ياقلبي حناااااا خووووواااات مالنا الا بعض من بعد الله

ادعيلي بس اتزوج وصديقتي بعد <==ياويل احد يدعيلي وصديقتي لا

خخخخخخخخخخخخخخخخخخخخخخخخخخخخخخخخ
احبكم واحب اللي تحبون واحب جيت داركم من غلاكم

دبا يارب تتزوجين وتلاقين الانسان اللي يريحج و يسخره ربي لج و يكون طيب و حنون و مايرفضلج طلب <-- اهم شي لوول

و طبعا الدعاء نفسه حق رفيجتج <-- لاتقولين بعد نسيت

وينك انتظرك

متقصرين يا عمري .. بس للأسف حالتي يوم زينه و يوم لا شوفي شنو صار امس ..

اقري الرد الياي :(

الجزء الثاني <--- مسلسل صار مو حياة استغفر الله على الهم والحمدالله على كل حال



من بعد ماتوقعت انه خلاص تعدل شوفو شنو صار ..

اتصل علي و قالي ابي اطلع معاج بوريج شقتنا شنو اخر ترتيباتها و بعدها نتغدا و نروح نتسوق ابي اشتري على ذوقج للسفر تعودت دايما تختارينلي وامس رحت ماعرفت اشتري و رجعت خالي .. قلتله ماشي بس مالا داعي نروح الشقه خل نكسب وقتنا <-- حجه لانه خايفه منه يستفرد فيني و يخل بالاتفاق ..

قالي لا مايصير لازم ابيج تكونين متابعه كل شي من الاول <-- يعني مسوي فيها انه هامه ذوقي :(

قلتله اوكي بس مانطول ؟ قال لا افا عليج..


تعدلت و تكشخت و صرت على سينقت عشره على قولت خوانا المصريين و اخترت لبس يبين ضعفي لانه مو شايفني من فتره مثل ماقلتلكم قبل و اكيد راح افرق عليه ..

و طلعت معاه كان 24 ساعه يخز فيني و يمدح و يقول ضعفانه و محلوه و انا طايره من الفرح لانه اعرف لما يكون يجامل و اعرف لما يكون منبهر و من صجه يتكلم ..

رحنا الشقه و قعد يوريني الديكور و الشغل شلون ماشي و بدون تفصيل في هالنقطه لكن حاول انه يخل بالشرط و انا رفضت رفض قاااااااطع و ماخليته يستدرجني ..

يعني حرام مابقى شي و نتزوج ليش نحرق حلاوة يوم العرس صح؟؟

فكلمته بلطف شديييييييييييييييييييد عشان لا ياخذ المسأله بحساسيه و يفكر اني ما ابيه ..

فقلتله عشان خاطري ابي احس بالفرق يوم العرس .. وخلنا ماشين على اتفاقنا بلييز حبيبي لا تتضايق ترا هذي امور عاديه و توقع من البنت انها تخاف لانه شي غريب و نفسيتي ليلحين مو متقبلته في هاللحظه .. لكن في يوم العرس اكيد راح تكون نفسيتي متوقعه هالشي و متهيئتله شوي لانه ادري شي لابد منه ..

تضااااااااااااااايق و قام من مكانه و قالي يالله نمشي ..

حسيت الدنيا صكت فيني :( اسلوبه كان مو حلو ..
يعني لو صبر شوي علي خلاص يصير مايبي يقعد معاي :(

سكت و سبقته عالسياره ..

وداني مطعم و اهوه ماله نفس يتكلم ولا اي شي ..

ماطلبت غير سلطه و عصير .. و ماكليتهم .. اهوه طلب و اكل بهدوء و ماكمل اكله بعد ..

حسيت اني طالعه مع واحد مو طايقني .. قلتله ممكن تردني البيت ؟

قالي ليش مو ناويه تختارينلي الملابس؟

قلتله ما اضن يهمك ذوقي .. و ما اضن سبب طلعتك هالشي .. <-- زل لساني

عصب جان يقول شتقصدين من كلامج ؟؟ كان معصب ..

جان ابجي و اقوله انت جذي لو ماعطيتك اللي تبيه تصير تكرهني و ماتبيني حتى موديني تغديني سديت نفسي و الشي مايستاهل لاني مرتك وخلاص بتاخذ اللي تبيه بس لازم ننطر على اتفاقنا و انا نفسيتي مو متهيئه للشي و الرسول نفسه قال بما معناه انه يفضل الززج يصبر الى بعد العرس والاشهار و لما يكون في بيته مستقر .. ليش مسويني كأني وحده رخيصه لو معطتك اللي تبيه خلاص تصير مو طايقها :(

جان يعصب زياده و يقولي انا مو حيوان و ياي من الغابه عشان تقولينلي انت ماتحبني لو ماعطيتك اللي تبي و تصير تحبني لو سويت اللي تبيه ..

قلتله محشوم ماقصد هالتعبير .. لكن هذا احساسي و تميت ابجي على نفسي ..

قالي والله ان اذا ماتعدل تفكيرج راح ننفصل و تكونين انتي السبب لانه انا ريال تعدلت معاج بس انتي جمالج غرج و خلاج تلعبين بعواطفي <--- شوفو ركزو على هالجمله ماتذكركم في كلام صاحبه؟ :( الله لا يوفقه يارب هالصاحب السوء


قلتله لو شايفني بهالحلاة انا احمد ربي على هالشي و بالعكس احاول اقربك مني اكثر مو ابعدك .. فليش تفهمني غلط؟
الريال يختلف تفكيره عن البنت بهالامور ..

و انا جد نفسيا مو متهيئه لهالشي .. و انت السبب لانك وافقت على شي انت ماتقدر تصبر عنه ..
وانا قلتلك مابي اروح الشقه و خلنا طالعين بره وايد احسن و جان تجنبنا هالشي ..

انا لو ابي العب في مشاعرك جان قلتلك عادي اروح شقتنا و ايننك و اطلع .. بس انا من البدايه خفت من هالشي و حاولت اتدارك الموقف لكن انت اصريت .. هذا مو اثبات اني احبك و خايفه على مشاعرك؟؟

قالي وايد تحبيني واضح و ضحك ضحكت استهزاء ..
قلتله ردنييييييييييي الحين البيت خلاص مالي نفس اتسوق .. وماضن وجودي مهم ..


تم ساكت و يطول في الطريج للبيت وانا ساكته ناطره اشوف شيقول ..


جان يحاول يلطف الجو و قام يتكلم عن مواضيع ثانيه مالها علاقه في اي شي بالدنيا و انا مستغربه بس مشيت معاه و قلت شكله راحت نوبة الغضب ..

بعدين رحنا السوق و شرينا اشياء كان لطيف وايد ..


انا نسيت اللي صار مع انه اعصابي شوي تعبت لكن كتمت كل شي في قلبي + انا كنت مواصله و مو نايمه و طلعت معاه و صار مشاده بالكلام يعني تعب فوق تعب و هم صبرت و سكت ..


رجعت البيت تسبحت و سرحت شعري و لبست و رحت الجامعه كان عندي محاظره ..

فوق التعب اللي انا فيه تعرضلي واحد من الشباب بمضايقه وانا مافيني اتحمل شي كلش ..

و رديت البيت وانا نفسيتي خاربه ..

بعدها اتصل علي و كلمته شوي كان طيب معاي بالمعامله .. ليما قلتله حبيبي انا اسفه على اللي صار اليوم كان لازم تعذرني.. قالي مو مشكله صار اللي صار ..


بعدها بشوي صار هدوووووووووء .. قولي شي حلو مابقى شي تسافر محتاجه اسمع منك شي يحسسني بغلاتي ..
جان يقولي اففففففففففففف منج جم شنه مع بعض و ليلحين ماعرفتي غلاتج ..

ماعندي شي اقوله شنو تبين اقول يعني لا تصيرين دلوعه زياده عن اللزوم و ضبطيلي حالج ترا والله مانبقى مع بعض لو انتي ياهل جذي تفكيرج ..

انصدمت شنو اللي قلته يبين اني دلوعه؟ عشان طلبت اسمع كلام من قلبه حاسه بنحرم منه بوقت سفره؟ ولا عشان حبيت اكسر الموقف و الطفه ..

قعدت ابجي <-- كل الحره اللي من الصبح لي بالليل طلعت فيني

قلتله حرام عليك انا ماطلبت شي منك كنت محتاجه احس بحنانك لو يوم واحد قبل لا تسافر ..
انا نفسيتي وايد تعبانه وانت مو هامك الا نفسك ..

و اعصابي تلفانه و قلتله الموقف اللي بالجامعه و قلتله اهوه شنو سوا فيني وشلون حبطني في طلعته اليوم و خلاني بدال لا افرح اتضايق .. و قلتله اني حاسه بالوحده لمجرد اني افكر راح يسافر و يبعد عني .. بس للاسف كل اللي قلته ولا كأني قلته ..

تميت ابجي جان اقوله اسمحلي بس لازم اسكر الخط قعد يزفني بدال لا يهديني و يكرر الكلام اللي قاله فوق ..

سكرت الخط ..

بعد فتره اتصل و قالي ليش تعورين قلبج و قلبي و تبجين حرام عليج ..

وقالي شنو تبين اسوي؟ قلتله بس مابي شي خلاص اللي كنت ابيه الحين مابيه ولا راح احس بقيمته ..لانه مايه بوقته ..

قالي انا وراي شغل بنام و الله يهديج .. سكر الخط بكل برود..

انا تميت ابجي ليما حسيت الدنيا تدور فيني و من السهر و قلت اكل و نوم و نفسيه زفت طحت غشيانه و اهلي ودوني الطبيب و تميت 4 ساعات بغيبوبه و قالو انه هذا ارهاق ..

طبعا اهوه ماعرف عن هالشي ليلحين و مابي اقوله .. و بوصي اهلي محد يقوله شي ..

اهمه مايدرون السبب شنو .. لكن اهوه لو عرف راح يعرف انه منه .. و انا مابي اقوله ..

بس والحين متضايقه :( بيسافر السبت الفير و اهوه جذي قلبه قاسي معاي و مره طيب و مره لا:(

تعبت والله مادري شسوي خلاص تعاملت بكل الطرق و سمعت نصايحكم و صار الشي مؤقت انه تعدل لكن رجع موزين معاي والسبب عارفينه :(

شنو تنصحوني الله يخليكم لا تتخلون عني دام انكم كنتو متابعين كل شي من البدايه

تعبت :(

الله يكون بعونج

سالفتج تقريبا مثل سالفتي

بس انا ذليت نفسي اكثر منج ...

والوقت اللي احتجت له قالي بالحرف الواحد : يافلانه مقدر استحملك اكثر من كذا؟؟

تخيلي شلون باعني؟

يالله كل ما اتذكر كلمته اكره نفسي ..

(( هذي هي الدنيااااا ))