سلك عندك او عند مامتك بس يكون طويل اركنية للغرض دة وبس
او تتصلى بالصيانة اصلها لما هتسلك كويس مش هتبوظ كل شوية واكيد انت بتستخدمى انابيب مش غاز
لانهم بيشيكو عليهم كل فترة

ام مريوم
اناعندى بنت واحدة
ومريم عندها اد اية؟عايزيين نتكلم على الياهو ولا الفيس بوك شوية