السلام عليكم ...

ماشالله إختي الغمامه كلامج وااااااايد واااااايد حلووو والله وعجبني حييييل
الله يتمم عليج و على باقي البنااااات ويصبرنا على هالرجيماااات ويفكنا من هالشحومااات المتراكمه بأسرع وقت يارب ..

أبشرج بعد يوم العنب مثل ما قلتي نزل وزني وايد ماشالله .. صار 70.4 كيلوغرام
بس اليوم الي بعده أكلت السباجيتي عالعشا .. بس أكلت صحن واحد بس مليان شوي :)
واليوم إلي بعده وزنت ولا وزني 71 كيلو :(

تحبطت والله و قلت يريتني ما أكلت هالسباجيتي وتميت عالسلطه أحسنلي توقعت إن اليوم
أدش عالستينااات بس ماكووو راح تعبي بسبب صحن السباجيتي هذا ..

عشان جذي اليوم رحت مشيت ورقصت بس عشان لما أوزن باجر أكون نازله و أتشجع
ومره ثانيه لو عدت الرجيم ما راح أقرب صوب السباجيتي .. :(

إييي صج أنا اليوم الخامس .. وصراحه طعم البابايا لابأس فييه
تبين الصج حبيتها أنا .. ومستانسه إن باجر ريوقي راح يكون بابايا
إنشالله باقيلي يومين و أخلص أول إسبوووع .. الله يصبرني إنشالله

مشكوووره حبيبتي على تواصلج معانا .. الله يوفقج إنشالله
تحياتي للجميع :)

اخيتي الغالية واختي وحبيبتي في الله الغمامة والله نعم الاخت التي لم تلدها امي والله انا للاسف ليس لي اخت انا الوحيدة لامي وكم احببت ان التقي بشخصيه مثلك والله اتمنى ان تكوني لي اخت في الله واتمنى ان اشاركك بكل اموري اذا ماكان في مانع وما في حرج لك يالغمامة
والله كلامكي عين العقل للاسف انا متقلبة يحتاجلي صبر وقوة ارادة والله ياخيتي بعد 25يوم من الرجيم وصل وزني 70كيلو او يمكن اقل شوي لكن بعد شهرين وبعد اكل كثير رجع وزني 79كيلو واليوم انا تعبانه نفسيا من هل ناحية ومن نواحي كثيرة لكن الله موجود وكريم وان شاء الله يرزقني قوة الارادة والصبر وان شاء الله من بكرة ابدي اخفف لمدة معينة وبعدها اعمل رجيم
والله ياخيتي رجولي تؤلمني ولا استطيع ان امشي لفترة طويلة اتعب ةاشعر بالم في مفاصلي مع العلم اني بعدني شابة وبصحتي لكن فعلا كلامك صحيح الواحد يشعر بشيخوخة
الغمامة ودي اسئلك سؤال عندي مشكله في لوحة التحكم بتاعتي هو اني ما اكدر استلم رسائل خاصة على رغم من تفعيلي للرسائل الخاصة

جزاك الله الف خير على الدعوة بظهر الغيب وربي يحفظلك اولادك وييسر امرك ويرضى عنك امين

الغالية كنتوشة..
أولا مبروك على النزول وإن شاء الله هذه بس البداية ...والياي أكثر
بالنسبة للاسباجيتي لا تخافين منها حتى لو الصحن مليان لا تخافين الحين انت بالتدريج بتتعرفين على طريقة عمل جسمك والأكل
اللي ينزل وزنك والأكل اللي يحافظ عليه والاكل اللي ينزلك وبأي ترتيب. إذا ما ناسبتك الاسباجيتي أمس انتظري حتى يوم الخبز وانظري كيف يتعامل جسمك مع النشويات ستلاحظين وبالتدريج أن الجسم يصبح قادرا على التعامل مع أصناف الطعام المختلفة دون زيادة ..

الغالية Fulla
نحن فعلا خوات .. وإن شاء الله توصلنا هذه الإخوة للي قال سبحانه وتعالى فيهم " إخوانا على سرر متقابلين"...
بالنسبة للوحة التحكم :
اذهبي لتعديل الخيارات
ثم من قسم المراسلة والتنبيه البريدي ضعي علامة صح في جميع المربعات وإن شاء الله يعمل معك...وحياك الله

السلام عليكم..

اشلونج اختي الغمامه ..؟

اليوم الحمدلله وزنت و صار وزني مره ثانيه 70.5 كيلوو
وانشالله باجر أدش عالستينات يا رب .. والله قمت أتحلم بوزني من كثر ما ودي أشوف وزني في الستينااات

اليوم السادس .. أكلت البابايا العصر والصبح ضليت اشرب مااااي
كليت ثمرتين بابايا .. على دفعتين لأن ماشالله بسرعه تترس البطن و طعمها لذيييذ
المهم انشالله عشاي اليوم بيكون دياي مشوي مع شوي مشويات منوعه
بس انا بخاطري آكل دياي مشوي و بخاطري بعد مشويااات .. مادري اذا يصير ولا لأ
والله اعذريني ولهت عاللحوووم .. لأن قبل هالنظام كنت متبعه نظام اتكنز والي يعتمد بأساسه على البروتينات و عاللحوم ... فيعني احس بنقص وودي اعوضه اليوم عالعشا بس انشالله مايرجع يزيد وزني .. كل ما افكر ان بيزيد اقول لالا خل آكل شوي لا أكثر .. والله معاناة

يالله الله يصبرني و اخلص هالجم اسبوووع .. مشكوره حبيبتي الغمامه