ازيكم يا بنات

سما سحاب

انت قلتى قبل كدة يا سما انك عصبية واكيد دة السبب انا كمان زيك على فكرة
وعارفة انه صعب جدا اااااااااا الواحد يملك نفسة عند الغضب
لكن انا فى كل يوم ببقى فى حرب على اعصابى لان النتيجة تستاهل المحاولة بجد
فحاولى تقللى من عصبيتك
انا لاحظت ان الواحد بدا يهندل صفات فى شخصيتة عشان نعرف نربى اولادنا
يعنى هما فعلا بيربونا قبل ما نربيهم يعنى فعلا عصبيتى قلت- بس ساعات بتنفجر بس ببعد نفسى بعيد عنهم
طريقة الكلام لازم بعد اذنك ولو سمحت وشكرا وحاضر ودى عن تجربة بتبقى مفيدة
الاحضان والحنان علطول انا مرة بنتى ضربتنى فضربتها فردت الضرب وهكذا والموضوع كبر هههههه
فى مرة تانية ضربتنى مسكت ايدها بوستها وبقول لها بتضربى ماما
اعدت تحضن فية وتبوسنى وكانت هتعيط
المهم ربنا يبارك لك فيهم ويهديهم

رانيا

حبيبتى اوعى تقولى كدة انا عمرى ما ازعل منك ومفيش حاجة قلتيها تزعل اساسا
وجزاك الله كل خير

حبيبه
انت بقى انا زعلانة منك هههههههههههه
كل كلامك عن الضيوف طبعا صح انا مرة كنت عاملة اكل وكالعادة على القد
وجاء ضيوف وكمان مستعجلين قلت لهم اننا اكلنا وحطيت لهم الاكل وبعد ما خرجو اكلنا برة وكنت فرحانة
المسالة اننا لازم نقتصد فى الاكل والشرب الكل دلوقت بيجيب عصاير جاهزة وحاجات ساقعه
ليه مش بنعملها فى البيت
والادوات الكهربائية
انا جوزى بيتحايل علية عشان نجيب الميكروويف وانا اللى مش راضية لاننا لازم ننتفع بالموجود عندنا
حتى الفرن الكهرباء جابة غصب عنى
بحس ان كل حاجة جديدة فى البيت عايزة شكر بالقول والفعل وانا مش قادرة اشكر ربنا على الموجود عندى حالياكما يجب
غير اللبس والعاب الاطفال وكماليات البيت اللى عمرها ما هتخلص
واساليب الرفاهية الزايدة
حاسة انى تعبت من الكلام ومش هتفهمونى
المهم يا حبيبة ادخلى فى الجروب بايميل الياهو بتاعك ينفع بردة زى ما رانيا قالت لى

عطر
اسهرى معانا النهاردة باة

مادو

انا متفقه معاكى فى الكلام دا


طب ايه بقا الى انا قولته وزعلك
وعلى فكره انا لما حد بيزعلنى ويجى يساءلنى بقوله لاء انا مش زعلانه منك وخلاص بعتبر الموضوع منتهى

حبيبة
انسى يا قمر خلاص؟؟؟ افى يا لبن
عطر
معلومة صغيرة على الماشى
حبيبتى انت المفروض متغيريش قدامة نهائى وكانة ولد كبير
ولما تغيرى لة تقفلى عليكم الباب
وفى الحمام تقفلى الباب
عشان يتعود على كدة ويعرف ان غلط حد يشوفة
وقولى لة دة بتاع البيبي وخلاص ببساطه
باى باة انا خارجة
ازيك يا نيرفاناااااااااااا عاملة اية

عطر- منوره وكل المجموعه
انا سعيده انك شاركتينى الراى ان فعلا صداقة النت بقة افضل صداقه
كلها متعه واستفاده واحلا ما فى التجمع اننا بنعين بعض على الخير
بالنسبه للاسئله المحرجه خطر جدا تجاهل اسئلة الطفل
لان بعد كده الاسئله حا تتطور وتكبر ولو ما اتعوتيش انك يكون بينكو
حوار حا يرجع لاصدقاء المدرسه وده خطر جدا
بالنسبه للاعضاء تقريبا كل بيت بيسمى بتسمية دلع للمناطق
وتشرحى له وظيفة كل حاجه على قد سنه
ومهم جدا راى مادو انك تعتبريه طفل مش مدرك
انك تغيرى قدامه والملابس الداخليه تكون قدامه لازم يتعود على
الخصوصيه ويتعود ان حرام حد يشوفك وانت بتغير عشان
كده لازم نغطيها باللبس لان ده حا يجنب الطفل مشاكل كتيره
ربنما يعافى اولادنا جميعا منها
لما ابنى سالنى انا اتولدت ازاى قلت له بندعى ربنا الاول
وبعدين ربنا يرزقنا بذره صغيره فى البطن وكل ما آكل تكبر
واقتنع والولاده ازاى
قلت بنروح للدكتور بيفتح البطن وبيطلع البيبى
بيفتحها ازاى
قلت له عنده اجهزه هو بيستخدمها عشان دكتور
ثم كل ما حا يكبر الاسئله حا تكبر
وللاسف المدرسه والاصدقاء وفى اهالى متخلفه
مش بتراعى اى حاجه الولاد بتشوف حاجات دقيقه وبتيجى
تحكى فى المدرسه فلازم تكونى مستعده وتجاوبى بصراحه
على قد سنه بس معلومات صحيحه بحيث انك تعملى له اشباع انه
حتى ما يحكيش مع اصدقاء المدرسه

عندى تكمله بسيطه للموضوع
ان لازم الام تقرا مقالات عن الموضع ده
انا كنت قريت مقاله فادتنى لبنتى جدا انى اشرح لها
شكل المنطقه التناسليه ووظيفتها
ومهم جدا ربط اسئلة الطفل وردك عليه براى الدين
القرآ، قال ايه فى الموضوع ده وتقولى الايه او الحديث
وايضا راى العلم تحاولى تجمعى بينهم لانه بيكون له مصداقيه عند الطفل
لكن ده طبعا فى مرحلة المدرسه لان ادراكه اكبر
ومهم جدا عدم تعنيف الطفل على اى سؤال
لان انا لمست الحاجه دى مع ابنى انه سال والده عن حاجه خاصه
وجوبه بوضوح وراىالدين والعلم وتانى يوم فى المدرسه
صاحبه قاله انا سالت بابا كلنى ضربنى وقال لى انت قليل الادب
فطبعا دى كارثه وغلطه من الاب ترك ابنه فريسه لنصائح الاصدقاء
وفرصه اى عضوه اولادها سنهم صغير تقرا وتتثقف جدا
وراى اطباء علم النفس لانه جيل سابق سنه بمراحل
وربنا يعنا جميعا على تربية ابنائنا وحمايتهم