بصراحة يا belle مش عارفة أقولك شو صار :44:

يعني أنا ...

شوفي أنا راح أقول الحقيقة واللي بده يصير يصير بس ....

أنتي هديك المرة عملتي لي دعاية في موضوع البيتيفور ..

شو أعمل يا رب ...

خلص حأعترف جهزي حالك ....

فلافل belle طعمها بيجنن

مقرمشة من برة ولذيذة من جوه :21:

صدقوني اللي بيجربها بيحرم يشتري فلافل بره حتى لو أعطوكم ببلاش ..

بصراحة أنا ما تخيلت الخميرة تعطي نكهة حلوة ولا طعم بهاللذاذة ، بس أنا مقهورة لأنه

في ناس عندي رفعت الفيتو لو حطيت البيضة ما بيأكلوه ..بس ولا بيهمك أنا خبيت

كمية على جنب وبضيف لها بيضة اليوم من دون ما حدا يشوف ..

بتعرفي belle البيكنج باودر خلاها تنفش بسرعة فبيحتاج الواحد ساعتها مساعدة في القلي ..

والا بيفرطوا وأنتي بتنقليهم ..

فكرك لو عملت الخلطة بالخميرة وأضفت قبل القلي كربونات بدل البيكنج حتى

يكون امامي مجال أقرص براحتي وبعدين أقلي ممكن يفرق بالنتيجة ؟؟

شو رأيك :)

وسلمي لنا كثير على صاحبتك وخليها المرة الجاي تسأل لنا على الحمص بركي بينحل

لغز حمص المطاعم وبتعرف شو اسم البودرة البيضاء اللي بيضفوها على الحمص

حتى تعطيه اللون والنكهة الحلوة..

طوووووق مشااان الله ماتآخذيني طولت عليكي بس كان عندي عزيمه :11: ،آخر عزيمه هالسنه قبل السفر وكل عام وانتو بخير باقي 3 اسابيع ومنروح عالشام:) اما عن الفلافل فان شاء الله الف صحه وهنا خليتيني استحي كتير:D بس بتعرفي شو؟ هي شغلة نفس وانت ما شاء الله استاذه من الطراز الأول يعني لو بيض مقلي رح يطلع اطيب من خروف محشي:cook: . اما عن الفلافل فوالله ما بعرف اذا رح يفرق ال بيكربونات عن البيكنج باودر لأنو متل ما قلت البيكنج باودر فيه بيكربونات كمان مالك الا تقرصي وتقلي مباشره.اما عن الحمص وصاحبتي ضحكتيني الله يذكرها بالخير تركوا فرنسا من شي عشر سنين .هو شو مشكلة الحمص بالطحينه؟ شوفي رح قلك طريقتي وقارنيها بطريقتك.اول شي البودره البيضا بتصور انها الكربولا متل ما بيسموها عنا يعني بالعربي..... (بيكربونات).انا بجيب الحمص المسلوق ،شي نص كيلو (مسلوق مو يابس) وبحطلو شوية بيكربونات (شي نصف ملعقه صغيره)وبخليه يغلي على النار شي 5 او 10 دقائق ،البيكربونات بتخلي الحمص طري تماما ويدوب مرهم لما تطحنيه،وبعدين حطي الحمص بالخلاط مع قليل من مرقته واضيفي مرقه حسب الحاجه اثناء الطحن وملحي وحمضي وحطي طحينه حسب الذوق وتوصي بالطحينه ،لازم يكون طعمها وطعم الحمض واضح نوعا ما واضيفي كمان ملعقه كبيره لبن زبادي بتعطيها لون ابيض شوي واخليطيها عدة دقائق حتى تصير مرهم اثناء الخلط ركزي قوامها باضافة الكميه اللازمه من المرقه ودوقي حمضها وملحها وطحينتها وركزيها طولت عليك الكلام وهي بسيطه ما تآخذيني ،هي طريقتي بالحمص و بتطلع طيبه ،شلون ؟غير طريقتك؟:26: :24:

اذنك معك حبيبتي belle بس بدك الحقيقة انشغل بالي عليكي شوية :26: :26:

وجزاك الله كل خير على كلماتك الحلوة اللي دايماً بتشجعيني فيها بس أنا ووووووووووين

والخروف المحشي ووووووين الله يسمع منك :24:

وينك belle صحتين وألف عافية على قلوب معازيمك ويا بختهم يا لي داقوا أكلاتك أكيد

سابو لك الصحن بيضوي :21:

بالنسبة لروحتك على الشام تروحي وترجعي لنا بألف ألف ألف سلامة :24:

أما الفلافل فعنجد أتمنى اكون وفيتك حقك :cook: ويتشجعوا الجميع ويجربوه

لأنه بصراحة غير :32:


وقصة الحمص حبيبتي أنه على قد ما بجرب عمره ما بيكون بجمال ولا طعامة

ومن اول ما فتح المنتدى وأنا بستنى وبدور كل فترة بركي حد بيحل المعضلة ..

السر حسب ما شفته بعيني بودرة بيضاء كل أصحاب محلات الفول والفلافل

والمشاوي بيضعوها على الحمص بعد ما بيعدلوا الحمض والطحينة فبتعطيه

نكهة ولون حمص بره وأنا نفسي أعرف شو هيه البودرة .

الله يسامحهم ما بيرضوا يعترفوا والقهر إنهم بينكروا واذا كنت صحبة كويسة

معاه ممكن يعطيك منها ترشي على الحمص ..فاذا لقيتي واحد ابن حلال في الشام

يا ريت تسأليه أو تخلي زوجك يسأله بركي بتنحل معضلة الحمص على ايديكي ..

وهاي هي كل حدوووووووووتة الحمص معي ..:27:

السلام عليكم طوق الياسمين والله يجزيك الخير ويعطيك العافيه ،بس قصة الحمص ما فهمتها مزبوط يعني هالبودره الغامضه امتى بيحطها اثناء الطحن اما بلآخر..اول مره بسمع بها .البودره البيضا الوحيده اللي بعرف انو بيضيفوها للحمص هي البيكربونات اثناء السلق حتى يصير الحمص طري جدا ويذوب اثناء الطحن ،انا هيك بعمل اضيف شوية بيكربونات و بخليهم يغلوا منيح ليطرى الحمص تمام وبطحنو وهو لسه ما برد واضيف حمض وطحينه وملح فقط وكما قلت لازم الطحينه والحمض يكونوا ظاهرين شوي،ولاحظت من قراءتي لوصفات الحمص في المنتدى ان الأغلبيه بيضيفوا ثوم وهذا خطأ شائع الحمص الأصلي ما فيه جنس التوم وعمري ما شفت بياع حمص بيحط توم بس الشي الوحيد اني بضيف ملعقه او اتنين زبادي اثناء الطحن بتطلع بيضا وما بتجبل ..جربي طوق يمكن الله ييسر وتنحل المشكله ويطلع هللي ببالك،انا بحس انو الحمص تبعي بيشبه كتير الجاهز :42:,او انو زوجي عم يجاملني:29: ،وبالنسبه للفيتامينات و البيكربونات الله بيعين يعني اهم شيئ بالحمص هو البروتينات وعوضي الفيتامينات بصحن سلطه وشوية فواكه ها شوقلتي؟ :27:

نسيت اسألك طوق اذا كنت من مستهلكي الأسماك بلاقي عندك طريقه سمك مقلي مقرمش ولذيذ وغير شكل؟ اذا ما فيها سئله:cook: :26: :24: ??