محتاجه قلب

والله من قريت كلامج قعدت ابجي على حالي ..

وايد مؤثر و ماشاالله اسلوبج حلو و في اقناع .. وانا قاعده انطر يدق علي الحين و راح اقوله هالكلام عل و عسى يفيد يارب

و والله ماراح انسالج هالمساعده طول عمري و كلامج هذا "والله انج تهمينى .. وعلمينى بكل اللى يصير معاج"

وايد وايد اثر فيني و حسيت الدنيا بعدها بخير الحمدالله ..

وانا انشالله راح اقولكم اي شي يصير و ربي يساعدني ويقدرني على التفاهم معاه و يقوينييي


mais

انشالله هالشي لابد منه

و مشكوره ياقلبي

الله يوفق ما بينكم

زاد التقوى

مشكوره على هالدعوه

وينك انتظرك

يارب يحقق اللي في بالج ويسعدج مثل ما دعيتيلي و ريحتيني من هالكلام الحلو ..

راح اقولكم شصار للي متابعين معاي و يحاتوني ..


امس اتصل علي نفسيته شوي مرتاحه .. فقلت حرام اضايقه و خليني ساكته احسن ..

كان يقول انه الحمدالله شغل والدته خلص لرحلة العلاج <-- عرفت سر ارتياح نفسيته ..

باركتله و تميت ساكته افكر شلون راح ابعد عنه فتره طويله .. و شلون راح اخليه يسافر وانا بعدي مادري شنو موقفي معاه بعد العواصف اللي صارت اخر فتره ..

فضلت اني اسكر الخط عشان لا اعكر مزاجه وفرحته بسالفة امه ..

لكن رفض .. و اصر انه يعرف شفيني <-- صارله فتره مايهمه شنو فيني او مره بعد المشاكل احس انه هامه يعرف شنو فيني ..

حاولت اتهرب لكن القمته ذابحتني و نبرة صوتي تغيرت فتأكد انه فيني شي ..

و قالي وغلاتي عندج انج تقولينلي شنو فيج و تريحيني ..

اهني انا تركت العنان لسيل من الدموع اللي ماتوقف ..

و فهمته كل شي .. و قلتله اني مقدره ظروفك لكن مو معناته انك اتعبلي نفسيتي ليش اني الوحيده اللي اتحملك .. حرام تجازيني بهالطريقه ..

و يبت طاري صديقه و قلتله اسمحلي بس انا اكره و احسه صديق سوء لانه مايحب الخير لصديقه .. و يبي يتحكم في حياتك بشكل غير مباشر عن طريق استغلال الرابط اللي بينكم كحجة اقناع لك انه خايف على مصلحتك .. لكن فكر فيها شنو موقفك لو اليوم قلتلك انا مابيك و خلاص دام بعدنا عالبر ننفصل و نحافظ على اخر مابقى من حب و احترام بينه و الله يوفقك .. قلتله اهني راح يفيدك صديقك؟؟ راح يقعد يواسيك ولا يتركك و يروح يطلع مع مرته و انت تتندم على كل شي سويته و تتمنى ارجعلك و راح تكون ساعتها راضي فيني لو انا كلي عيوب ..

صح ولا لأ؟؟؟


تم ساكت و انا مصره اعرف رده ..

جان يقولي لو الف الدنيا كلها ما راح القى انسانه نفسج ..

و انا اسف و حقج علي و قعد يتأسف و يتعذر بالظروف و انه ماراح يسمح لأحد يفرق بينا ..
و امس و اليوم يعاملني وايد زين ..

بس الحين انا اللي مادري شفيني معاه .. احس مو قادره اكلمه و اليوم كلش ماكلمته غير لما صحيته للشغل ..

و انا العاده اسأل في كل لحظه عليه ..

بس خايفه ارجع لطبعي و يرجع يأذيني :(

و خايفه اتم بهالطريقه الناشفه نوعا ما و يقول هذي ماينفع معاها الطيب وانا صرت زين وياها و هي تغيرت علي ..

بس انا مو قصدي اتغير لكن حاسه اني ماقدر اكلمه و اصير نفس اول و خايفه لا تروح المعامله الحلوه اللي عاملني فيها امس واليوم ..

صاير يتصل وايد مو نفس اخر فتره كله انا اللي اسأل ..

شلون اتصرف في هالحاله عشان يتم يعاملني جذي حتى بعد ما يسافر ؟؟
و لو سافر تنصحوني شلون اتعامل معاه قبل لا اروحله .. يعني في مسجات و في انترنت و مكالمات شنو تنصحوني استخدم معاه و شنو اقلل و شنو اكثر ؟ انا مابي يتعود اني بعيده و بنفس الوقت مابي يمل مني عشان لو رحتله اسبوعين يكون مشتاقلي و مو متعود على بعدي ..

والله تاعبتكم معاي :( بس فيكم الخير و انا اختكم و محتاجه احد يساعدني :(