ام الطواري

اي خطيبي اقصد انه زوجي بس بدون مانسوي عرس و ورا العرس اسمي زوجي مادري بس احنا بالكويت نقول خطيب يعني الي ملجنه عليه بس مارحنا نعيش في بيته .. لانه في تحضيرات ثانيه غير حفلة الخطوبه و هي الزواج اللي المفروض تتم بعد عودته من رحلة علاج والدته الله يشافيها ..

اسفه اذا ماكان واضح كلامي من البدايه بسبب اختلاف في معنى الكلمه والقصد:)
فشنو تنصحيني شلون اتصرف معاه

ايه اشوا اذا كان كذا فالحل اقوله لك ولبنتي ولختي الرجال ما يحب الضعيفه صح تراعين ضروفه لكن موعلى حساب كرامتك خوذيها مني ياحبيبتي الله يوفقك دنيا واخره ويسخره لك امين

ام الطواري

كتبتلج رد و مادري وين راح ...

بس ولا يهمج ارد اكتبه لج لانه والله تستاهلين معطيتني من وقتج و ردودج سريعه حاسه كانه في احد اكلمه مباشر و يساعدني :( <--- محتاجه احد

الله يخليلج كل غالي ولا يحرمج منه الله يخليج قوليلي شلون اكلمه و افتح الموضوع معاه بدون لا يتنرفز علي و يعصب و يسويني انا الغلطانه خصوصا لما اقوله اني شاكه و متضايقه لايكون يلعب علي ..

يعني شلون اصير قويه قوليلي كلام اقوله له لاني منتظره منه مكالمه بعد شوي و ودي افاتحه بالموضوع وموعارفه شقوله ..

ودي اقوله انه حاسه هو متغير و يوم مايقدر يفارقني و يوم ثاني موطايقني و يجرح فيني ..بس موعارفه شلون ..

واتمنى اخلص من هالمشكله اليوم لانه بعد اسبوع راح يسافر و انا عندي امتحانات و ليلحين مادرست ولا شي موقادره اركز نفسيتي تعبانه :(

وبعد ما يروح يسافر يبيني اروح اقعد عنده اسبوعين عالاقل بحجة انه مايقدر يفارقني فتره طويله .. وانا مابي اروح لو نفسيتي تعبانه منه و متضايقه لانه احس اني رخيصه بتصرفه هذا و انا مو من النوع اللي عندي لسان و ما اخذ حقي و بس ابجي لو قالي شي :( شلون ارد عليه و شلون اصير قويه و افتح الموضوع معاه بعد شوي لما يتصل ؟؟
ارجوووووووج قوليلي والله حدي يائسه

وادري كثرت حجي بس موعارفه شنو اكتبلج :(

حبيبتى انا قريت كل الردود وكل كلامج

لازم تواجهينه الحين ولا بعدين .. لكن المهم المواجهه بجو هادى قولى .. انا ابيك تسمعنى وتعطينى رايك بكلامى ..
عادى خليج قويه وواثقه من نفسج .. قولى يافلان انت تعرفنى من وقت وتعرفنى عدل.. وانا عمرى ما تغيرت عليك ولابيوم قلت هالشى مو حلو .. لانى لما حبيتك حبيتك كلك .. ماحبيت وجهك او جسمك او صوتك .. انا حبيتك كلك بكل مافيك .. وهذا اللى ابيه منك اذا انت تحبنى .. ترا كلامك ضايقنى لمن قلت لى انى متينه .. انت تعرف انى متينه وانا ماراح ابقى على هالشى انا قاعده ابدا برجيم ومحتاجه تشجيعك لى .. وانشالله بعد شهر او اقل تلاقينى انسانه تعجبك اكثر من اول .. بس لازم احس انك تبينى واحتاج الكلمه الحلوه منك .. وقولى .. ادرى ظروف الوالده وغيره امور تخلى الواحد يتضايق ساعات بس مو معنى هالشى انه يبتعد عن اللى يحبه .. ولاتنسين تكلمينه عن صديقه .. قولى ابيك تسمح لى اتدخل واقول لك شى .. انت لانك تحب رفيجك ممكن تسمع كلامه لكن لاتخليه يأثر عليك بتجربته الفاشله .. وعلميه بكل اللى سمعتيه وقولى انا سمعته بالصدفه مو بتعمد .. وانا ساكته طول هالوقت لانى ادرى انك مايمكن تسمع لأحد يبى يأثر عليك .. والمهم انتى تعرفين متى تقولين له هالكلام .. اختارى وقت يكون فيه هادى .. واطلبى منه يسمعج بكل هدوء ويسمح لج بوقت تتكلمين فيه بكل اللى بقلبج قولى هالكلام بقلبى واتمنى تسمعه لانك اقرب الناس لى .. ومن هالكلام الحلو .. المهم بشرينى شنو يصير معاج
وعلى فكره .. رجيماتج انا ماشيه عليهم نزلت 2 كيلو خلال 3 ايام .. اتمنى تتابعينهم وترجعين لهم علشان تضعفين وقلبى معاج يا الغاليه .. والله انج تهمينى .. وعلمينى بكل اللى يصير معاج
واذا تضايق .. عطيه فرصه يفكر ..او قولى ابيك تسمع هالكلام وماراح اطلب منك اجابه بس ابيك تسمع كلامى وتفكر فيه .. لو انا عندى صديقه لها تجربه كذا وكذا.. انت ماراح ترضى انها تكلمنى وتحرضنى عليك .. حتى لو صار .. انا مقتنعه فيك ولايمكن اتأثر بكلام احد لانى حبيتك ..
كلميه بهالاسلوب .. واتمنى لج التوفيق

أختي الحبيبه عليك بصلااااة الاستخاااره ....

ان شاء الله ربنا يكتب ليكي اللي فيه الخيييير ....