السلام عليكم...
ما شاءالله ياريت عملتوا التجمع قبل إسبوعين
أنا صارلي إسبوعين ماشيه على الرجيم و الحمدلله من 66.5 إلى 61.5 و باقيلي إسبوعين و أخلص...
بس حبيت أسألك إذا ممكن نستخدم صلصة الطماطم يوم الخضار (اليوم الثاني) من الأسبوع الثاني؟
لأني مره نفسي في شوربة الطماطم و هي تكون لذيذه مع هذي الصلصة
و يلا عقبالكم يا بنات...
مع السلامة

انا من بكره السبت انشاء الله معاكم ماتدرون قديش نفسيتي تعبانه على طول مو بطايقه احد و اكره نفسي , ودي البس ملابسي القديمه صرت اخجل من نفسي بالمره .
انشاء الله استمر , على فكره و الله كنت اقدر استمر على الريجيم شهر كامل بالضبط و الان ما اقدر اضن جاتني عين عشان كذه من بكره ما راح اقول لحد اني عامله ريجيم .

ana makom

انا كمان معاكم انا سجلت في مسابقه بكره للوزن اللي اقل من 75 وانا وزني 72 وطولي155 ابي انزل عشره كيلو انا لونزل 5 يصير جسمي حلو لكن على قول وحده من الاخوات ابي5 احتياط
المهم ياكيكه يالغاليه انا اشتريت حبوب خميرة البيره ينفع استخدمها ودي استخدمها
رغم انه في الكتب تبع اسامه يقول مو ضروري لكن انا ودي استخدمها ينفع ولا لا
وياليت يابنات وحده تقولي طريقه استخدمها وكم حبه في اليوم لانه مافي روشته داخل العلبه

صباح الخير يا احلى تجمع بالمنتدى

اليوم بدينا رسمي ..14/5/2005

و البنات الللي سابقينا .. ماشالله عليكم كملوا للاخر و نحن نسير وراءكم

والله انا فرحانه فيكم كلكم و يارب نزيد اكثر و يارب كلنا نضعف و نكون قدوه بالمنتدى

وااااااااااااااااااو لوننا معانا .... لا مأساة ولا بطيخ .. كلنا بالهوا سوا و انتي جسمج مثلي طول و عظم عريض يعني لو ننزل هالشهر 10 بنصير تحف انشالله.. و لاتخافين هالمره وعد ما اغيب .. لاتني بكون انا الخسرانه

ندونه لا تستخدمين حبوب بيره ولا فيتامينات ولا اي شي

اللي ماتحب البيض تحذفه ...
لا تنسون بين الوجبات ممكن شرب عصير جزر فرش .
و اللي تروح الدوام تاخذ معاها خيار مقطع
و القهوه التركيه و الشاي و الدايت كولا يسلون و يسدون الجوع و يصبرونج لموعد الوجبه

بنات والله بس اول يومين تتعبون و بعدين عادي تتعودون عليه ... و اي مغريات تشوفونها أجلوها .. قولوا هالاكل ماراح يخلص و اذا خلص الشهر كل وحده تكافئ نفسها و تاكل اللي كان يغريها .

كل وحده تحط في بالها ان جسمها الحين قاعد يتفاعل و يحرق شحوم و تفرح والله ان جسمج قاعد يذوب شحوم .. ترا عن تجربه .. ملامح الجسم و ملامح الوجه تتغير 180 درجه .. انا طول عمري كبت طول و عرض لا خصر لا صدر .. لما سويت هالريجيم صرت نعووووومه ما ادري اشلون الجسم صار ملفوف لف ..

ترا السالفه بس شويه صبر و اراده .. و كلها 4 اسابيع .. و لا تحسين انج بروحج ... كل المجموعه معاج .. لا تحسين بحرمان .. يوم اللحم طلبي من المطاعم مشاوي و دللي نفسج .. يوم الخضار اكلي سلطات او صواني خضار بالفرن او شوربات

بس اهم شي الالتزام .. ترا اي غش حتى لو بسيط يخرب التفاعلات الكيميائيه بالجسم و ما ينزل الوزن

و اخيرا لا تنسون تكثرون شرب الماء .." وجعلنا من الماء كل شيئ حي "

رمروم ..... صلصة الطماطم بيوم الخضار .. ايي ممكن