كوبونات الراقية تسجيل الدخول

Dreams4u
Dreams4u •
اختي رازان

انا متبعتك من الأول

بس الحمدلله ارتحت بعد الاحداث الاخيرة

وانتي ماشاء الله عليك اتحملتي كثير

واحلى شي انه اصر ان يعرف وش فيك

معناته انتي مو رخصية عنده ابد

ادعي الله دايما ان يوفقكم عجلوا بالزواج

والله يوفقك ويسعدك معاه للأبد ومايشوف غيرك

اختك
الدبا الرشيقه
الدبا الرشيقه •
ياعمري يارازن كل هذا فيك وانا اخر من يعلم؟ :eek:

انا ضاق صدري بأول السالفه ومت من القهرررررر بس الحمدلله ان البنات ساعدوك الله يجزاهم خير ان شاءالله
وباين عليه خطيبك انه متضايق عشان سالفة امه ربي يشفيها ان شاءالله وجميع مرضى المسلمين
بس حلو بعد كل اللي سواه فيك يلقاك انتي مثل ماانتي لازعلتي ولاجفيتي صح قهر تصرفاته بس معذور شوي له ظروفه واغلب الرجال كذا ومايحس بالبنت الا البنت اللي زيها
لو تشوفين الرجال كل واحد يقط كلمه على الثاني عادي يتحملها مايزعلون مهما كانت قاسيه <== هذا اللي انا اشوفه
ويحسبون حنا يالمخلوقات الضعيفه والرقيقه والحساسه مثلهم نتحمل
مايدرون اننا نعاني واذا دخلت بالقلب ماطلعت :29:
صح اني ماتزوجت :o
بس افهم من اللي حولي

اذا سافر تقولين مايطيق بعدك عوديه يوميا ترسلين له مسج في الليل قبل ينام وفي الصبح اذا صحى يلقاها واسالي عن امه كثير مثل ماقالوا البنات والله بينبسط

ومني انا هذا المسج ارسليه له قبل يروح

خل الرسايل بيننـا تنقـل الـود
لاصرت عن شوفك بعيد الخطاوي
وخل الهواتف بيننا تحمـل الـرد
لا صرت في بر بعيـد وخـلاوي
الهجر والتصريف والثالث الصـد
لاتصير في بالك وانا فيك هااااااوي

والله يوفقك يارب ويهديكم لبعض ان شاءالله


حطي هالدعاء بجوالك و حاولي دايم قبل لاترسلين له تقريه بنيه وصدق مع الله


رباه..الى من تكلني..الى بعيد يتجهمني أم الى قريب ملكته أمري..
اللهم اني أسألك صبرا جميلا وفرجا قريبا وعملا متقبلا

والله يقدم اللي فيه الخير
صدق النوايا
صدق النوايا •
Ms_Razan Ms_Razan :
ام الطواري كتبتلج رد و مادري وين راح ... بس ولا يهمج ارد اكتبه لج لانه والله تستاهلين معطيتني من وقتج و ردودج سريعه حاسه كانه في احد اكلمه مباشر و يساعدني :( &lt;--- محتاجه احد الله يخليلج كل غالي ولا يحرمج منه الله يخليج قوليلي شلون اكلمه و افتح الموضوع معاه بدون لا يتنرفز علي و يعصب و يسويني انا الغلطانه خصوصا لما اقوله اني شاكه و متضايقه لايكون يلعب علي .. يعني شلون اصير قويه قوليلي كلام اقوله له لاني منتظره منه مكالمه بعد شوي و ودي افاتحه بالموضوع وموعارفه شقوله .. ودي اقوله انه حاسه هو متغير و يوم مايقدر يفارقني و يوم ثاني موطايقني و يجرح فيني ..بس موعارفه شلون .. واتمنى اخلص من هالمشكله اليوم لانه بعد اسبوع راح يسافر و انا عندي امتحانات و ليلحين مادرست ولا شي موقادره اركز نفسيتي تعبانه :( وبعد ما يروح يسافر يبيني اروح اقعد عنده اسبوعين عالاقل بحجة انه مايقدر يفارقني فتره طويله .. وانا مابي اروح لو نفسيتي تعبانه منه و متضايقه لانه احس اني رخيصه بتصرفه هذا و انا مو من النوع اللي عندي لسان و ما اخذ حقي و بس ابجي لو قالي شي :( شلون ارد عليه و شلون اصير قويه و افتح الموضوع معاه بعد شوي لما يتصل ؟؟ ارجوووووووج قوليلي والله حدي يائسه وادري كثرت حجي بس موعارفه شنو اكتبلج :(
ام الطواري كتبتلج رد و مادري وين راح ... بس ولا يهمج ارد اكتبه لج لانه والله تستاهلين...


يا حياتي يا رزان.. والله امس قريت موضوعج وتم قلبي يعورني عليج .. كسرتي خاطري وطول اليوم قعدت افكر فيج .. ودعيت لج من قلبي ان الله يفرج الهم اللي فيج.. وقلت اليوم بدش الموضوع ع الاقل بواسيج .. بس الحمدلله يبدو لي ان المياه عادت لمجاريها.. والحمدلله .. ترا عليج بالدعاء كل ما واجهتج اي مشكلة.. وربج ما ينسى عباده.. :)

شوفي حبي انتي انسانة طيبة وايد وحساسة وحنونة وعاطفية لآخر درجة.. وهالشي عجبني فيج.. انتي قلبج ابيض والقلب الابيض دايماً يسامح صح والا لا؟ :) واللي يسامح ينسى اللي فات ويفتح صفحة يديدة.. خلاص اطوي اللي حصل بينكم من خلافات وارميها في البحر وابدي معاه من يديد ولا تخافين يتغير عليج.. واذا تغير خلج قوية وخلج مثل ما انتي ما يهزج ريح.. وبيني له انه مهما تغير او قسى راح يكون حبج الوحيد اللي مالج غنى عنه.. والله انه اذا حس بغلطته ما بينسالج موقفج وياه وكيف حبيتيه وحتى وهو قاسي عليج ولا تغيرتي عليه.. ادري احياناً تكون صعبة بس جامليه وهو يستاهل لانه زوجج ونظر عينج :) وابو عيالج في المستقبل..

خلاص طاح الحطب وصرتوا سمنة على عسل.. لا تذكرينه باللي فات ومثل هالخلافات تحصل بين الزوجين.. وترا على فكرة هالخلافات هي اللي تزيد الحب.. صدقيني..

الله يوفقج في حياتج ويسعدج وياه ويهنيج ويعل كل افراح الدنيا تكون بين ايديج.. والله انج تستاهلين كل خير..
والله يشفي خالتج (ام ريلج) .. وان شاء الله نفرح فيكم قريب :icon28:

والسموحة منج حياتي طولت عليج وما شاء الله عليهم الاخوات ما قصروا.. حبيت ردودهم وايد.. :) ربي يجزيهم الفردوس.. آمين


* الدبا الرشيقة.. يا ويل حالي شو هالمسج العجيب.. الصراحة انتي تووووب..! :D


الدبا الرشيقه
الدبا الرشيقه •
وانتي توب التوب

<== شكلها بتسوي شات هنا

اروح لمجموعتنا قبل تجي رزان وتشنقني على باب الموضوع
Ms_Razan
Ms_Razan •
Dreams4u

تسلمين يا قلبي اشكر متابعتج وحرصج .. وانشالله ادعي انه والدته تطيب عشان يرجعلي بسرعه و نتزوج و نرتاح من هالمشاكل



بعد عمري دبا والله كلامج يدل على طيب اصلج ..

مشكوره وايد على المسج عجبني حيل ..
وهم مشكوره على الدعاء والله يتقبل انشالله ..

ونسني ردج و شاكره اهتمامج حبيبتي ..


صدق النوايا

شقول والله مو عارفه شلون اشكرج كلكم الصراحه اخجلتوني بكلامكم و طيبتكم معاي ..
والله محتاجه هالشي..
وعدل كلامج لازم ننسى و انا من النوع اللي مايعاتب بعد اي مشكله .. و لقيت نفسي تلقائيا اليوم ارد اضحك معاه و اطفره كالعاده .. استانس وايد و حس فيها .. خصوصا انه اخر الاسبوع بيسافر فوايد متندم على اللي سواه الحمدالله الله هداه وعرف اللي يحبه و اللي يبي يضره ..

و انا اييد كلامج دباااااا توووووووب المسج واااااااو فضيع والله و يناسب حالتي 100%


و ياااااااااارب يتقبل دعائج و يجزيج نفسه انشالله انتي و كل بنات حواء الطيبات اللي من اشتركت هالمنتدى و انا ماني حاسه انس غريبه و حاسه انه عندي احد يسليني و يسولف معاي و مو بروحي :)

الله يخليكم لي يارب و مايحرمني منكم