زوجة مطحونه
ازيك يا قمر
عندك صدرين
ح ااقولك على حاجة بصلة بملح و فلفل وورقة لورا
و حطيها في صينيه و سيبها شويه على نار البوتاجاز من فوق لحد ما تشرب مايتها
و بعدين ضيفي عليها تقريبا ربع كوب ماء و غطيها و سيبيها ح تنزل مايتها
و تشربها وتستوي
و تنزلي الفرن تاخد لون تحت الشوايه
لو بتحبي ممكن تضيفي علىها طماطم مقطعه تر****ت او قطع صغيرة حسب الرغبة

سما سحاب
ايه يا بنتي
اوعي تاخدي الامور كده
معلش انا عارفه ان طبعا غصب عنك
بس ح نعمل ايه هو طبع الناس بقى كده
قرايب و مش قرايب
بس والله مش الكل
هو انتي برضه مش بتلاقي ناس كويسين في حياتك لو دورتي
معلش يا حبيبتي خدي انتي حسناتهم
ح نعمل ايه لو عاملنا الناس زي ما بيعاملونا يبقى مش ح نعامل حد خالص
والله لما بالاقي نفسي بافكر فلانه قالت و علانه عادت
ارجع اقول لنفسي لا حرام استغفري و بعدين اكيد معزورين
ممكن يبقى فيه حد مالي ودانهم
بصي مش ممكن اخوكي حد ماثر على دماغه مثلا
لو سيبتيه للحد ده الفجوه ح تكبر
انا ما باحبش اقطع حد مهما عمل و مهما كنت زعلانه
باسيب شعرة معاويه اهو ممكن في يوم من الايام اكتشف انه
كان فيه سببب مقنع نوعا خلاه يتصرف التصرف ده
حتى لو بهبل او بغباء
و الله الموضوع ده اتعلمته من بابا ربنا يديله الصحه
لسه فيه موقف حاصل واحد مش ح اقوللك خيرنا عليه قد ايه
و بابا عامل معاه مواقف مهمه جدا و مؤثرة جدا على مستقبله
و نفاجا انه وقف يعني مش ح نقول ضد بس بطريقة سلبيه جدا
و مش متوقعه في موقف مصيري تجاهنا
كان اقل ما يمكن انه يساعدنا لانه عارفه ان مساعدته دي مش ح تضره في شئ
طبعا انا و ماما اتنرفزنا ساعتها و قلنا ده وحش و بينسى الجميل و كلام كده
راح بابا قايل لنا مش يمكن فيه ظروف و ملابسات ما تعرفوهاش اثرت على قراره ده
و لما فكرت لاقيت انه عنده حق اننا نلتمس للناس بعض العذر علشان نقدر
نعاملهم بعد كده
بس رغيت كتير اوي
بس برضه الموضوع لامس جرح

نانا
معلش يا حبيبتي انا برضه مقصره معاكي اوي
سامحيني
الف شكر ع الرسايل الحلوة
و بوسي لي كابتن ابو تريكه
زي القمر ماشاء الله
طمنيني اخبار الحضانه ايه ؟.؟؟؟؟؟؟؟؟؟
ان شاء الله خير

ماما زوزو
هو انتي مخاصماني ولا ايه يا ماما؟؟؟؟؟؟

ايماااااااااااااااااااااااااااااااااااااااان
بجد مش معقول يعني سايبانا كده
فعلا انتي ح تفتحي الموضوع و بعدين تدخلي مرة
و ده اخرك ولا ايه ؟؟؟؟
لا طبعا ما ينفعش
كده كتير وجودك مهم و ضروري
و بعدين يا ستي نظرة رضا من عينيكي اللي اكيد حلوة
هههههههه اصلي ما عاينتش ههههههههههه


عطر

انتي فين النهارده يا انجي ؟؟؟؟؟

عروس النيل
برضهالنهارده مختفيه طمنينا عليكي

بلو روز
ربنا يشفي ماما و توصلي بالف سلامه

مادو حبيبة قلبي ربنا يفرج كربك وكربنا جميعا

ميمسي يا قمر بالنسبه لموضوع صلة الرحم ااااااااااااااااه من الموضوع ده مس اكتر من جرح عندي بس للاسف مش هاقدر احكي

على العام

بس طيب لما تحاولوا تصلوا الرحم وتتشتموا وتتهانوا وتتغاضوا وتتهانوا وتسكتوا ويتقال ساكته بس سوسه

ولما تحسي ان الموضوع وصل لمرحلة اهانه للكرامه ده يباه التصرف فيه ازاي

انا بس عايزه اعرف هو الحب راح فين هو ليه مش باينا نشتاق لبعض ليه الدم والرحم والعشره باوا بالرخص ده

ليه الاخ بينسى يسال على اخته ليه بينسى يسال على امه وهو معاها في نفس البيت

ليه الناس بتبيع بعضها بسهوله ليه لو حسيت انك ماديا مرتاحه احبك اوي ولو حسيت انك مش هتفيديني تباي ما تلزمنيش

هو ايه اللي هيحصل لو حبينا بعض مش احب فيكي مصلحتي وبعدها ولا اعرفك ليه باينا نضطر نشتري الحب والود

معلهش بعدين اكمل معاكم لاني بجد اتخنقت الموضوع ده قلب مشاكل كتير
:icon33::icon33::icon33::icon33::icon33::icon33: وجعتى قلبى يا سما وجيتى على الجرح اللى واجع والدى وامى ربنا يفرج عنهم همهم اللى هو طبعا بسبب الاعمام والمادية الطاغية فى حياتنا اللى حتى نستنا يعنى اية اخ
والله يا بنات مش قادرة امسك دموعىانا عمرى ما شفت انسان حنين على اخواته زى بابا لو عرف انحد منهم فى ازمة بنبقى خايفين عليه من شدة حرصه عليهم لكن فى المقابلعمره ما شاف منهم حاجة كويسة عمرهم ما فرحوا لفرحنا وتشوفوا الشماتة فى عغينيهم لو اصابنا مكروه ورغم كدة اتربيت انا واختى ان ملناش دعوة الكبار احار بس غصب عننا اوقات بنبقى هنطق منهم الله يهديهم
دوشتكم بس فضفضت شوية

لا يا حبيبتي ما تخليش الاحساس ده يسيطر عليكي ابدا
كلنا لو فكرنا ح نلاقي نفسنا مطحونين او في سبيلنا للطحن
بجد حاولي تنظمي الوقت
و جوزك اديله الطرشه شويه هههههه انا جايه اهدي النفوس
انا مجربه الدلع بس بلييييييييييييييز ما يبقاش دلع عمال على بطال
شويه وانتي ح تزهقي
بس طبعا تديله الطرشه بدلع و هزار و يا حبيبي انا تعبانه ممكن تساعدني
كلام من ده يعني

معلش بقى ما تزعلوش مني انا صريحه شويه و مش باعرف اذوق الكلام

ما ينفعش كل المسئوليات تبقى عليكي
اليوم اللي بابقى على رجلية فيه من الصبح لليل ده بابقى عصبية جدا
ربنا يعينك ويقويكي على بنوتك و تربيتها و يهديلك جوزك

مادو
ربنا اعلم اد ايه انا بحبك فى الله وبرتحاللك كدة من غير لية
ربنا يفرج همومك ويهديكى للشىء اللى فيه الخير ليكى دايما يا رب

نيرفانا
منورة يا قمر

ايه يا جماعه كلنا بجد عندنا حكايات وروايات عن القرايب
هههههههههههه بجد بقت صفة عامه
بابا نفس باباكي بالظبط و يمكن اكتر شويه
يعني والدي العزيز ممكن يبدي مصالح اخواته على مصالحنا بفظاعه
و ممكن يظلم اخواتي انا علشان بعيد شويه بعد الجواز بس اخواتي يا عيني
عليهم حرق الدم يومي
و هكذا بس ح نعمل ايه قرايبنا و لازم نصلهم ولا ايه ؟؟؟؟؟؟