الرمال الناعمة :

السلام عليكم صباح الخير عليكوا كلكوا نــــانــــا ان شاء الله هشام يكون بقى احسن دلوقتى وطمنينا على احمد والله يرحم حماك يارب ويجعل مثواه الجنة ويرزقنا جميعا حسن الخاتمة ان شاء الله اليومين اللى فاتو بقى لما جيت من السفر يوم الجمعة نظفت الصالة واوضة سارة ومكملوش ساعتين ورجعت ريما لعادتها القديمة حاسة انى مبلحقش افرح بنظافة الشقة وحطيت غسيل فى الغسالة ونشرته ويوم السبت الصبح قمت من النوم 6 طبعا علشان اللشغل وحسيت انى نفسى افطر كيكة مع شاى فقلت اجرب اعمل كيكة بالكربوناته بدل البيكنج بودر زى ما عروس النيل كانت قايلة وحطيت سكر وعسل اسمر وانا الحمد لله الكيكة بتطلع معايا جميلة ما شاء الله وخفيفة وحلوة لكن المرة دى باظت شوية وحسيت انها تقيلة ومش مظبوطة كده بس ان شاء الله هتسلى عليها واكلها وكانت سنانى بتوجعنى جدا فبعد الشغل حجزت ورحت للدكتور وقالى هيحتاج حشو عصب بس هو لحد دلوقتى بيوجعنى فمش عارفة ده من اثر البنج ولا الضرس كدا عايز يتخلع ؟ يارب يكون من اثر البنج اصل صاحبتكو خوافة درجة اولى ورجعت بقى حطيت غسيل وجهزت باذنجان للمحشى بس شكلى مش هاعمله النهاردة لانى تعبانى فقلت اعمل كبدة وخلاص وعلى النهاردة الصبح شيلت الغسيل القديم وطبعا ما اتطبقش كالعادة ونشرت الجديد

السلام عليكم صباح الخير عليكوا كلكوا نــــانــــا ان شاء الله هشام يكون بقى احسن دلوقتى وطمنينا...