الحياة ماشيه اولى ولا ثانيه اهم شي تطلب العدل وتشيل الشك

ولاتنقاد للرجاااااااااال ابد وتكبر عقلها وتتجاهل كثير من الامور الاولى تبي تمتلك والثانيه تشك

والحياه بدأت بمعارك والله يعين الثنتين والرابح بالاخير الرجل

استغفرالله العلي العظيم التواب الرحيم

الاخت جووووري يعطيك العافية..... على مرورك المميز



...........
الشرع حلل أربع وإن خفت إن لا تعدل فواحدة --- > بس منو يفهم
صادقة
الموضوع في هجوم واضح على الزوجة الأولى وكأنج تتكلمين عن الساحرة والحسناء
لالالالا ... انا علقت بس على الجمل الي تتكرر كثير ومحد وقف عليها يعلق ولا انا مو مع الاولى ولا مع الثانية
أتفق معاج أن الثانية مالها ذنب ولا جرت الرجال من أفاه وقالت طق بابي وخطبني من أبوي ---> لكن ما ننكر في هال نوعيه كثير وتسحبه مثل الخروف
في كل الحالتين الرجال راضي وهو الي باغي يتزوج.. ولا شرايج
صادقة
وعلى الفكرة الزوجة الثانية ملومها بشي.. بس... ألومها بأنها وافقت على رجال متزوج وكل وحده لها عذر وظرف والله يعنهم
وش تسوي مسكينة
طبعا اذا دق بابها بدون أي خطط سابقة لسحب الخروف للجزار( عاد كثروا الخرفان هال يومين)
ههههههههههههههههههههه الله يسعدك

بعدين الأولى مهما كان وضعها زينه.. شينه.. صغيره.. كبيره.. نسره ..طيبه.. مسكينه .. مغلوب على أمرها .. تبقى الأولى وعاشت معه عمر وهي الداخلة والي بعدها طالع
وجهة نظر..
اذا كان الرجال فيه خير وغير هذا يكون قليل أصل
وعلى قولة المثل لو كان في خير معافة الطير.. والثانية الله يعينها يكفي بتعيش مع نص رجال عكس الأولى عاشت عمر معه وهو كله لها .
وجهة نظر قوية
بعدين شفيهاااااااااااااااا الي ماتغار ولا تعرف الغيره يعني هم الزوجه الثانيه بتغار ولا الغيره بس حق الأولى ... يكفي أذا قالوا أبو فلان وأم فلان وهي ضايعه بطوشه
ههههههه صح بس غيرة الاولى بقهر وانا ما الومها
على فكرة نظرية أن الأولى مظلومه والثانيه مجرمه في محلها في كل الحالات
( لا اسمحي لي مو صحيح)والدليل انه ما فيه شي في عادات وعلاقات المجتمع تقدرين تعممينه 100%
صدقيني مهما كان وضع الأولى .. أذا كان الخروف .. ما يعدل ..
اه بطني هههههههههههههه
وانا متاكده مافي في هالزمن رجال يعدل بين زوجاته الا نادر
صح
واذا تبين نعطي أمثله وقصص عن إن الثانيه مجرمه عدي وخربطي .. وراح نتكلم لسنه قدام ما نخلص ..
وكل قاعده لها شواذ .. مو يعني ان الثانية ئتالة ئتله لوووووووول
بس كمان بالمقابل فيه ئتالة ئتله من ( الزوجة الاولى)وان كان اقل انتشارا
واتفق معاج إن اذا ربج كتب على الأولى إن زوجها يتزوج عليها فا تعطي عمرها العافيه وتشغل نفسها في بيتها وعيالها وحياتها وتريح وتستريح وتقول له إلى خذته الئرعه باتخذه أم شعور وقديمك نديمك وسلااااامتج

الدنيا ماتوقف على خروف ههههههههههههه مدري لما اقرأ كلمة خروف اموت ضحك ليش

الله يسخره لك ويكفيك من به شر ويسخرلك عبيده يارب

كلام سليم

تصدقين عاد ...

على طاري ئتالة ئتله ..^_^

طرت على سالفة الجهراء الي صارت عندنا

الزوجه الاولى الي حرقت خيمة العرس وتقريبا مات 40 نفس الله يرحمهم

لكن والله شاهد على ما أبالغ في كلامي

صحيح الي حصل كبيررررررررررررررر والله يغفر لها ويرحم الضحاية

اغلب الحريم الي تناقشنه في هالموضوع متتعاطفين معاها تصدقين!

وأنا شخصيا واجهت بعض أهل الضحاية في المستشفى وتكلمني عن الوضع الي حصل 3 من بناتها احترقوا في الحادثه

قعدت تحسب عليها وعلى أهل المعرس وتقول حرقوا قلبها وخلي البنت تسوي الي تسويه بسبب مسجاتهم ووالصور الي يطرشونها

تدرين يطرشون صور غرفة النوم وجزاء من العرس يبون يحرقون قلبها وطرشت لهم مسج تهدد بتحرق العرس مثل ماحرقوا قلبها

بس شقول ياحظي ضيعت نفسها عشان واحد مايستاهل ..

رغم أنها ذبحت أنفس ألا حكموا عليها بالمؤبد ولا نعدمت وفي ناس واجد متعاطفين معاها

شي غريب صح ؟
تتوقعين لو الزوجه الثانيه مسويه الي مسويته بتعاطفون معاها؟

الوكاد ,,,

المسأله كلها متوقفه على الخروف ... حريم مهبل مايدرون الراس الواحد ب80 دينار كويتي لا غير لووووووووووووول

معليش انا للحين ماتزوجت ويتقدمولي رجال متزوجين وارفضهم ليش عشاني ماأبي احرق قلب وحده على زواجها ومابي يجي يوم زواجي واعرف انو فيه وحده مقهووورررره ومتقطع قلبها حزن....
ولا يخفي انو كثير الزوجات الثانيات متزوجين رجال عن طريق حب انا ماأقول كل الزوجات الثانيات كذا بس فيه كثير..
وانا بصراحه في صف الزوجه الأولي وبقوه صح في زوجات أولى طويلات لسان وكل يوم والثاني متخانقه مع أم زوجها ومشاكل بس ولو مهما كان ماتستاهل انو زوجها يتزوج عليها..وغير كذا في حريم ضحو من أزواجهم وزواجهم استمر لأكثر من 20 او 30 سنه في آخر شي زوج ناكر لهالعشره وياخذ وحده كبر بنته أو اصغر من حرام دامه متزوج متزوج ياخذ وحده عمرها قريب من عمره او في الثلاثين لأنهم متفهمات وعاقلات وكثير بنات في هالعمر ماتزوجو ولا حتى يفكرون يتزوجون واحد متزوج ...