ورده ذبلانه
مشكوره ياقلبي عالنصيحه و فعلا كلامج عدل اذا انا في بيت اهلي جذي مسوي فيني عيل لو اروح بيته شراح يسوي .. و الله يعوضج انشالله :(


Dreams4u

حبيبتي انا ماحب ادخل احد من اهلي في مشاكلي خصوصا انه انا توني في البدايه معاه .. يعني مابي احسسهم اني من اولها مو مرتاحه .. و لو عرفو ممكن يعفسون الدنيا لانه عندهم انا غير و يعاملوني معامله خاصه .. فأكيد ماراح يسكتون لو عرفو انه مضايقني و ممكن تكبر السالفه و تاخذ مجرى ثاني ..
عشان جذي لجأتلكم لاني واثقه راح تساعدوني و تعطوني الحلول اللي اختار منها طريقه اقدر اتعامل معاه..


تباشير

لا يا حبيبتي والله بالعكس لا تقولين هذره .. انا وايد مرتاحه من ردودكم و احس انه في احد افضفضله و اكلمه و يساعدني ..
فلا تتوقعين الردود الطويله تضايقني بالعكس والله اتمنى كل العضوات جذي ردودهم طويله لاني فعلا محتاجه احد يكلمني و ينصحني..
و مثل ماقلتي انهاء العلاقه شي صعب خصوصا اذا وصلو نفس مرحلتنا يعني شي صج احس انه مستحيل .. لانه انسان ماقدر اعيش بدونه ولا قادره اتأقلم مع العيشه بعد ماتغير ..

و المشكله اني بديت اشك فيه اخر ايام لايكون شايفله شوفه :( بس اخاف اصارحه و يسويلي سالفه و يطلعني انا الغلطانه .. و يوقلي انتي تشكين فيني و تعرفين يعني الريال شنو موقفه لو مرته شكت فيه و هذا اللي حارق قالبي مو عارفه شسوي:(

و في شغله خلتني اشك اهيا انه احنا كاتبين كتابنا على الاساس العلاقه تكون حلال .. لكن اتفقنا انه مايلمسني غير بعد الزواج و اهوه مادري شفي صاير شوي مطفوق علي و انا اتوقع سبب تغيره ممكن يكون لهالشي .. لانه اكيد شاكي لصاحبه و هذاك قاله لا تدلعها زياده و تبينلها انك منبهر بجمالها و فيها عشان لا تمرمطك .. لكن والله انا مو قصدي اني اخليه بهالحاله .. لكن خايفه اني ما استمر معاه و السبب هالاطباع عشان جذي اتفقنا مايصير بينا شي الا بعد الزواج والاشهاار عشان لا ابتلش في بيبي من غير الابو :(

حراميه شباصات
اي والله صاجه حرام بعد هالحب كل شي يروح :(

today

لا في شغلات زل لسانه و قالها و توهق .. و في شغلات مثل ماقلت حق وحده من الخوات في رد سابق اني سمعتها بالصدفه كنت اكلمه على خط الشغل و رفيجه اتصل على الموبايل و صوته كان وايد واضح و سمعت ...


بنت الحمادي911

عدل كلامج حبيبتي .. و الله يقدرني و اتفاهم معاه

اهلا حبيبتي اولا وقبل كل شي هو غريب عنك وشلون يصير بينكم كلام ؟؟؟؟؟؟؟؟

ثانيا زين انه بدا كذا عشان تعرفينه على حقيقته

ثالثا استخيري ......الله يوفقك يابنتي ويسعدك ان شاء الله

ام الطواري

لا شلون غريب و اهوه خطيبي؟

لكن مالمسني لانه انا متفقه معاه مايلمسني الا بعد العرس و الاشهار ..

و يمكن هذا سبب يخليه يتغير؟ زياده على صديق السوء و طالت المده مالت الخطبه بسبب ظروف والدته الله يشافيها .. فهالشي مسوي ملل مو طبيعي و اهوه متغير و انا موعارفه شسويله:(

هلا حبيبتي .. أنت قلت انه خطيبك يعني يكون رجل أجنبي ولا تكلمينه إلا لحاجة ضرورية
لكن إذا ملكتوا يصير لك الحق أنك تكلمينه وتطلعين معاه ..... فقهني الله وإياك بالدين
والله يوفقك