اخواتي
اول مره اكتب في هذا القسم
ارجوكم من تعرف طريقه مزبوطه لسوبيا
السنه الي فاتت اخذت طريقته مدري من اي منتدى وسويتها
الله لا يوريكم زوجي واخي بس كل واحد شفطه قالو:11: وش هذي
عاد انا انحرجت وما احب السوبيا وذاكه اليوم اشرب فيها واقول يامحلها
اول مره اذوق زيها واتغصب بها وش اسوي اداري عملتي

الله يخليكم الي تعرف لها وعندها طريقه مزبوطه
تعجل بها على شان اسويها لزوجي في رمضان

ونسيت اقول لكم
كل عام وانتم بخير قبل الزحمه

لاني من المدينه ولعيون اهل المدينه بكتب لكم طريقه عمل السوبيا الاصليه اتمني انكم تجربوها
هي لها طريقتين وكلها تعطي النتيجه المطلوبه
اولا المقادير
كوب شعير +واحد قرص عيش حب يابس
ملعقه كبيره قرفه
ملعقه كبيره هيل
والسكرحسب الرغبه تضيفينه بعد التخمير
الطريقه نضع كوب الشعير االمجروش في جك ماة ونضع عليه قرص العيش الحب بعد تكسيره
نتركها تتخمر يومين فقط لا غير ثم تضعين الهيل والقرفه ونحركهم جيدا حتي يتفتت العيش ونتركهم يوم اخر يختمر
طبعا هذي بطلعلك كميه مركزه بقدار الماء الي وضعتيه بعدين صفيها وحطيها بالثلاجه وهي مركزه وكل يوم خذي منها وسوي قد الي تبغين
انا دايم برمضان اعملها وهي الذ وانظف من الي نشتريها من برا
جربيها ورديلي واي استفسار انا حاضره

وحده من الاخوات الله يجزاها خير ناشره الطريقه .اذا تصفحتي الموقع في المواضيع الجديدة تلقيها...:cook:

أختي الالماس

جزاك الله خير وتسلمي ويسلموا أهل المدينة وجميع المسلمين

أختي ثلاثة أيام مو كثير أخاف تتخمر مرة ويصير شي مو طيب

وما هي الطريقة الثانية لو سمحت ...

أنا حاطة الطلب في أكثر من منتدى والكل يبغى يعرف الطريقة يالله خلينا نقولهم عليها ونحارب أي شيء من برا البيت

انا اعمل السوبيا وبشهادة الجميع اهلي واهل زوجي


روووووووووووووووووعة وانظف واحلى من السوق :23::23:


اهم شيء لاتتركيها تخمر اكثر من 24 ساعة ولا دخلنا في موضوع ثاني ============

عيوني تجيبين العيش الحب 2 او 3 اقراص ومعهم 2 شامي وتحطينهم في وعاء كبير

انا استخدم وعاء من البلاستيك كبير نسبياً واقصص العيش صغار واضيف كمية من الماء

عليهم يلي يملاء السطل واحط معهم ملعقة غرف او اثنين سكر و3 ملاعق اكل كويكر لا تكثري ولا تخرب :29:


واغطي واتركه لثاني يوم مع ملاحظته من وقت واخر للتقليب فقط

بعدين اصفيها تمام واحط معها قرفة وهيل واعدل السكر

انا اعملها قبل رمضان بفترة واحفظها في الفريزر وقبل ما استخدمها بفترة طويلة اخرجها من الفريزر علشان

يفك الثلج عنها :41:

طبعاً تكوني موزعتهم في اكياس

هذي طريقتها بالعيش وطريقة اختي الالماس بالشعير

وكل واحدة وحسب ما تفضل

واي سؤال انا حاضرة

وهذي نفس طريقة سوبيا الخضري وابو الجدايل

ان شاء الله تعجبم :42:

:21: :23: