شوفو بقول لكم طريقتي بلارز لاني ماسوي زي مانتو تتكلمو

انقعه ساعه واحيانن نص ساعه
وبعدين احط ماء علی النار الين يغلي واحط الرز واحط فوقه ملح
وفي قدر ثاني احط زيت وبصل واقلبهم شوي ولما يتغير لونه احط البهارات حوايج وكمون وموتو او مرقة دجاج وصلصه او كركم اوصبغه يعني علی الون الي ابغاه
ولما ينجح الرز احط الكشنه فوقه واخلطه واحيانن بعد ماحط الكشنه اخليه يسكن علی نار هاديه شوي واطفي

هاذي طريقتي صحيحه او لا ؟؟
شفتكم ماكتبتو انكم تحطو بهارات انتو جد ماتحطو بهارات احس بيكون من غير طعم😧

لأن حريم كثار هنا بيعلمنك طبخ الرز " النثري الناضج" نفسه جزاهن الله خير ما قصرن.
أولا، بينما أنا بعلمك شغلة ثانية إضافية:
( 1)
3 بصلات
قطعيهن طويل و خفيف،
و حمريهن بزيت وسط كميته مب قليل و لا غزير.
*** *** *
(2)
1 بصلة
قطعيهن زي العادة إنما مربعات صغيرة مرة لازم،
ثم احمسيها بزيت قليل حتى تذوب البصلة،
و طولي تحمسين لين تحمر أطرافها شوي بس .
ثم صكي عليه .
---
حطي عليه
ليمون أسود مطحون، نص ملعقة صغيرة.
و
"مسمّنة"-قصيمية مدري إذا تعرفينه أو لا- ربع ملعقة صغيرة.
---
ثم
زبيب
مقدار الكف ممكن" كاسة شاي" ما أعرف
كنت قد غسلتيه ثم تركتيه ينقع بماء عادي مب مغلي .
__
ثم ارجعي احمسي كل الأشياء 5 دقايق ، لين
تحمر تقرب تحترق صكيها.
*** *** *
(3)
نفس الخلطة رقم (2) فوق^ زائد
تضيفين لها " جزر مبشور بالفتحات الصغيرة مب الكبيرة"،
تحطينه بعد حمسة البصل يعني مع الزبيب و باقي الأشياء.
(فيه ناس تحط سكر، لكن أستغني عنه بحلاوة الزبيب).

*** *** **


(4)
2 بيضة مسلوقة
بعد السلق قشريهن، وحطيهن
بماء به زعفران .
بعد 10 دقايق
قطعي كل وحدة نص بس،
يعني تصير 4 قطع.
( فوق صحن التقديم تصير جهة القطع يم الرز،
و السطح الأبيض فوق ولونه يصير أصفر من الزعفران)
*** *** *
(5)
1 بطاطس مقطع مربعات أو طويل مقلي .
1 باذنجان مقطع مربعات مقلي.
*** *** *
كل الأشياء أعلاه
(1) (2) (3) (4) (5) هي مشهيات للرز ( تحطيهن فوق الرز)،
يعني سواء ضبط أو لا إن شاء الله تنقذك.
" مب شرط كلهن، تقدرين تحطيهن كلهن، أو بعضهن،
أو على الأقل وحدة منهن".
________________________________________________________________________________________________


ثانيا، الدجاج ،
لازم تنظفينه تفركينه زين من الدم المجمد من داخل لأنه هو اللي يطلع الزفر( الغسل بالماء ما يكفي)،
و اقطعي الرقبة و الذنب.

ما راح أتدخل بطريقة طبخك،
المهم بعد ما تسلقينه بمرقة الزر( اللي بتطبخين عليه الرز بعدين)،
و تخرجينه من القدر،
جيبي صحن و اخلطي التالي:
2 ملعقة معجون طماطم
1 ملعقة كاتشب
1 ملعقة صغير صويا مالحة
بهارات مشكلة
1 ملعقة صغيرة زيت
نص فنجان(القهوة العربية)ماء .

دهني "جلد" الدجاج من فوق و حمريه بالفرن على النار اللي فوق،
حمريه " من كل الجوانب"
حتى لو اضطريتي تفتحين الفرن أكثر من مرة و تغيرين تقلبين الاتجاه.

*** *** *
ببدأ بأضعف الإيمان ( الأسهل):
(1)
جرجير ،
من الثلاجة مباشرة بغصنه و كل شيء اغسليه وحطيه بصحن.
خس،
نفس الشيء، افردي حبات و اغسليهن .
خيار،
اغسليه و قطعيه حلقات.
ليمون أصفر،
قطعي الليمونه 4 أنصاف بس.
بصل أبيض،
قشري و اغسلي بصلة وحدة وقطعيها بكبرها4 أنصاف بس .
^
هذولي كلهن حطيهن بصحن.

زائد - حسب الرغبة- :
شطة عادية ، أو سومطرا.
علبة زبادي عادية و ملعقة بس.
---
(2)
قطعي سلطة خضراء عادية
بطريقتك اللي تحبين.
----
(3)
قطعي خيار صغير،
و اخلطيه مع زبادي.

به خدعة بس لا تضحكن علي،
إذا رجالكن تحلطموا ع الطبخ ، حاولي تتخيلين طريقة طبخ أو تقديم المطاعم
اللي كانوا يروحون له و هم عزابية خخخخ ،
حتى لو كان طبخك أحسن منه مليون مرة.
المهم احرقي أوراقه النفسية.


إذا نفعت ما أبي غير الدعاء مرضت حيل هاليومين حمى و حيض مع بعض،
اللي يعفو و يعافين ويخفف عن ، ويوفقن بدراستي.

شوفي عن نفسي افضل رز عندي ويضبط الشعلان
والكبسة تعتمد على البهارات الصحيحة ( ٥ حبات هيل + عود قرفة+٥ حبات قرنفل + قطعة صغيرة خولنجان + شوية ورق شيبة+ورقة غار +ليمونة سوداء )
والبهارت المطحونة ( نص ملعقة صغيرة بهارات مشكلة + نص ملعقة صغيرة فلفل اسود+نص ملعقة كاري ماستغني عنه ابدا+ ملح + مكعب ماجي)
هذي ☝️ مقادير ٢ كاسات رز
والطريقة ومقاس الموية حسب قدرك اذا عادي او قدر ضغط ؟؟؟

نصيحة لك..
تابعي ف اليوتوب..فوز الشهري. وربي تطلعين اكبر طباخة. حتى مقياس الرز تقول لك. وافضل منتجات

اعتمدي رز ابو كاس