الريجيم الاسبوعي الخفيف مع الراحه ليومين يثبت الوزن100%

السلام عليكم ورحمة الله وبركاته


خواتي العزيزات الحقيقه انا وحده تقدرون تقولون خبيره في الرجيم

من كثر الرجيمات اللي طبقتها والحمد لله وصلت للوزن اللي كنت

اتمناه

وقررت بعدها اني ما ارجع ابدا الى عاداتي القديمه في اللاكل والشرب

بعدها سويت لي نظام تخفيف اسبوعي مع اخذ راحه الخميس والجمعه

يعني طول الاسبوع

الفطور اما كورن فليكس قليل الدسم او القوتس الموجود في اكياس

في قسم الرجيم او شريحتين خبز محمص مع جبن قليل الدسم وكوب حليب

خالي الدسم او بيضه مسلوقه مع شريحتين خبز محمص وكوب حليب


احين جاء موعد الغداء

اما صدر دجاجه مشوي وسلطه مشكله او سمكه مشويه بالفرن

مع سلطه مشكله اوشوربه بالعدس الاسمر او الاحمر او شوربه

خضار مع الملفوف والجزر او ارز اسمرمع الخضروات مع المرقه

نجي للعشاء

اولا العشاء لازم يكون خفيف ونتناوله قبل النوم بثلاث ساعات

على الاقل انا اكثر الاوقات اكل الفواكه او علبة روب واحده

او سندويتشه واحده مع جبن قليل الدسم


من المهم عدم اكل اي شئ ما بين الوجبات ما عدى الشاي القهوه

من دون سكر او مع سكر الريجيم والاكثر اهميه هو لعب التمارين

الرياضيه والمشي نصف ساعه يوميا

الحين وقت الراحه بيكون الخميس والجمعه اكل الصراحه اللي في

نفسي من حلويات وشبسات ونفيش وغيره والمعجنات يمم يممم


وفي النهايه والحمدلله نهاية الاسبوع اصعد على الميزان ولا وزني

محله ما تغير يعني ثابت اهم شئ


انا قلت لازم افيد اخواتي لان الحقيقه استفدت من المنتدى

اشياء كثيره لاتعد ولا تحصى