حبيبه -
قيمه مهمه جدا اننا نعلم الاولاد عدم نقل اى مواضيع خاصه بالبيت
لان الطفل مش عارف يقول ايه وما يقولش ايه
انا قبل ما سافر للغربه كنت بركب بنتى لتاكسى للروضه
اتاجات ان السائق كل يوم يسالها
اتغديتو ايه ماما اسمها ايه
يعنى كلها اسئله لا تعنيه فعلا
قيمه جميله وتكون درس للكبار
ان الطفل يرد من حسن اسلام المرء تركه مالا يعنيه

ازيكم يا بنات ماشاء الله منورين كلكوا و بجد معلومات اكثر من رائعه
سواء عروس النيل او رانيا او نانا

بجد تسلم ايدكوا و لسانكوا على كل كلمه حق او معلومه صحيحه بتقولوهالنا


و انا بضم صوتي لصوت عروس النيل انا بقيت حابه التجمع اكتر من الناس الي في الحياه لان بحس هنا بنطلع احلى و اصدق ما عندنا و بدون اغضاب ربنا بل بالعكس بحس اننا بنشجع بعض على التقدم في كل النواحي

و بجد لو ربع الستات المصريين يعملوا زينا اكيد هنكون بلد مختلفه تماما


بصوا بقى انا في موضوع العزايم و الاكل الكتير مش بحبه ابدااااا لانه اسراف و تعب رهيب لينا

بس لما بضطر و اعزم بحافظ جدااا على البواقي في الفريزر و نفضل ناكل منها عادي جداااا مع بعض الاضافات لحد ما يخلص


انما في يومي العادي بعمل على الاد اوي و ساعات جوزي بيضايق بس بيحاول يتعود


اما عن موضوع الاطفال يا رانيا

انا زيك بحس ان ابني كده جدااا لان ملناش قرايب في اسكندريه معانا

و ياعيني هو يشوف اي حد من هنا و يبدا يعرض نفسه و انجازاته و ساعات كتير بيتكبس يا قلبي و ببقى مضايقه جدااا

بس مش عارفه اقنعه باي حاجه لان سنه لسه صغير جداااا يعني سنتين و سبع شهور

والله حتى لو حد في محل بص له و ابتسم يفضل يلاعبه و يحكيله و بكون مضايقه من ردود افعال الناس البارده


يعني انا لو طفل بييجي يعمل كده امامي بعطيله اهتمامه جداااااا و عمري ما بكبسه


الا قولولي يا بنات امتى ابدا مع ابني تحفيظ القران ؟؟؟؟
اصله لسه يادوب بيبدا يتكلم لانه اتاخر شويه في الكلام


اما عن اخباري فلا جديد الى الان دائما مصدعه و مش قادره اعمل حاجه من الرطوبه الفظيعه



بليز يا بنات انا عايزاكوا تعلموني اعمل سلاطات حلوه لاني مليش فيها اوي و ياريت اي مقبلات خفيفه و بسيطه

حبيبه اوسو ____كلامك كله ضرر النهارده

و بجد موضوع ان الاطفال بينقلوا الكلام ده كارثه لان في ناس بتتفنن في تنطيق الاطفال لمعرفه اسرار البيوت

و بجد احسن رد هو ده و مفيهوش زعل و مفيهوش مشكله


انا لما اقول ليوسف ابني تعالى اقولك حاجه حماتي تزعل و تقوللي الوشوشه هتبتدي ولا ايه

مع ان من حقي احافظ على خصوصيات بيتي و حياتي





اما عن موضوع الاكل تاني و الضيوف فانا شايفه ان البساطه زي زمان هي الاحسن و هي الاجمل و هي اللي بتحسس بالود و الالفه بين الناس انما التكلف الرهيب بيحسس الضيف بالحرج في احيان كتيره

و بجد من سمات ديننا البساطه و الاعتدال و الظهور بمظهرنا الطبيعي انما بصراحه اللي احنا بنعمله الايام دي تكلف رهيييب

فين ايام زمان لما كنا نزور اي حد فجاه و السفره مرصوصه و نعد عادي من غير كسوف ولا رعب


انا و انا طفله كنت اروح عند جيراني عادي في اي وقت و اكل اي حاجه حتى لو عيش و جبنه

و بجد الود كان بيزيد و الالفه موجوده

انما الايام دي رغم اسرافنا و تكلفنا الا ان المسافات بتزيد و الفجوات بتوسع حتى بين الاخوات


ربنا يهدينا الى ما يحب و يرضى

حبيبه

انا فاهمه كلامك بس انا مش شكوتس انها بتتكلم في الاسرار لاء زي ابن عطر الشموع كده ممكن يكلموا اي حد في اي محل و يقولوا انجازاتهم هما من حفظ كزا و الناس فعلا بااارده الله السمتعان بس فعلا حلو اوي الرد لانه فعلا هيحرج اللي ادامهم بالزوق


انجي
بصي دا ملف المطبخ تعالي معانا هناك
http://forum.hawaaworld.com/showthread.php?t=984021&page=77

و دا ملف للسلطات
http://forum.hawaaworld.com/showthread.php?t=1153487&highlight=%C3%E6%D1%C7%DE+%DF%C7%D1%EC

رانيا___ميرسي اوي عالروابط و نفسي اعرف اعمل سلاطات حلوه لانها الذ بكتير من الاكل التقليدي





المهم يا بنات انا عندي مشكله قلقاني جداااا مع انها مظهرتش لسه


اعمل ايه لما يوسف يبدا يسال اسئله محرجه؟؟؟؟؟؟؟؟؟؟؟


هو بدا يشاور و يقوللي ايه ده ؟؟؟؟


بس انا بصراحه بتعامل مع الموضوع بغباء فظيع و بعمل نفسي مش سامعاه بس طبعا ده غلط



فياريت اللي عندهم خبره في الموضوع ده يقوللي عمل ايه لاني فعلا قلقانه جدااااا