السلام عليكم طوق الياسمين لاغلبه ولاشي ما يهمك، يا ستي طريقتي بتشبه طريقتك كتير بس انا بعمل نصف كيلو حمص يعني يمكن شي كاستين ونص
انقع نصف كيلو حمص ليله كامله وفي الصباح اغسله واصفيه (طبعا كنت استخدم البيكربونات اثناء النقع ولكني برمي ميته في الصباح وبغسله)
اطحن الحمص مع نصف باقة بقدونس وشوية كزبره خضرا وبصلتين مناح وحوالي تلات او اربع اسنان ثوم، افرم هذا كله على الشفره الناعمه لماكينة اللحمه والعجينه لازم تكون ناعمه بقدر الامكان والا بتفرط الفلافل اذا كانت خشنه
تبهر العجينه ببهارات الفلافل او بالبهارات المشكله المتوفره اي فلفل،قرفه،كزبره ناشفه ،كمون الخ وتوصي بشكل خاص بالكمون والكزبره الناشفه.
الآن اذيبي شي ملعقة طعام خميرة خبز في قليل من الماء( شي تلت كاسة شاي صغيره) ورشة سكر وخليها تنتفخ،وبعدين اضيفيها للعجينه واخلطيها وخليها ترتاح ساعتين او تلاته رح تشوفي العجينه صارت خفيفه ،خلص العجينه صارت جاهزه ،وقت بدك تقلي اخلطيلها بيضه وظرف بينكج باودر(يعني شي ملعقة طعام ممسوحه)ومافي داعي ترتاح هي ارتاحت سابقا والبيكنج باودر متل ما بتعرفي فوريه .وان شاء الله بالهنا والشفا .اذا كانت عائلتك صغيره اقسمي العجينه قسمين واحتفظي بالنصف في الفريزر في هذه الحاله اضيفي البيضه والبيكنج باودر فقط لنصف اللي رح تقليه اما النصف المجمد بامكانك اضافتها له بعد اخراجها وذوبانها.وصحتين وهنا.:26: :cook: :24: :17:

السلام عليكم يا بنات ......وحشتونى وانا ممنونة لكم بمساعدتكم لى بارك الله فيكم شوفوا اخر الاخبار سويتها واول مرة تطلع معى فلافل ومن فرحتى وديتها كلها الى جارتى ونسيت زوجى وهو قاعد ينتظر فيها امتى تجهز والله بنات انا ماصدقت طلعت منيحة رحت اعطيتها كلها لكن بعد ما اكلت منها بس حرااااااااام زوجى ووعدته بكره اسويها تانى
حبيباتى انا جربت الخميرة فيها وباالفعل كما قالت اختى الحبيبة بيلى صارت منفوشة ورائعة واخدت من كل وحدة شى وعموما كل الطرق اللى تفضلتوا بها رائعة جدا ووضعت فيها بيضة و الباقى معروف ........الخ

شكرا وانشاء الله يارب ماننحرم من بعض

ام صموده برافو عليكي وان طلعت الفلافل طيبه فهذا لأنك انت شطوره :42: ،بس زعلت على ابو الأولاد ،يعني معقوله انت:32: ؟ وخاصه انو ريحتها بتعبي البيت والشارع والبلد شي تلات ايام ،بهي ما لك حق , ان شاء الله تكوني عملتيلو اكلة فلافل خاصه فيه ودمتم لبعض:24: , ودمت لنا.:24: :26:

اهلا أختي طوق الياسمين :
والف صحة وعافية مقدما .
وخلاص الفلافل المرة الجاي بحط لها بيضة ولكن احكولي في رائحة غير مستحبة ام انها تختفي .

هلا اسلامية ...كيفك لا مافى رائحة خالص سويها وعينك مغمضة بتجنن وبالنسبة للبيض والله مافى ريحة فى الفلافل]