ام عبودددي :

السلام عليكم ورحمة الله وبركاتة وشخباركم يارشيقات إن شاء الله نكون في طريق الرشاقة بالنسبه لي انا اليوم 18 فطرت عصير تين والغداء هومكتوب طبق حلويات اوسندويتش بالخضار انااكلت سلطه خضراء وحبه صغيره كوسه محشي والعشاء لحم مشوي مع سلطه وسلامتكم اما سبب اتباعي الريجيم كله عشان بطني وجوانبي ومن وراء الظهر والزنود وكمان زوجي يحن وش التخن هذا والحقيقه حاذه في نفسي لما اشوف الحريم في التلفزيون استحي من نفسي ومن زوجي وقلت لازم اسوي شي حق نفسي ورجع ثقتي بنفسي بالنسبه للاخت الي سألت عن القراصيا نص الاخت غمامة كاتبة القراصيا(8اونص) يعني بمعدل كوب واحد

السلام عليكم ورحمة الله وبركاتة وشخباركم يارشيقات إن شاء الله نكون في طريق الرشاقة...

الربيع الصامت :

سلام بنات انا اليوم كان اكلي كله بروتين فطرت بيضة احس من سنة مو ماكله بيض وتخديت لحم مفروم الله لايرويكم شو صارلي والله لاعت جبدي حسيت اني برجع....لوع جبدي ذكرني يايام الحمل ...بس عوضته بالعشا طحت في الروبيان طيحه ....بنات بصراحة استنانس لما اشوف جدولي مافيه اكل لانه صرت مالي خلق الطبخ ......... اوف ملل .........المهم بنات لا تطنشوني ابا اسالكم سؤال ....انا بعد فتره قصيرة برجع لاماراتي الحبيبة ... سمعت بنات يشكون انهم ما يحصلون القراصيا المجففة ....المهم خبروني وين احصل لاشياء في الامارات ....واذا ما بحصله بشحنلي حق البلاد.........وراسكم يالاماراتيات .......ما اطنشوني

سلام بنات انا اليوم كان اكلي كله بروتين فطرت بيضة احس من سنة مو ماكله بيض وتخديت لحم مفروم الله...

بتولة الكويت :

صباح الخير اشلونكم ... شاخباركم اف اف اف .... ما يسوى على العشا ... زايدة نص كيلو .... اوووووووف صج ضاق خلقي ... بس ما عليه باكمل عادي .... علي وعلى وتكتلاتي ... انتوا شنو اخباركم ؟؟؟؟ سويت ... شو اكلتي ... رحتي يتزا هت ولا لأ ؟؟؟؟ كركر .... وينج ما تبينيين هالايام ؟؟؟ عسى ما شر عيوني ... نات ... بالمبارك ... وعقبال ما تلبسين مقاس S ... ام حصوصي ... ؟؟؟؟ شالسالفةة عيوني ... ليش حاطة نقطة ... ممو تنحاشين وتهدينا .. شكلج مخربطة ... بس ما عليه ... كلنا في الهوا سوا ... زيزينيا .. ايتها الزميلة القديمة من ايام تجمع دشتي ... شاخبارج ... يقولون اعتزلتي التقديم المسرحي .. صج ؟؟؟ حياج الله معانا ... شجعينا واحنا بنشجعج .... ولا تقاطعين ... يا عنوني .. الا شنو هالتوقيع الخايس ... " تفاءلوا بالخير تجدوه " .. و لرب نازلة يضيق بها الفتى ذرعا و عند الله منها المخرج ضاقت فلما اسنحكمت حلقاتها فرجت و كان يظنها لا تفرج وسعي صدرج ماما ... قطي الهموم ورا ظهرج ... ام عبوودي ... سلا م عيوني ... ما شاء الله عليج ... سابقتنا ... يعطيج العافية ... تسالين عن الهليون ... احنا للحين ما وصلنا للهليون .. بس عندي فكرة .. يمكن تنفع ... قطعي الهليون بطول 2سم وسلقيه ... والاحسن يكون على البخار .. بعدين حمي شوية زيت زيتون وحمري ثوم مهروس وقلبيه شوي حطي كزبرة مفرومة اذا تحبين وبهارات وتقدرين تضيفين كريما بعد يصير ..... واخر شئ ضيفي الهليون وخليه يتسبك شوي ... واذا طلع حلو عطينا خبر ... واذا العكس ... تكفين لا تدعين علي ... الربيع الصامت ... الحال من بعضه ... انا مليت من الطبخ ... ما عندي مانع لو يقولون نبي غدا كورن فلكس بيصير عندي عيد ... ترجعين بالسلامة لديرتج الغالية ... يلا بنات ... صح النوم ...

صباح الخير اشلونكم ... شاخباركم اف اف اف .... ما يسوى على العشا ... زايدة نص كيلو...