صباح الخير يا بنوتات

ماما زوزو

نصايحك كلها جميلة ومفيدة وخفيفة على قلبنا وعايزينك تزيدينا منها

سبانش

انا رايي انك تقولى لبنتك زي ما قولتى يعني مش لازم تقول للناس انها حافظة حاجة الا لما مامى تقولك قولى ولما تكلمى اهلك امدحى فيها وخليها تقوللهم اللى هي حافظاه وربنا يحفظها لك هى واختها ويبارك فيهم

مادووو

انا زيك مش بحب الاكل البايت وجوزى بقى لما ننزل مصر يفضل يقوللى كتري في الاكل عشان لو حد جه يتغدى معانا (خلوا بالكم من لو دى)

عشان احنا شقتنا في بيت اهل جوزى فممكن يقول لاخوه تعالى اتغدى معايا او اخته كدة يعني

في الاول كنت بتضايق لان كتير ما كانش حد بييجي وبقوله لو انت عازمهم واكيد هييجوا ماشي لكن كل يوم اعمل اكل كتير وماحدش ييجي لا

وكان الاكل بيقعد في التلاجة بس ما بقتش اضايق نفسي بعمل واحط في التلاجة وما عملش اكل جديد لحد ما الاكل اللى قبله يخلص
وخلاص عقاب هههههههه


والفاكهة حطيها سليمة زى ما قالت لك مامازوزو ورانيا

وربنا ييسر لك الامور وما تقعديش عند حماتك

السلام عليكم ورحمة الله وبركاته
سبانش - جزاك الله خيرا معلومات رائعه ومفيده
بالنسبه لبنتك للاسف كلنا محرومين حتى اولادنا من الجو الاسرى
فالاولاد بترتبط بسرعه باى ضيف لكن عودى بنتك فعلا زى ما قلتى
انها تحكى لنانا جدو يعنى العيله فقط عشان نغرز فيهم الانتماء الاسرى
وايضا عوديها مش اى حد تحكى قدامه غير لو انا قلت لك لان العين حق
ثانيا ان الطفل يتعود مش اى حاجه يحكيها لان الطفل لو اتعود انه يحكى لاى حد وكل حاجه
مش حا يميز يقول ايه وما يقولش ايه ومع التعود وتكرار التنبيه الطفل بيتعود
وما تخافيش الوضع ده مع كل الاطفال خصوصا فى هذا السن لكن مع كثرة التوجيه
الطفل بيتعلم وربنا يبارك لك فى اولادك وكل اولاد المسلمين
مادو- خلاص متصالحين
بالنسبه للاكل تصورى انا بحس اننا نظامنا غلط كمصريين
تركيزنا كله على اللحوم والنشويات
جارتى شاميه فى رمضان يوميا متعوده انا وهى كل يوم ابعت لها طبق
على الفطار من اى حاجه عاملاها وهى نفس الطريقه
استخدامهم للحوم عينات يعنى اللحمه مش قطع
ممكن قطعتين مثلا بعد السواتقطع نسايل فى الاكل
وكذلك الفراخ واللحمه المفرومه بكميه بسيطه جدا
ويهتمو جدا بالسلطات والمقبلات فاجسامهم
ما شاء الله رشيقه والاطفال وشهم كله نضاره وحيويه
تعالى على المصريين كرش والاطفال وشها كله بقع من قلة اكل الخضار والسلطه
لان كل اهتمامنا بالحوم بنعمل لحمه محشيه لحمه
كنت معزومه عند اسره مش مصريين كنا حوالى تسعه
كانت عامله فرخه واحده على الرز وال يحب ياكل ياخد نسيله رفيعه جدا
مع الرز وباقى الاكل سلطات ومقبلات يعنى لو عملنا كده
عزومه لنفس العدد تبقى فضيحه وممكن تتعزمى على العشا
تكون تبوله وفطاير ما فيش اى لحوم انا شخصيا ما اقدرش اعمل كده
مع انها وجبه جميله لكن لو ما فيش لحوم الضيف يزعل وتكون كارثه
يعنى فعلا نمطنا فى الاكل محتاج تغيير والاهتمام بالمقبلات والسلطات
انا بشجعك استمرى على نمطك طالما انك مرتاحه وما تهتميش بالتعليقات
ربنا يسهل لك الامور وتستقرى فى بيتك لان فعلا الحريه والاستقلاليه
جميله ونعمه من ربنا عليكى بالدعاء وان شاء الله ربنا ييسر لك امورك

انا عايزة اسأل سؤال بقى عن الاطفال برضه

انا بشوف امهات كتير في السوق وعيادات الدكتور وكدة بيكلموا ولادهم انجليزي وبلاقي الولاد صغيرين

يعني تقوله let's go

come here

wait

open the door

او كل الكلام بالانجلش


هو دة صح وهل الطفل هيفهم يعني ويستفيد من كدة لما يدخل مدرسة ومن سن كم يعني اكلمه يعني ابنى قرب على السنتين

لما اقوله let's go مثلا هيفهمنى:icon28::42:

ولا دة over ?

ميمسى - فتحتى موضوع لفت نظرى جدا
كنت فى السوق وكان فى ام منفعله عاى طفلها وبتشتمه كله انجليزى
وايضا فى المطار ام وابنها وكل كلامها بالفرنسى ولفت نظرى فى الاسرتين
ان مستواهم عادى جدا والامر اصبح سمه كنوع من البرستيج كلمه عربى وعشره انجليزى
انا مش ضد تعليم اللغه وارحب جدا بالجمع باكثر من لغه وانا فى فترة الاجازه اولادى بتاخد
دورات فى اللغه الانجليزيه والحمد لله مستواهم ممتاز فانا اشجع جدا الدراسه والاهتمام
لكن بحزن جدا ان الطفل يتكلم كله انجليزى لان الامر خطر جدا على اللغه العربيه ال هى لغة القران
لازم الطفل يحب لغته ويرطبت بيها انا اعرف اسره الولد عمره اربع سنوات ومش عارف يتكلم عربى نهائى
وعايشين فى دوله عربيه هل يا ترى الجيل ده ممكن يخدم الاسلام وينصره ازاى ينصر دينه وهو مش عارف لغة دينه اصلا
انا بقول لبنتى اهتمى جدا باللغه الانجليزيه واحتسبى النيه عند الله انك بتتعلمى اللغ عشان دينك ونصرته
انك تترجمى كتب دينيه تترجمى القران يكون طموحك خدمة دينك باللغه والتعريف بالاسلام عشان طول فترة الدراسه
فانتى ماجوره لكن للاسف تعليم الانجليزى اصبح للبرستيج انا اخو زوجى فى امريكا مقيم ومستقر المكالمه كلها
بلغتنا ما فيش اى كلمه انجليزى ولو اتكلم انجليزى له عذره لانه تعود لكن اسره عربيه وعايشه فى دوله عربيه
كل كلامها مع بعض فى البيت انجليزى فاده حا يعمل للطفل بلبله ولخبطه يرتبط باى لغه يقرا قرآن ازاى ويشعر بمعانيه
فانا بحزن من هذا الامر وبعتبره كارثه

صبااااااااااح الفل اولا متشكره ليكم يا احن واجطيب اخوات في الدنيا


مادو يا قمر متشكره جداااااااا على الوصفات وانا معاكي في موضوع انك تعملي اكل على الاد انا زيك بس هنا باقدر اعمل كده لان مش في حد بييجي يزورنا وربنا ييسر لك الامور

اما في مصر جوزي زي ميمسي يقول لي لازم تعملي حسابك للطواريء ممكن اي حد يجي لنا فجاه بس غالبا باينا لما حد ييجي فجاه

بنطلب جاهز من بره

سبانيش البنات كفوا ووفوا في موضوعك انا متفقه معاهم وربنا يحفظ بناتك وابنائنا جميعا

عروس النيل متشكره جدااااااااا على الوصفات الجميله ممكن اعرف اعمار اولادك ربنا يبارك لك فيهم هم وابنائنا جميعا

حبيبه نصايحك جميله ربنا يكرمك

ماما زوزو من فضلك عايزين وقت اضافي مش بنشبع من حضرتك

روشانا

شيماء

نانا
نيرفانا

عطر الشموع

مدام وائل

ربنا يكرمكم جميعا

انا باه ابني بدا يباه عنيف شويه يعني يضربني على ايدي ويضرب باباه كمان ولما اقول له انت وحش يقول لي لا ماما وحش وبابا وحش

ده غير انه مش راضي يسمع او يتقبل مني اي كلام بيغمض عيونه وانا باكلمه مش عارفه شكله متخيل انه بيسمع من عيونه هههه

المهم بجد انا تعبت فمش عارفه اتعامل معاه ازاي لما يعمل كده ده غير انه مش راضي يحفظ اسمه بالكامل راااااافض بيقول لي انا

يامن بسسس ويعيط يا رييييييت تفيدوني اتصرف ازاي