ماما زوزو
افكارك حلوة اوى

القماشة شيفون حمراء وفيها قلوب دهبي صغيرة وكبيرة بس هي احلى على بعضها من لو اتقصت
بفكر اعملها فواحة في الصالة زى ما قلتى لى
وعجبتنى فكرة نحقن الورد بالعطر حلوة اوى

فكرة الملايات حاسة انها صعبة على اصلي مش بعرف اخيط اوى على قدى يعني

مادو

عجبتنى فكرة المفارش وهاحاول اعملها

لاروزا .. متهيالي يا حبيبتى فى موضوع الفرن ده تدي العيش لخبازه احسن .. انا جبت فبل كده واحد متخصص وصلحهولى وبقى تمام

حبيبة

انا كمان عملت كدة في الدولاب بتاعى وطلعت الهدوم اللى مش بنستعملها وان شاء الله هنتبرع بيها واللعب سايباهم شوية

سبانش
ربنا ييسر امورك ويسهللك اللى عايزة تعمليه يارب

عروس النيل
مبروك على الكسوة الجديدة وتسلم ايدك

ام مريوم
ازيك عاملة ايه وازى مريم
انا ولا شربت مغات ولا حلبة مش بطيقهم

يومياتى عملت الغدا وبس
والترويق العادى

وزهقت عايزة اخد بكرة اجازة عارضة
ههههههههههه

شيماء
والله عندك حق .. احنا كمان هنا فى الشرقيه ارياف زى مانتو عارفين .. بجد مواضيع الجهاز دي بقت جنان رسمى .. والناس تلاقيهم فعلا غلابه وعلى قد حالهم والراجل عنده 5 ولا 6 بنات .. بس لازم يجهزهم زى بنات فلان واخوات علان .. طب خدى مثلا عندك الشغاله اللى عند ماما بتشتغل عشان تجهز نفسها .. كل شهر تقول لماما النهارده يا مدام جبت طقم حلل صاج .. الشهر اللي بعده جبت طقم الومنيوم .. بعدين دفعت مقدم الطقم الاستانلس هاجيبه بالقسط ماهو غالى علي .. مش فاضلي بقى يا ابله _ اللى هى انا يعنى _ غير طقم تيفال .. قلتلها ايه يا بنتى ده انتى هاتطبخى لشارعكم بحاله .. كفايه حاجه من دول والباقى اصرفيه على بند تانى ده انت كده مش هاتخلصى .. وشكل كده عريسك هايطفش قبل ما تنتهى من الجهاز ده ..تقولى امال يا ابله دانا لازم امضيه على قايمه قاااااد كده هو دخول الحمام زى خروجه هاهاهااااه .

يابنات

الرابط دة حلو
في افكار حلوة للعب مع الاطفال

http://forum.hawaaworld.com/showthread.php?t=1324483