السلام عليكم ورحمة الله وبركاته
اشكر مدام وائل فى المقام الاول
لانها صاحبة الفضل فى هذا التجمع
جزاك الله عنا خير الجزاء
وابارك لها على نجاح التجمع وانه اصبح شامل لكل امور الحياه
مش تنظيف وطبخ فقط
ثانيا رساله لباقى العضوات
انا هزتنى جدا رسالة
انجى يويو انها حابه اننها ناخد بايديها ونقربها لله
حسيت بمشاعر غريبه مشاعر
بالسعاده اننا الحمد لله اثرنا فى غيرنا وانها طلبت مننا الطلب ده
وما دخلتش على التجمع الاسلامى
وده حسسنى ان مسؤليتنا كلنا كبرت
بمعنى اننا لازم نشجع بعض اكتر وناخد بايد بعض
ونتثقف اكتر لانا مواضيعنا كبرت وتعمقت
ما بقتش متخصصه فى جانب واحد
انا كنت دايما لما اقرى حديث الرسول
صلى الله عليه وسلم
بلغو عنى ولو آيه
اشعر بتانيب ضمير مش عارفه اعمل ايه
وكل العلماء بتقول لازم نعمل حاجه للاسلام
فكنت بحزن اكتر مش عارفه اعمل ايه
انا ربة منزل ومغتربه يعنى احتكاكى بالناس بسيط
لكن اخذت عهد من اول مشاركه لى فى النت
انى اوصل اى معلومه فى الدين مهما كانت بسيطه
وحسيت بمشاعر مختلفه جدا
وامس وصلتنى رساله على الخاص
من عضوه فى التجمع الاسلامى شاركتها براى
فى موضوع كان محيرها
وكان الرد عباره عن دعاء لى ولاهلى
لا تتصوروا اقشعر بدنى من دعائها لى
لانى حسيت انه خارج فعلا من قلبها
وحسيت بنعمة ربنا علينا اننا بدون اى مجهود ومن بيتك
بتساعدى على الخير وبتعملى حاجه للاسلام
والاجمل اننا بعيد عن بعض جدا كل وحده فى بلد
زمش عارفين اشكال بعض لكن قريبن لبعض جدا
وان شاء الله يظلنا الله تحت ظله
لاننا اجتمعنا على الحب فى الله
انا بكرر مسؤليتنا كبرت ولازم نعين بعض على الطاعه
ونحتسب النيه اننا بنطبق حديث الرسول صلى الله عليه وسلم
بلغو عنى ولو آيه
بحيث يكون النت بالنسبه لنا جميعا حسنات جاريه
واى عضوه مهما كانت المعلومه بسيطه اكتبيها
لانها ممكن يكون لها صدى كبير عند ناس كتيره
وبكرر لمدام وائل
جزاك الله عنا خير الجزاء

شيمااااااااااااء
وحشااااااااااااااااااانىىىىىىىىىىىىىىىىىىى موووووووووووووووووووت

عطر
انت اكيد بتهزرى او بتضحكى او بتتريقى او بتتمالقتى او بتنكتى ههههههههههه
يا بنتى انت سالت سؤال واحد مفيش حد مردش علية
وبنتظر مشاركاتك جدا واعتقد كلنا كدة
وبحبك اوىىىىىىىىىىىىىىىى وانت اللى مطنشانى اليومين دول
وحاسه بجفا من نحيتك
ردى باه

شيماء انا بشكرك على الدعاء لى
والله حا سه انه خارج فعلا من قلبك
والله بصدق بحبك جدا فى الله
انتى وكل المجموعه

عطر
اضم صوتى لصوت مادو كلنا بنحبك
انتى عايزه تختبرى حبنا ليكى
والله كلنا بنحبك وبحب فيكى جدعنة بنت البلد
عطر انا ما عملتش الغدا ولو حصل لى
اى كدمات يبقى بسببك منتظرين تفاعلك
وردودك الجميله

عروس النيل
كلامك كلة جميل
بس عايزين الموضوع يفضل شامل كل حاجة
انا بتعلم منكم ومعاكم- والله انا بحب اعمل اكلة جديدة ولا حلوة و
عايزة اخلى البيت دائما نضيف وحلو عايزة اوفر من مصروف البيت و.....
عشان ارضى جوزى او افرح بنتى وفى النهاية ارضى ربنا سبحانه وتعالى

وطبعا ربنا يعين المسلمين جميعا على الامر بالمعروف والنهى عن المنكر
فى كل مكان وزمان