ماما زوزو
شكرا حبيبة قلبى على اهتمامك
وملاحظاتك عن التسوق صحيحه 100% انا كمان بلاحظ كدة
وهحاول فعلا واتخيلك جنبى عشان اخد دفعه وشجاعة

بنات محدش علق على القهوة خالص استعوض ربنا فيها يعنى
طب بعد كدة احافظ عليها من الرطوبة ازاى؟
توقيع شيماء للاسف مش ظاهر عندى معرفش لية

مادو - مش عارفه بالنسبه للقهوه الحل ايه
انت ممكن ترميها لكن جربى حاجه وانتى وحظك
لو الرفن سخن حطيها فى صينيه فى الفرن لمدة دقائق ممكن كده تتخلصى من الرطوبه
لو ما نفعتش ما ترميهوش لان انا بستعمل البن لوصفات الشعر بيمنع التقصف
وطريقتى فى حفظ البن
بحطه فى برطمان زجاج وعلى الفريزر حا تستغربوا لكن
كده بيظل محتفظ بريحته وعمره ما رطب
وفى معلومه كمان صديق زوجى قال له البن بيحمض
لو اخدنا منه بملعقه مبلوله لازم تكون ناشفه
ويارب طريقتى تكون مفيده

فكره حلوه يا مادو فكرة فعلا كل بيت له
طعم مختلف وطريقه مختلفه
وتصورى كمان هنا فى الغربه كلنا مصريين
لكن اكتشفت ان كل بلد مختلفه تماما فى الاكل
عن التانيه وفى حاجات غير نمعروفه فى الاكل عند كل المصريين
جارتى من راس البر جابت لى كبيس
عمرى ما سمعت عنه لكن كان رائع
مثلا كفتة الرز صحبتى تقول لى يعنى ايه عمرنا ما عملناها
فانا عندى حملة تنظيف للبيت اخلص وارجع لك احكى معاكى
بنات انا قلقانه على اميره
قالت حا اجرب العصير وارجع واختفت
تفتكروا ايه سر اختفائها
طعم العصير
اخلص وارجع لكم سلام

شكرا يا عروس ربنا يكرمك يا رب

السلام عليكم ازيكم