مادو - ما شاء الله معلومات روعه
ربنا يجعله فى ميزان حسناتك وان شاء الله جارى التنفيذ فورا
انتى بتعملى اغراءات للغايبين عشان يتشجعو ويدخلو
عجبتنى جدا فكرة قشر الرمان والفازلين مع مغلى الكركاديه
حا اجرب واطمنك على النتيجه

مساء الخير يا عروس
عجبك عمايل العيال دى
هانت عليهم العشرة

السلام عليكم

مادو
الافكار اكتر من رااااااائعة ان شاء الله هاجرب منهم كام فكرة
انا مجربة شفط البطن دى بتعمل فرق فعلا واوقات بلبس حزام بطن بيساعدنى انى اشفطها اكتر

بالنسبة لتنضيف المكياج كنت بستخدم قطنة وكريم دوف

لكن هاجرب فكرتك واكيد الزبادى افيد للبشرة

بالنسبة لمياه الشرب كنت قريت برضه معلومة اننا نضيفلها قطرات بسيطة من الليمون بيقتل اى ميكروبات فيها وبنقى الجسم من السموم

جزاكى الله خيرا :)

مدام وائل

لسة ما اشترتش حاجة خالص ابعتيلى الرقم لو لقتية

ولسة بدور هنا

انا بقى يا جماعة الحر عاملى اكتئاب وسدة نفس يعنى يا دوب على الترويق وكنس فوق الوش وامسح كل شوية بمية وجاز وفنيك الحيطة والارض عشان النمل يرحمنا ويمشى

بالنسبة للاكل الحر سادد نفس الجميع عن الاكل طبخت مرة محدش اكل فشغلالهم بقالى يومين مكرونة قلم بصلصة بولونييز حلوة وسهلة وخفيفة وحبوها

بس زهقوا منها عايزة ادور على حاجة خفيف تانية للاسف بناتى مالهمش فى الفراخ المشوية كنت شويت فراخ
بفكر اعمل بريانى فراخ بابسلة والجزر

عملت من يومين المجدرة السورية فريك وبصل وعدس اسمر معجبتش اى كائن حى فى البيت :( وعمالة كل يوم اكل فيها ومش عايزة تخلص

النهاردة ورايا حاجات كتير جدا عايزة انظف البيت تنضيفة اخر الاسبوع وعايزة انزل اشترى فراخ وخصار وفاكهة الاسبوع وجبنة
ادعولى ربنا يقدرنى وانجز النهاردة