حبيبتى ماما زوزو
الرد ده مخصوص لعيونك .. وحشانى مووت .. ولى طلب عندك .. ادعيلي يا ماما وادعي لاحمد .. اصل انا مجربه دعاكى ويظهر دعوات الامهات كلها مستجابه

مادو لا شكر على واجب فعلا في كام بنوتة فطاحل في ملف المطبخ بس الاغلبية ومنهم انا بنتعلم منهم

مش عارفة يا بنات انا حاسة انكم مكبرين اوي مساوئ شغل الستات انا برده مامتي كانت بتشتغل طول عمرها وعمرنا ما حسينا اننا ناقصنا حاجة لا في البيت ولا مشاعر ولا ان اي حد يكون محتاج يعد يفضفض معاها وتكون مرهقة او تعبانة دايما كان لينا الاولوية

عشان كدة بقول حسب الاستعداد النفسي والجسمي وحسب الزوج برده زي ما ماما زوزو قالت عشان بيفرق كتير هو عايز ايه في تصيد الاخطاء للي عايزة تعد او اللي عايزة تشتغل

مساء الخير عليكوا يا بنات

كلكوا منورين و قمرات

وموضوعاتكوا احلى من بعض


وحشتونييييي

السلام عليكم
ماما زوزو ياغالية علينا بحبك قوىىىىىىىىىىىى

وسلام للجميع

بالنسبه لموضوع الشغل
رايى انة موضوع نسبى جدا يختلف حسب شخصيه الام ونوع العمل وشخصية الزوج و..........
انا اعرف امهات فى البيت علطول وميعرفوش حاجة عن ابنائهم
واعرف امهات عاملات من كتر ما هم حاسين بضيق الوقت بيحاولو يستغلو كل دقيقة فى حياتهم ومنظمين جدا مع اولادهم
بس انا رايى الشخصى مش بحب الشغل
برغم ان امى علطول بتشجعنى انى اشتغل وبتحسسنى انى بقيت شغالة بالبكالوريوس
بس انا بحس ان بيتى مملكتى الخاصة وبحب شغل البيت اوى صحيح بمل ساعات بس برجع لطبيعتى بسرعة واحب البيت
وفى نقطة كدة بحس ان ست البيت بتحب جوزها اكتر او مش بتكرة عيوبة اوى ويمكن المشاكل بتقل كمان
لكن لما بتخرج برة وتشوف نماذج تانية بحس ان الشيطان بيلعب فى دماغها فى ناحية المقارنات والتطلعات
وطبعا المشاكل بتزيد يعنى الست لو متعرفش طباع اى رجال تانين هيباى جوزها لو قرد غلس هتحبه
اقصد انها بتتقبل كل عيوبة ببساطه

دا غير الشغل اللى بيتعارض مع اوقات الصلاة بالخارج وبتبقى مشكلة

ساعات بقول لنفسى المفروض ياعدو كل الستات فى البيت لكن برجع اشوف نماذج لستات بتعول اسرهم وستات بيبقو فعلا محتاجين الشغل
المهم ان فى ستات بتقدر توفق بين الاتنين بس اعتقد انها بنسبة واحد فى الالف
اعدو احسن فى البيت واخرجو للفسح فقط وبلاش وجع دماغ
والله انا ساعات بشوف ستات بيبقى هاين عليه اروح اضرب رجالتهم دا لو كان ليهم رجالة
بيبقى شكلهم موظفات وجايبين اولادهم من الحضانة اللى شيلاه واللى ماشى جنبها وشايلة اكياس من السوق
حملها تقيل ساعتها بيبقى هاين علية انزل اجيب هدية لجوزى ههههههه
ربنا يعين الجميع

مدام وائل
البقا لله
انا كان فى سنه الثانوية العامه بتاعتى جدتى توفت وابن عمتى توفى فجاه وكان 7 سنوات
وابن خالتى توفى فجاه وكان فى التلاتينات وعمر بنتة شهور وابنه سنتين لك مامته ربنا صبرها بجد ومربيه
اولادة احسن تربية المهم الصبر والامل فى ربنا دائما
وربنا يجعلها اخر الاحزان

يانانا ياحبوبه
كلامك مؤثر
وقلقك زاااااايد
ادعيله ان يكون ورا اللى حاصل خير
ربنا سبحانه وتعالى
مش ممكن يضيع من احسن عملا
ولكن صبرا


سبحان الله يانانا
مرت عليا ظروف صعب جداااااااا
ومن خلال نفس الظروف وبسببها
لاقيت خير كتيييييييييير جدا
الحمد والشكر لله
على كل ماا عطاه

ان شاء الله ربنا يبارك فيه
وينوله كل الخير
واحسن واكتر كتييير
مما يتمنى
امين يارب العالمين