مدام وائلهههههههههه
شكلنا اغلبنا قلنا لحمواتنا يا ماما غصب عننا
المهم بقى يا ايمي
بالنسبة لموضوع اخت الجوز
و الله يا بنتي يعلم ربنا ان انا كنت شايلاهم من ع الارض شيل
و حمايا و حماتي نفس القصة ح اقوللك مثل صغير و دي حاجة من وسط مليون
حماتي كانت بتوضب شقتها اللي هي في نفس البيت
و كان ده في بداية جوازي
طبعا استضفتها عندي فترة تقريبا ما لايقل عن سنة لانها
كانت بتعمل شقة و لا شقة العروسة و على اقل اقل من مهلها
كل حاجة عندي تعمل احسن منها و اغلى و انا و يعلم ربنا من الهبل ما كنتش واخدة بالي اساسا
محمد في الفترة دي كان بيشتغل في بلد تانية و بيجي كل شهر او شهر و نص اسبوعين بس
المهم
و الله العظيم ما كانتش بتشيل الطبق اللي بتاكل فيه
حاولت مرة تغسل المواعين
قلت لها يا ماما عيب تقفي ع الحوض و انا موجوده
خلاص هي الست دايما رجلها بتوجعها و تقول اه يا رجلي
فقلت استحالة اسيبها تقف ع الحوض
ماشي مرة تانية كان عندي مؤتمر و ح اتاخر و عملت الاكل الصبح و فاضل بس سلق المكرونه
و اشتغلت و لقيت الساعة جت تسعة
كلمتها قلت لها انا اسفة اني مش ح اقدر اجي و حضرتك ممكن تسلقي المكرونه بس و انا مجهزه باقي الاكل
راحت قايله لي لا انا ح استناكي
كل ده انا برضه عادي
اخت جوزي بتيجي تقعد معايا في شقتي خميس و جمعة و سبت كل اسبوع
هههههههههه
بتقضي الويك اند عند مامتها
طب انا مرات اخوها اللي هو مش في البيت اساسا
و يا ريت بتيجي لوحدها
لا معاها جوزها
طبعا انا اهري نفسي اكل و عزايم لاخواتها التانين علشان مايزعلوش
و حلويات و بتاع غير التكتيفة الغير طبيعيه نتيجة وجود راجل غريب في شقتي
يعني ما اعرفش اطلع اروح الحمام بالليل
و اكيد طبعا مش عايزة ازعل جوزي اللي هو يا عيني متغرب و اشيله الهم و اقول معلش
علشان خاطر جوزك حبيبك
و خدي من ده كتير
ويا سلام بقى لما جوزي كان ينزل اجازة
قلة ذوق متناهية
تلاقي الاخوه منورين عندنا طول النهار
من الصباح الباكر حتى نهاية اليوم
يعني اتنين عرايس لسه في بداية الجواز
ههههههههه خلوا عندكوا نظر
طبعا بيعدوا الانفاس على حضراتنا

المهم بقى اللي خلاني طقيت و انفجرت
بنتها كانت حامل و فوجئت ان حماتي عندها بتشمر و بتشتغل
شغل و لا شغل الخدامين في بيت بنتها و انا تقولي لا ح استناكي
و ما تطبقش حتى السرير اللي بتنام عليه

انا بس حبيت اوضح لك الفرق في التعامل بينك انتي و مامتك و اخواتك
و بين حماتي و بناتها ده اولا
ثانيا بقى
بالنسبة لخطيبة اخوكي
المفروض انها تسعى لخطب ودكم انتم عملتوا اللي عليكوا و زيادة شويتين ثلاثه اربعه
وقولي خمسة كفايه كده اوي
و ممكن برضه زي البنات ما قالوا لك انها تكون واخدة موقف من كلامه
انها رقم ثلاثه
ههههههههههه
بس ما هما كل الرجالة كده غير الطفراات هههههههههه
يعني اغلب الرجالة المصريين حتى لو ما قالهاش بلسانه
بيقولها بتصرفاته
مش ح اقوللك انا و حوز الحمد لله بنحب بعض من امتى
من و احنا عيال
و العقبات و المشاكل و التضحيات اللي عملناها علشان نبقى لبعض
و انا اتخليت عن ايه و ضحيت بايه في حياتي و مستقبلي علشان اتجوزه
و عمري ما كنت افتكر ان امه و اخواته يكونوا اهم حاجة في حياته و اكتشفت انه كده
فمرات اخوكي يا حلوة ادوها الطرشة شو يه علشان ما تتعودش على كده
و بعدين هي ملاحظة عموما ان اللي بيدلع دلع بزيادة بتقلب الامور بسخافة ع اللي بيدلع بعد كده
يعني بلاش الدلدقة اوي انا اتعودت على كده
و انا اخواتي الاثنين لسه ما خطبوش
بس ناوية اني من يوم ما يقولوا يا جواز
طبعا ح احب مراتتهم لاني مش باكره حد
بس مش ح ادلدق علشان انا جربت الدلدقة قبل كده و خدت على دماغي

ههههههههههه

شكلي بقيت شريرة اوي ربنا يستر

بس و الله انا اللي شفته من الدنيا الحمد لله مش شويه
و طالعه زي ما بيقولوا من الدار للنار

و طول عمري على راي زمايلي في الشغل اللي هي قطه مغمضة يعني و لا رحت و لا جيت
ما اتعاملتش مع ناس قبل الجواز و لا لي في حركات البنات
باخد الناس و باتعامل معاهم بقلبي اكتشفت ان لا قلب و لا فشه
ههههههههه
لازم تعامليهم بالمخ

ام نصر
صباح الخير
طب سلايفك بينادوكى باسمك ؟
وانا راي الجواز والعيال كمان بدرى ؟ بس النصيب نعمل اية؟

الرمال الناعمة
حمد الله ع السلامة

عين

الله يسلمك يا قمر و بجد شكرا على رابط موضوع ماما زوزو حلو اوي

عروس النيل

ازيك يا حبيتي
كلامطك عن جارتك دي حلو اوي
ياريت يبقى فيه ناس كتير كده
صدقيني كان نفسي تكون علاقتي مع حماتي اقوى
بس للاسف تلاقي خبطات بالشومه على دماغك تقولي
انا غلطانه خليني بعيد احسن

ازيكم يا جماعة انا عايزة اقولكم لو ان كل واحدة تعتبر ان حماتها مامتها بس من النوع الى صعب شوى المشكلة راح تتحل

ماما زوزو
ايه الطعامه و الجمال و الذوق العالي ده يا ماما
ماشاء الله الاوضه طالعه تجنن
عقبال ما تعموا اوضتها و هي عروسه يا رب

ام مريوم
ازيك انتي يا هبه
ميرسي ع السؤال يا حبيبتي
الحمد لله بس انا عايزة اقوللك على حاجة
انا ما باخليش الزعل ما بيننا يوصل للخصام ابدا
نبقى ضاربين بعض ههههههههه و مزعقين من هنا لحد بكره الصبح

ونعمل فاصل تلاقينا بنكلم بعض عادي

اصل الخصام ده شئ سئ جدا ع الجواز
نصيحة طنط مرة قالتها لي
اتخانقي مع جوزك و قطعوا بعض
بس اخر الليل لازم تناموا جنب بعض
ههههههه مش لازم قلة ادب
كل واحد في حالة بس نايمين في سرير واحد
اهو ممككن ايدك تيجي على ايده رجلك تيجي على رجله
و اكيد ح تصحوا من النوم ناسين و لو بعض من اثار الخناقة
ههههههههههههه
ايه رايك؟؟؟

اخر الاخبار ان احنا الحمد لله العكوسات مستمرة شويه
بس باحاول اهدي الجو و اسقط له فارغه
ههههههههههههه بس المشكلة مش لاقيه حتة تكفي الفوارغ دي كلها
هههههههههههههههههه