ميرسي يا بنات على تعاطفكم معي
بس الحمد لله انا مش زعلانه لاني دائما مقتنعه ان في قضاء اخف من قضاء
و عمري ما بعترض على المواقف القدريه التي لا يد لي فيها
الحمد لله اننا رجعنا سالمين و كاملين

الف سلامه عليكم يا عطر
الحمد لله ان انتم بخير معلش وتتعوض ان شاء الله

السلام عليكم يا بنات
جمعه مباركه ان شاء الله
عروس النيل انتي كنتي قلتي مره ان عندك طريقه البرجر بتاعه منال العالم ياريت لو تكتبيها
انا باعمله في البيت بس مشكلته بيكش مني و كانت دون قالتلي اني احط عليه بياض بيضه بدل من بيضه كامله بس برضه حسيت انه مش زي بتاع بره يمكن الوصقه بتاعتك تكون احسن

عطر
حمد لله علي السلامه يا قمر و معلش عاده كل الاجازات في الصيف مع الولاد بيحوشوا فيها التعب الحمد لله انكم بقيتم احسن يالا ارحعي معانا تاني

مي

و الله يا بنتي كلام عروس هو خلاصه التجارب في موضوع الترويء و التوضيب في البيت لدرجه انه بقي ادمان عندي يعني مبقتش اقدر اقعد من غير ايدي ما تكون بتشتغل و لو انتي فاكره كان معانا زمان في قسم المغتربات الاخت اوزوريس الله يصبحها بالخير قالتلي مره كلمه فعلا مش عارفه انساها من ساعتها
كانت بتخكي عن اخت جوزها اللي توفت و كانت مريضه و هي مره بتشتكيلها من كتر الشغل في البي قالتلها احمدي ربنا علي نعمه الصحه و انك قادره تقفي و تخدمي جوزك و اولادك
فعلا و الله كل ما اكسل و لا اتعب افتكر كلمتها دي
يالا سلام

مادو
اقولك علي طريقتي في المكرونه بالصلصه
بعد ما تسلقي المكرونه شةحيها بزبده و ملح و فلفل بتبقي احلي من اللي مسلوقه بس
الصلصه انا باعملها لازم ببصله و توم و باقطعهم كبير شويه و اصيف ليهم الطماطم المعصوره و الصلصه و اهم حاجه البهارات ( الزعتر او اوريحانو و الروز ماري و رشه كسبره و كمون ) و طبعا ملح و فلفل / البهارات دي اللي بيدوا الاكل طعم مميز جداااااااااا و جربي كمان حطيهم علي البيتزا
المهم بعد ما يتسبكوا عادي صيفي اي خضار انتي تحبيه علشام مش يتهري من الاول انا باخط جزر مبشور و فلفل حضر مقطع و مشروم و ممكن بروكلي و ممكن دره و ممكن بادنجان مقطع مكعبات و زودي شويه مايه و تغلي مرتين و خطي المكرونه عليها و سيبيها علي نار هاديه شويه و بالهنا و الشفا


هايا

هي ملك بتعمل كده في وقت المدرسه و لا في وقت النادي الصيفي بس
لانك قلتي قبل كده انها مش عاجبها النادي الصيفي فيمكن علشان كده بتتعلق بصاحبتها جامد علشان تسليها
انتي متملييش من الكلام معاها انها متعيطش لو صاحبتها مجاتش علشان تبقي بنت كبيره و كده و ربنا معاكي