مشكورين ياحلوين على الردود

بس انا خبصت وانتهيت كيف اعدل

نسيت وقدمت يوم عن يوم

مرحبا يابنات

عجبتني فكرة الرجيم لاني كنت ابحث عن رجيم فعال بعدما زاد وزني مع هرمونات منع الحمل بشكل كبير وبدأته امس يعني هذا ثاني يوم لي والحمدلله موحاسه بجوع ابدا

والله مااتخذت قرار الرجيم الابعدما خلاص طففففففح الكيل من القيل والقال
تخيلي نفسك طول عمرك رشيقه والناس تسألك دائما كيف محافظه على جسمك ولياقتك وفجأه تختفين ويشوفونك بعد فتره وانتي وحده ثاااااااااانيه وحده منفوووووخه والله قهر لما تشوفك وحده شامته وحاسده لرشاقتك من قبل واللي يقهر اكثر اول مره بحياتي زوجي يقولي ستوب وقفي لدرجة انه يقومني من على الاكل قمة الاحراج
انا موعارفه كيف سمحت لنفسي ازيد كيلو ورى كيلو وانا اقول يمديني الحق انزلهم

من جد شي محبط تخيلو رحت جمعه والحريم ماعرفوني لهالدرجه السمنه تغير بني ادم

وانا كمان وجهي تبان فيه السمنه على طول وتختفي الحدود الجغرافيه

يارب اقدر اتدارك الوضع وارجع لوزني القديم مع انه صاير لي برووود شديد مدري اسمه برود اواحباط بعد زيادة 15 كيلو تقريبا بس انا زيادة الوزن تغيررررني بالمرررره

خلاص وقفت حبوب منع الحمل والله الحمل ارحم على الاقل لي عذر اني حامل


يابنات من معايه بنفس الاسبوع تجي نشجع بعض يارب انزل لواربعه كيلو على الاقل يبان وجهي

يومي امس كان يوم الاناناس والذره والسلطه
ماحسيت بجوع بس حسيت بملل

اكلت اناناس كثير وسبب لي نشوفه في اللسان والحلق وشربت عصير اناناس من المطعم واشك انه محلى الله يستر ولما جا الليل اكلت ذره مع قليل من الزبده بغير ملح وطعمها مقبول وتشبع

اليوم بفطر بعد شوي ان شالله برقوق لان القراصيا هذه مالقيتها وفعلا الرجيم كوم والقراصيا كوم كنت متردده اتبع ارجيم اولا لان القراصيا هذه غير معروفه عندنا

يابنات من تعرف وين تنباع في جده

مرحبااااااااااااا

اشلونكم بناات ...
امس مع الاناناس .. كنت حاسة بجوه غريب ... مادري ليش هالايام احس اني جوعانه ... بس تحملت وسديت حلجي ... :04: وكملت عالاناناس ... الاكل شهي . كنت مسويه امس الغدا مجبوس دياي .. اخ عالريحة ... بس انا للحين مقاومه ... :) وان شاء الله كلنا بعد ..
اليوم .. عندنا بطيخ . وانا عندي نص بطيخة ... مادري تكفي ولا لأ وعيزانه اروح اشتري .. مليت من روحة الجمعية ... :eek: .. كل العمال حفظوا ويهي من كثر ماروح اشتري ... عندي شوية عنب .. افكر اذا خلص البطيخ بعدها بساعة اكل عنب ... حراااام عشان لا تخيس الفاكهة ... :(

باقولكم على شئ ...
الميزان فالايام السابقة .. كان معاند ... ياني صاعدة او ثابته على الوزن ... بس اليوم ... شفت شئ غريب ... والله اعلم ... كاني نازلة 100 غرام ... ادري مو شئ ... بس يعني في بصيص امل ( حلوة بصيص امل .. انفع مدرسة لغة عربية ) :hahaha:
مع اني اشك في ميزاني ... كل دقيقة يعطيني وزن ... بس 100 غرام ولو ما كانت حقيقة .. بتعطيني دافع ...

سويييت .. ذكرتيني بسمك مشوي مع الرز ... يالله ... شو هالطعامه .. عاد انا مثل القطاوه اطيح على الزفر واترك الرز وماكل منه غير كم ملعقة .. وعلى رايك .. السمك حلاته بالملح والحامض .. مادام معاه كزبرة وثوم .. عليكي بالف عافية .. :26:

ربووعه
ميرسو عيوني ... وكل تأخيرة فيها خيرة ... بس هاعيوني .. مو ترجعين للامارات وتطيحين له في العزايم ... بشويش بشويش ... وذكرينا على صواني المجابيس والمحاشي .. :42:
وان شاء الله تقر عيون الوالد والوالدة بشوفتج ...

ناات
ايييه ... سيري ونحن من وراكي ... :42: وموفقه عيوني

دلووعه ..
عندك 4 ايام مالت التخبيص ... سويها ومن بعدها كملي الريجيم من يوم التخبيص ...

1- أناناس ثم بابايا ثم أناناس
2- بطيخ طوال اليوم
3- برقوق ثم فراولة ثم بطاطس في الفرن وسبانخ مطبوخة بزيت
4- عنب فقط
ومن بعدها كملي الريجيم ...


سحايب حب ...
هلا فيج عيوني
زيادة الوزن عادي .... انا بعد بنتي الثانية صار وزني 72 وكنت طايشة مثل العجين ...قبل الزواج كان وزني 53 كيلو .. شوفي الفرق .... شفت مرة مقابلة حق ليلى علوي ... وكانت ضعفانه حيل عن قبل ... قلت في نفسي .. اشضعفها صارت وانا للحين برميل ... ثاني يوم بلشت تخفيف ... وبعدها سويت نظام دشتي .... لين نزلت 11 كيلو ... بس قعدت تقريبا 5 اشهر لين ضعفت .. وبعدها جا رمضان وبلشنا ... نصعد شوي .. وننزل شوي ... وسويت ريجيم لهورهي كروز ونزلت صرت 59 بس ما تهنيت شوي الخبط بالاكل يصعد وزني بسرعة واخر مرة شفت وزني صاير 63 ... قلت خلاص لازم انزل الوزن ... وبلشت ريجيم بيفرلي ... والحمدلله نزلت 4كيلو ... واحنا لانا وزنا صارقريب من الوزن الطبيعي فنزولنا الحين صار بطئ .. بس البداية كانت وايد حلوة ... وانا اقولج .. توكلي على الله وبلشي .. وحاولي ما تلخبطين ... راح تستانسين من اول اسبوع ... بس اقري الريجيم عدل وفهميه ...

والله يوفقنا كلنا

سحايب ...
بديل القراصيا هو التين الناشف ...
وعندج جدول البدائل
جدول البدائل:

البدائل لن تعوض الطعام الأصلي لذا لا تستبدلي الطعام إلا في الضرورة
فراولة: أناناس أو كيوي
كيوي: مانجو- بابايا- أو ثمر البرسيمون (الكاكا) أو تفاح كآخر اختيار
تين أو تمر: قراصيا أو زبيب
بابايا: مانجو- كيوي- ثمرة البرسيمون
المانجا: بابايا- كيوي- ثمرة البرسيمون
أناناس: فراولة
قراصيا: تين
بطيخ: خوخ مجفف في الصباح (8 أونس) – أناناس في وسط اليوم- واسباراجوس في المساء
عنب: قراصيا في الصباح (6 أونس) - فراولة في منتصف اليوم أو زبيب – مكسرات غير مملحة في المساء (8 أونس)
البطيخ والعنب لا تستبدليهم أبدا إلا لو كنت مضطرة إضطرارا شديدا