فوق الغيوم أحلامي ...
مافي احلا من شوفة الاهل ربي لا يحرمنا وجودهم. .

فوق الغيوم الله يسعدك والحمدلله صبرتي وربك يسرها لك بشغاله كويسه وفعلا صح كلامك الواحد يحسن الظن بالله وسبحان الله مهما كانت ظروف الواحد صعبه ربك يسهلها ..


ام اياد ايوا احس الحريم يهولوا مره بس لانه دي المره حجرب شيء ماجربته ف عشان كدا متخوفه واصدق كلامهم بس ربي يسهلها ومافي احسن من الدعاء ❤،،




جود كلامك ريحني وترى نفاسي الاول مااخذت ولا عشبه لانه امي ماتعرف دي الاشياء وانا بكريه مااعرف شيء ولا اعرف طعم المرقوق ولا الجريش اهلي ماعمرهم طبخوه بس يعترفوا بمرق اللحم او الدجاج والتمر والعسل والعصيده والبيض فقط مافي اي شيء ثاني بس ظهري تعبني الين ماكملت بنتي 3 شهور واخذت الحلبه شهر والحمدلله حسيت بتحسن ،،
ف ناويه دا النفاس اهتم ف 3 حاجات مهمه الي تقوي الظهر زي الحلبه ف ال 20 يوم الاولى ان شاء الله و ال 20 الاخيره حب الرشاد مع التمر ، والماش مع شوربة العدس يكون مخلوط والبيض والتمر وطماطم وخيار وفواكه كدا اكلها كبيره زي ماهيا والي موجود وخلاص الحمدلله ع النعمه .. طبعا لازم حيدخل اكل من برا كل اسبوع مره ان شاء الله عشان ماامل ..
وف بداية حملي كنت اراجع عند دكتور كبير ف السن اشتغل ف لندن حق 12 سنه قال هناك الي تولد بعد يومين تروح دوامها عادي انه مو زي حريم هنا بس ممكن لانه اجسامهم متعوده ع الحركه والشغل اكثر مننا والمشي وكمان لو مافي خياطه داخليه حيكون الوضع اسهل ..
انا كنت جدا متفائله بس امس البنات فجعوني 💔 ..
طبعا اذا احد جا بيزوني اهل زوجي او اهلي او جدته وخالاته بس بعطيهم كاسة عصير وخلاص انتهى الموضوع حيكونوا عارفين انه وضعي مو حقت اقوم اسويلهم اكلات وصواني وكدا ..
وفعلا شوفت وحده ولدت وقاعده تتحرك بعد الولاده امها تخاصمها تقولها سوي نفسك تعبانه عشان مايحسدوكي الناس 😳،،
ف هذي العادات عندنا وتتوارثها الاجيال حلو الوحده تكون وسط مو مره قدامهم تسوي قوويه هع ولا مره تتمارض بزياده ..


ام رهف ان شاء الله تتسهل معاكي يارب ويسخرلك الناس الطيبه سواء ف شغاله او ف زوجك او جيران وتمشي الاوضاع زي ماتتمني يارب ..

اشراقه للحموضه الخيار والخس حطيهم قبل كل وجبه دسمه انا احطهم مع الغدا بس اكلهم قبل وبعدين ابدا اتغذا واكل قليل نص الي كنت اكله قبل الحمل وبعد ساعه ارجع اكمل ثاني عشان اطرش وانتي بكرامه لو كبستها ومنها خفت مشكلة الحموضه الحمدلله ،،




والحليب انتبهي منه هو يطفي الحرقه ف وقتها وبعدين تزيد المشكله ف خليكي ع الخيار والخس ولو العشا فيه دسم برضوا كلي خيار وخس قبلها


وابعدي عن المقالي والاكل المبهر الكثير ..




وان شاء الله تروح منك بصحه وعافيه يارب ❤❤

هاي
اخباركم ياحلوين
دوبي رجعت من عند الدكتوره سويت تحليل الحديد طلع 9.5قالت لازم ابره لمده 5. ايام يوم بعد يوم قالت لازم يكون 12 بس ماسويت سونار بس سمعت النبض وقاسات بطني وقالت في حركه البيبي قولت ايوه قالت اوكي وقولت لها عند مغص وتقلصات قالت عادي بالشهر الثامن والتاسع وقالت امشي كل يوم نص ساعه .وقالت اسبوع وارجع اسوي تحليل الحديد وقالت الاسبرين اسبوعين وخلاص وقالت كملي على حبوب الحديد فروز والكالسيوم .

الله يعينك ياقلبي بس كيف السكر معاك ان شاء الله طبيعي ووش فايدة الاسبرين هذا ماقد اعطتنياه دكتورتي واسمع بنات كثير يتكلمو ع الاسبرين