السلام عليكم يا بنات
ازيكم كلكم وحشتوني جدااا انا رجعت امبارح الحمد لله
هارد علي كام موضوع اللي فاكراهم ما شاء الله المواضيع كتير اوي
اولا موضوع الشغل لانه كان موجهه ليا سؤال
بصي يا روشانا انا راءي انه بيعتمد علي الشخصيه بتاعه الام و الزوجه يعني في سيدات بتبقي في البيت لكن متعرفش اي حاجه عن اي حد و لا بتعمل اي انشطه و لا ترابط بينها و بين اولادها لان طبيعتها كده
و في ستات بتشتغل و عارفه كل حاجه عن اولادها و منظمه في البيت و مفييش اي حاجه ناقصه
و في ستات مجبره انها تشتغل علشان الماديات و بتبقي من جواها مش عايزه تشتغل علشان كده تلاقيها فعلا مطحونه زي ما مادو قالت علي الست اللي شافتها
انا راء ان الشغل للست مفيد لو هو اصلا شغل مفيد يعني لو شغل هتخدم بيه الستات التانيه زي الطبيبه و المدرسه في مدارس بنات بس
انا مش عايزه اي حد يزعل يا جماعه الله يخليكوا انا فعلا راءي ان اختي مثلا هي مهندسه بس انا فعلا مش كنت موافقه خالص و فعلا هي حاليا مش عاجبها و بتقول انه مش للستات و في احتكاك كتير و مش مجال للسيدات
نقطه كمان ان الست لازم تحط في دماعها ان رقم واحد عندها البيت و الزوج و الاولاد و حكايه اصلي بحقق زاتي دي بابقي هاتنقط و انا باسمعها لان فعلا انا بالنسبه لي مش الشغل هو اللي هيحقق الطموح البيت و الاولاد هما اللي امانه و ربنا هيسالنا عليها
علشان كده كل واحده تسال نفسها باااااااااااامانه تامه الشغل هيفيد مين و في احتكاك كتير و لا لاء و هياثر علي البيت و لا انا هاقدر
بالنسبه لي مش هتصدقي لما اقولك اني ان شاء الله مش ناويه اشتغل في مصر لما نرجع لان الشغل للاسف في المستشفي مفيهوش اي مواصفات من اللي انا قلت عليها فوق لكن انا بافكر لو قدرت اخلي شغلي فقط لتدريس العلم اللي انا اتعلمته في الكليه بس هيبقي احسن بالنسبه لي
نيجي لنقطه البيت و الاولاد دايما باحس انكم بتربطوا المحشي و البيت المتوضب بالام المش عامله بس دا يا جماعه رااااجع لطبيعه الست نفسها انا اعرف كتيير ستات بيوت و المحشي كل شهر و مامتها اللي بتعملها و ناس تانيه يرضه ستات بيوت قمه يعني في الاول و الاحر راجع للشخصيه
العلاقه مع الاولاد انا طبعا مش مع الشغل في السن الصغير و انا نفسي اجلت الدراسه لخد ما كبروا لكن برضه ارجع و اقول ان دا علي حسب شخصيتك
انا ماما كانت بتشتغل و فعلا يمكن دا اللي خلاني احس ان الشغل لو متوظف صح و ليه هدف عمره ما هيخل بالبيت لانه كانت فعلا قمه و لو احكيلكم علي طفولتي انا و اخواتي مش هاخلص منها انها كانت يوميا بعد الشغل في الصيف نروح النادي علشان ننزل البحر و نسهر لبليل و عندها تاني يوم شغل و عمر ما كان في حاجه اسمها اكل من بره و هي كانت مدرسه في مدرسه بنات فقط



مي
صله الرحم عندنا كلنا نفس القصه ان في جانب من العيله العلاقات بينهم مش حلوه اوي
انا اخدت قرار انا و حوزي اننا نتعامل زي ما ربنا قال
مالناش دعوه باعادات و التقاليد و عملوا و معملوش
صله الرحم اعميتها مش طبيعيه في الاسلام
و انتي الموضوع كله مكالمه تليفون


انجي باحبك في الله و فعلا كلامك اثر فيا جداا بس مش قادره اعلق عليه لانه بيفكرني بحاجات مش عارفه انساها بس انا قريت كتيييير في الموضوع ده و ممكن تبري بيها عن طريق الصدقه الجاريه و الود لاولادها و تكوني انتي الباديه متستنيش لما هما يكلموكي
الله المستعان

ايمان البقاء لله و عظم الله اجركم

عروس النيل
جازاكي الله خيرا علي كلامك الحمد لله انه عجبك
جربيه كمان في عجينه البيتزا يعني حط تلت المقدار بتاع الدقيق تقريبا دقيق الدره و شوفي القرمشه اللي مش طبيعيه في العجينه دي طريقه واحد امريكيه قالتلي عليها

مادو و شيماؤ و فطوم و نانا و عين و حبيبه و هايا و لاروز و كل البنات صباحكم سكر
انا هاغطس شويتين

صباح الفل يابناااات
هو مش فل قوى

عطر خاتنى اسح من عينيه

الحمد لله والشكر لله

مشكووووووره ياعطر
الموضوع ده مهم للجميع جدا
ياريت نبعد ولادنا عن اى خلافات
مهما كانت حدتها
الحمد لله
انا دايما ااقول الاولاد مالهمش دعوة باى موضوع
حتى لما اولادنا بيضايقو علشنا
بفهم الدنيا ما بتبقاش على حال
واللى زعلان النهارده بكره يروق
الحمد لله ممنوع القطيعه نهائيا مهما كانت الاسباب
احنا مش ملايكه

انا بكون زعلالالالالانه جدا وباخد موقف
لكن بفرق
لازم من صلة الرحم
حتى لو الاظراف الاخرى هى اللى مقطعانا
احنا عايزين الثواب
وهما حرين فى اللى عايزينه



سلالالالالام
لما ارجع من الشغل بقه

صباح الخير يا بنات

عطر
ازيك يا نوجا
معلش يا روحي ربنا يعوضك خير و تقدري
تبري عمتك و تعميل اللي ما عملتيهوش في حياتها و يوصلها ان شاء الله

ماما زوزو
ازيك يا ماما انا زعلانه منك ولا سؤال ولا كلمة حتى
اهي اهي اهي اهي اهي اهي


عروس النيل
صباح الفل يا قمر

مادو

انتي فين يا بنتي


رانيا سبانش
مش مصدقة نفسي يعني انتي مش ناويةتشتغلي في مستشفى
طب كنتي بتتعبي نفسك في دكتوراه ليه ؟؟؟؟
طبعا انتي حرة في رايك بس مشش عارفه حاساني مش فاهمه
اوعي تزعلي مني


مي

ازيك يا جميل
طبعاكل البنات ردوا ووفوا في موضوع صلة الرحم


فطووم - ايجبتي -بي هابي
انتوا فييييييييييييييييييييييييين

كوكي
زوجة مطحونه
روشانا

مشاركاتكم دايما متميزة


كل البنات واحشييني جدا

صباح الخير يا بنات

كدة يا عطر وجعتي قلوبنا كلنا ربنا يرحمها وفعلا اتصدقي على روحها على اد ما تئدري

رانيا انا معاكي قلبا وقالبا وكلمتي دايما لزوجي ان ربنا هيحاسبني على ملك وتربيتها مش على حاجة تانية

كل البنات يوم جميل على الكل ان شاء الله