نادو 69_____اولا اهلا بيكي معانا

ثانيا الف مليون مبروك عالبنوته و يارب يفرحك بيها اصلي بجد نفسي في بنوته ادعيلي بقى


بصي مش سهل تسيبي شغلك بعد كل السنين دي لانك اكيد هتملي و تتعبي بعد ما بنوتك تكبر شويه

انا اشتغلت سنتين بس قبل الجواز بس الى الان مفتقده الايام دي جداااااا

دا غير ان الظروف الاقتصاديه متشجعش انك تسيبي شغلك

يعني اذا في حاجه لفلوس يبقى صعب تعدي

انما لو الحمد لله متيسره يبقى ممكن تفكري انك تعدي

بصي هي بتختلف من انسانه للتانيه

يعني في ستات تقول مقدرش اعيش من غير شغل و ستات تانيه تقول البيت و الولاد اهم من الدنيا


يعني صلي صلاه الاستخاره اكتر من مره و ربنا يوفقك للي فيه الصواب

شيماء
شكرا على سؤالك على وربنا يفك كرب والديك واخوك يارب ويحقق له اللى بيتمناه

نادو
مبروك على البنوتة الحلوة يارب تتربى في عزكم وتشوفيها عروسة ان شاء الله

انا بصراحة بحب الشغل جدا وكنت بشتغل لغاية ما جبت زيزو وبعد كدة قعدت لظروف البلد هنا كان الولد عنده شهرين كنت هاوديه فين والشغل مش بيدي اجازة كتير

بس بصراحة مفتقدة الشغل جدا وعايزة ارجع تانى بس طبعا ابنى اولى انى اهتم بيه دلوقتى

وطبعا زى ما عطر قالت على حسب ظروفك برضه يعنى لو حبيت قعدة البيت ولقيتى الامور متيسرة توكلى على الله

وربنا يوفقك لما فيه الخير

السلام عليكم ورحمة الله وبركاته
انا مش عارفه الموضوع ده ميزه ولا عيب التجمع بقى عامل
زى الادمان عندى اخلص اى شغله واجرى اكتب رد
اى موقع ادخله بحس انى مش مركزه عايزه افتح بسرعه على التجمع
بجد احلى صحبه قابلتها فى حياتى ربنا يديم علينا الحب فى الله
مدام وائل- البقاء لله ربنا يجعل قبره روضه من رياض الجنه
ويصبر زوجته ويعينها على المسؤليه
فعلا الموت الفجاه وخاصة مع الشباب زاد جدا
اللهم ارزقنا جميعا توبة قبل الموت وشهادة عند الموت
ربنا ييسر لك الحفظ ويجعله فى ميزان حسناتك وطريقتك سهله
وان شاء الله اكمل لانى بدات من فتره وحا اكمل ان شاء الله
شيماء- عامله ايه يارب تكونى بخير مشكلة اخوكى مش جديده
متكرره دايما لكن حسبى الله ونعم الوكيل فى كل ظالم
وهو نى عليه وان شاء الله ربنا يعوضه خير وعسى ان تكرهو شيئا
عطر - انا سعيده جدا بتعليقك الرقيق وربنا يديم بينا الحب والود
نانا - لوعندك قرع كتير جربى مافيش ال تعرفيه احسن انا بعمله بالبشاميل
انا جارتى شاميه بتسلقه بسكر وتضيف له مكسرات ويتاكل خشاف
ميمسى - تسافرى بالسلامه وان شاء الله اجازه سعيده تقضوها فى الخير
فعلا اصعب فتره الاسبوع الاخير قبل السفرفخليها فرصه انك تكونى معانا اكبر وقت
نادو- اهلا بيكى معانا وموضوع الشغل ده عايز قاعده لانى حاسه بيكى جدا
لان والدتى كانت موظفه كانت فعلا مطحونه وكنا مفتقدنها جدا فى البيت لان وقتها كان ضيق
ولا تتصورى فرحتى انا واخواتى لما تاخد اجازه من الشغل نرجع من المدرسه بمنتها السعاده
لان البيت حا يكون مترتب وفى اكل رحته جميله وهى عامله روح وجو جميل فصلى استخاره
وللحوار بقيه احكى لك تجربة امراه عامله ونفسية ابناءها لو حبيتى

ايه رايكم يا جماعه بما ان رمضان قرب
اننا نعمل ملف للحلويات لكن حلويات سريعه وخفيفه
بس تكون مجربه
اليوم منال العالم على قناة ابو ظبى عملت رز حلو جدا
هى كانت عملاه ساده بس انا عملت بسمك فيليه
وممكن يتعمل بفراخ او لحمه وممكن بطريقة التدوير ببواقى فراخ او لحمه اوسمك
2كوب رز وبصله كبيره ربطة كسبره طمطايه مقطعه مكعبات وتوابل صحيحه
حبهان ونصف عود قرفع و4 حبات قرنفل
شوحت البصل فى زيت وسمنه وضافت عليه ملعقه صغيره توم مهروس
والتوابل الصحيحه وده السر ال بيخلى ريحته مميزه وبعغد كده
انا ضفت قطع السمك تشويحه خفيفه والكبره والطماطم
ومقدار الماء للرز حتى يغلى ثم نضيف الرز وعليه ملح وكمون وزنجبيل مطحون وفلفل اسود
وعملت جنبه صلصه بتاعة الكشرى وبابا غنوج جربوه خفيف جدا ومش بياخد وقت نهائى

انا سهرانه بكلم نفسى
عجبنى الموضوع ده عن انواع الصبر
اللهم اجعلنا جميعا من الصابرين
الرابط http://forum.hawaaworld.com/showthread.php?t=1342852