السلام عليكم جميعا
الو.احد بيقعد كام ساعه يرجع يلاقى ردود كتير ما شاء الله
اقولكم عن يومياتى
صحيت الساع 3 الفجر من النوم
روقت وغسلت والغسيل وغسلت الواعين وطبعا مليت ميه
وبعدين عملت رف الزجاج اللى فى المطبخ نزلت كل اللى فيه وغسلتهم وغسلت الرفوف

وبعدين نشرت وقعدت شويه على النت ونمت على واحدة الظهر

جوزى صحانى الساعه 4 وقالى تعالى نجيب حاجات الشهر
طبعا مكذبتش خبر رغم انى وقفت كتتتتتتير قوى الصبح ومكنش ينفع انزل
بس بصراحة مصدقت انه فاضى وهيجى معانا
رجعنا على 7 سخنت كنت عاملة لوبيا ورز وسلطة واكلنا وخلت نمت لغايه الساعه 11
ومن ساعتها وان صاحيه بروق تانى وبغسل مواعين
وعملت كريم كراميل
وعملت رز وكوسه ولحمه
علشان امشى الصبح هروح عند ماما افعد يومين
علشان اعمل تحاليل وطومى كمان جلدها بايز خالص من الحر هكشف عليها
بس هى دى حكايتى

نسيت اقول انكم هتوحشونى قوى اليومين دول
اوعو تنسونى

حبيبة ونانا البقاء لله

ماما زوزا وشيموا وعروس النيل ورمال وسبانش ومادوا وروشانا وفطوم سلامى ليكم كلكوا يارب دايما متجمعين على خير وسلام

بنات انا مش عارفة الوقت بقى بيعدى بسرعة اوى اوى يعنى فعلا اليوم مبقاش فيه بركة خالص يعنى ال24ساعة بتعدى كانها ساعة والله العظيم مبلحقش اعمل كل اللى ورايا حتى النت مش عارفة اعد عليه كتير شغل البيت مش بيخلص وكلها شوية وترجع المدارس وتعبها حقيقى حاسة انى فى دايرة مفرغة ربنا يقوينا جميعا
ويبارك فى اوقات المسلمين كلها