اهلين ي قلبي سجلت دخول عشانك

انا طبقت النظام بالضبط بممنوعاته وبالساعات اللي بين الوجبات
وبالوجبات اللي هم كاتبينها
بس اللي غيرته خليت يوم الخميس مفتوح اكل كل شي وبالكميات اللي ابي كل شي بمعنى كل شي بس كنت اصوم يوم الخميس ويبدا اكلي من بعد المغرب
واي شي اشتهيه طول الاسبوع اخليه لليوم المفتوح وفعلا كنت اكل اللي ابي حلى ومقالي ورز وبرقر
طبعا كنت اكل لين الفجر وبعدها بساعتين كذا انام وخلاص ينتهي اليوم المفتوح
وكنت امشي يوميا ساعه كامله مشي سريع باستثناء اليوم المفتوح ماكنت امشي فيه

واستمريت عليه شهر كامل ونحفت 5 كيلو بالضبط
بس ماكملته لاني ماقدرت اتقبل الاكل بدون ملح بالاضافه للساعات اللي بين الاكل احس كنت مقيده
تركته بعد شهر واستمريت على رجيمات عاديه بر وقليل دسم وسلطات وهكذا بس كنت اعتمد فيها السعرات وسعرات قليله طبعا

بس ماتخليت عن اليوم المفتوح في اي رجيم اجربه ومستحيل اخليه وهالكلام نصيحه لكل البنات اللي يسون رجيم اي رجيم لانه كان مثل الدافع انك تخلصين الاسبوع بدون تخبيص لان ينتظرك يوم كامل مفتوح
الشي الوحيد اللي يخلي عزيمتك تهبط انك تضعفين قدام الاكل وتحسين انك محرومه خصوصا اللي ينزلون اوزان كبيره و يسوون رجيمات طويله تستمر شهور
انا ماحسيت بهالشي ابد لان اي شي ابيه اشيل منه شوي واقول الخميس اكل منه واللي ماينشال اقول باطلب منه او اسوي لي منه الخميس
فهالشي يحفزك تكملين الاسبوع بهمه ونشاط لان تنتظرك مكافئه محرزه وكل اسبوع تحسين انك توك بديتي رجيم من جديد
بعد فتره من الرجيم بيقل اكلك حتى باليوم المفتوح ويصير عادي عندك لكن انا اشوفه ضروري لبداية الرجيم عشان ماتكاسلين ولا تضعفين

ولا يجي في بالك ان يوم واحد بيرجع الوزن اللي نقصتيه باسبوع ابدا بس لاتوزنون الا اخر الاسبوع اللي هو اليوم اللي قبل اليوم المفتوح

هذي تجربتي كتبتها لك بصدق واتمنى اني كتبت كل اللي اقدر افيدك فيه لاني ماراح ارجع للموضوع ولهوب من كثر دخلاتي للنت فاعذريني
ومابي غير دعوه منك واي وحده تستفيد من كلامي بالوظيفه اللي اتمناها طفشت من قعدت البيت وقسم

افضل رجيم جربته بحيااتي هو رجيم نوع الجسم نزلت تقريباا 17 كيلوو وجسمي صااير يجننن .انصحكم فيه بقوووه بدوون تفكيير واللي تبي قروب للكظريات ع الوتس ترسل لي رقمهاا خااص

اهلين دانه اذا فيه قروب للكظريات ابغى اشترك