السلام عليكم ورحمة الله وبركاته

عزيزتي اول شي هوني الحاجة ولاتكبريها عشان لاتتعبي اعصابك زيادة عن اللزوم عشان مافي احد مرتاح وخالي من المشاكل

وثاني شي زي ماذكروا الاخوات عليك بصلاة الاستخارة والدعاء

ثالث شي كوني صريحة معاه لان الصراحة تريح والله انا مجربتها كثير صارحي بكل الاسئلة الي في بالك وعن علاقتكم واستمرارها انت بنت ناس وخلوقة لانك صبرتي على تصرفاته لازم تعرفي ليش هو يعمل كذا قبل الزواج عشان ماتندمي بعدين والزواج مسؤلية كبيرة رغم اني ماني متزوجة بس اسمع اختي دايما تقول كذا

والله حبيت اساعدك بالي اقدر عليه واتمنالك الخير والسعادة

الله يسعدك ويختار لك الي فيه الخير

تحياتي وتقديري

شوفي اختي من كلامج مبين انج كويتيه فبكلمج كويتي

اختي انا كنت مثلج بس انا انفصلت عن خطيبي

صدقيني كنت احبه حب ماصار ولا استوا واهو كل ساعه يسالني تحبيني ولا لا و اذا قتله اي احبك يسالني ليش تحبيني المهم فترة طويييييييييييييييييلة واهو مو متاكد اني احبه فكان يعامنلي احسن معامله وكان مدلعني عدل مدل و ماكان يطلب مني اشياء وايد و اذا طلب شي عاندت يطوف عادي
والله يا رزان اني اسويله شغلات لو اسويها حق ريال ثاني جان ذبحني بس اهو صابر و مستحملني

المهم يوم درى اني احبه و اموت فيه وراني نجوم السماء في القايله

يزعل علي ايام ومايرد ومينني و يخلني اسوي اشياء غصبن عني

المهم

في الفترة الاخيرة قام يتدلع و كله يزعل و انا مثل الحمارة ادق عليه و ادزله مسجات لمدة اربعه ايام وفي رابع يوم بكل وقاحه ذزلي مسج يقولي ( فلانة لا تتعبين نفسج انا كرهت البنات ) ومادري شنو كاتب

المهم انا نفسيتي صارت زفت و دزيتله مسج قتله ابي اكلمك شوي ميخالف ؟؟


المهم دق علي و قالي بالحرف الواحد ماراح نتزوج و انا ماسالته ليش لاني مابي ابجي جدامه

و الله قاهرني وكسر قلبي

خو بعد هالتجربة توبه اذل نفسي حق ريال حت لو احبه و الي مايبيني ما ابيه

و الله يجبر بخاطري احس بخيبة امل


تيخلي تاحبه 4 سنين و الحين يايلي يقولي ماراح نتزوج

عليج بالاستخاره حبيبتي شكله خطيبج مو ماليه عينه والله لويحبج مابيجرحج جي وبيحافظ على مشاعرج ومن الحين هو جي اسلوبه عيل بعد الزواج بتكونين وياه في بيت وواحد وبترتفع الكلفه شو بيسوي وشو بيقول الله يعينج وياينج حمال وولاده والحرمه يتغير شكلها في الحمل ويبغيلها فتره لين ترد نفس اول :( فكري زين وانتي بعدج على البر وسامحيني يالغاليه بس انغظت فعلا من خطيبج ومعاملته لج :16:

ماعرفت حبيبتي شقولج ..بس ادعي لج ان الله يفرج همج يااااااااارب ..

ويصلح بينكم يااارب

مخلصه لزوجها

والله كلامج 100% بس لما اقوله هالكلام تدرين شيقولي؟؟؟؟؟
يقول احبج و هذا شي موبيدي لكن فيج عيب المتن ضعفي و راح تكونين احلا وحده في الدنيا
هالكلام بعد الاحباط يعني ..


هدوي29

الله يعوضج يارب ..

بس انا المشكله اللي اهلي رفضوه اول مره عشان اهوه شهادته اقل مني لكن وعدهم يكمل لما خطبني ثاني مره .. عشان جذي وافقوا عليه يعني السالفه ماصارة رفض نهائي له بس مجرد سالفة شهاده يعني ...

تباشير


كلامج مقنع و اتمنى يفهمه و يساعدني شوي على الاقل افهم شنو يبي ..
بس بالنسبه لسالفة التعارف قبل الزواج اهيا صارت السالفه بظروف معينه يعني صدف بصدف و مو بالطريقه اللي فاهمتها .. بس اهوه خاطبني يعني شي رسمي بين الاهل خلاص و بس يرجع نسوي العرس انشالله .. لكن مو هذا الموضوع .. و انتي كفيتي و وفيتي بالحجي وكلامج يقنع .. لكن ماني عارفه اخاف اقوله عن صديقه و يسويلي سالفه لانه مايحب احد يتكلم ويقوله انه ربعك موزينيين :(


violet_roo7

مشكوره حبيبتي اجمعين انشالله و الله يسمع منج



sweetgirl2005



تسلمين حبوبه و الله يرزقج بالزوج الصالح يارب :)

انا راح اكلمه انشالله و اشوف شينو يصير بس مشكلتي ماعرف اتكلم و لازم ابجي حدي ضعيفه بهالمواقف

زهراء

اي كويتيه

بعد عمري والله قصتج تعور القلب :(

ياخوفي لايصير فيني جذي راح اكره الريايل كلهم والله ماتخيل بعد ما وصل بيت اهلي و خلااااااااااص بنتزوج يقولي جذي ..

انا مشكلتي اني وايد اهتم فيه و ترا اللي قلتيه عن خطيبج نفس الشي مع خطيبي صاير
قبل كنت ماعرف اعبر اني احبه ولا شي و بعدين تعوودت عليه و خلاص كل شي صار واضح و صار في صراحه بعدين اخر فتره صار هالشي:(
والمشكله انه رفيجه اهوه ساس البلا الله لا يسامحه :(


دندوووشه

تسلمين :)


@ام عبودي@

انا مادري السالفه مو تارسه عينه او شنو .. يعني واحد اسمعه يكلم رفيجه و يسمح حق رفيجه يقول عن خطيبته اهيا حلوه وايد و اخاف لو دلعتها تركب فوق راسك ؟؟ يعني ماينعرفله الحين حلوه ولا متينه ولا شنو :(

بس انا الاحظ لما اكون معاه يصير انسان ثاااااااااااااننننننننننيييييييييي يعني اقدر اثر عليه حتى لو من نظره وحده ..
لكن بالتلفون ينقلب حاله و يصير مو اهوه الشخص اللي اعرفه .. خصوصا اخر فتره ..

و انا الصراحه ماقدر اخليه كل يوم زايرنا يعني مو حلوه هم انا عندي دراسه و اهوه مو فاضي هالايام ولاهي مع امه الله يشافيها ..


((البوح بالخافي))

مشكوره تسلمين عمري كفايه الدعاء .. و الله لا يوريج مكروه يارب:)