جربت الشوربة الحارقة مرة وما قدرت استسيغها ويا حرام كبيتها لكن رجعت سويتها بطريقة تانية ونزلت عليها 4 كيلو في اسبوع برغم التخبيص بداية من الشوربة واكم يوم اكلت جنك فوود او اكل من برة
ببساطة بدل ما احط كل المقادير مع بعض ..حمرت ا الستة بصلات عادي... بعدين اضفت المكونات الباقية وخلطتها ولما جهزت حطيت الستة فصوص من الثوم في ملعقة صغيرة زيت زيتون وحمرتها "قدحتها" واضتها على الشوربة وكنت انا وصاحباتي في العمل متفقين نمشي على الريجيم دا وكل واحدة تجيب ترمسة معاها المكتب بس ما كانوا يقدروا يشربوها وما قدروا يكملوا الريجيم بسبب طعم الشوربة لكن لما ذاقوا حقتي والله عجبتهم هم كمان... طبعاً ممكن تضيفي عليها قبل ما تشربيها ليمون زي الشوربات العادية
ومرة عملتها بنفس الطريقة بس زودت عليها ملوخية... والله طلعت مهضومة ولذيذة وصرت اشرب منها كتيييير بسبب لذتها... طبعاً كل ما شربتي اكتر تنحفي اكتر بإذن الله
للي ما تعرف ريجيم الشوربة الحارقة تدور عليه في النت..
انا شخصياً قررت ارجع لها لأن أي ريجيم تاني ما ينزلني إلا بالكتير كيلو كل اسبوع..
دعواتكم لو عجبتكم
++++++
طيب حسب طلب الأخت الكريمة الطريقة بالتفصيل هي كالتالي
المقادير
6 حبات كبيرة بصل أخضر أو أصفر
6 حبات ثوم
2 حبة فلفل أخضر بارد
علبة أو علبتين عصير طماطم أو ما يعادله بصورة مطحونة أو أربع حبات طماطم
حبة ملفوف كبيرة
حزمة الكرفس
احمر 6 بصلات في مقدار ملعقة واحدة كبيرة زيت زيتون لين يصير لونها اصفر ودايبة شوية .. بعدين اضيف ماء تقريباً لتر او اكثر شوية "لازم القدر يكون كبير علشان الكمية هي لكامل الاسبوع" واضيف بقية المكونات .. وهي 4 حبات طماطم كبيرة + حبتين متوسطة فلفل اخضر بارد + حبة ملفوف كبيرة " تقطع طبعاً"+ حزمة الملفوف واخليهم على النار 10 دقايق بعدين اخلطهم ط عني شخصياً بخلطهم بالخلاط اليدوي في نفس القدر" واولع النار تاني لمدة نصف ساعة تقريباً.. بعدين في مقلاة احط مقدار ملعقة صغيرة زيت زيتون وفوقها ابشر 7 او 8 فصوص ثوم " زودتهم علشان الكمية اللي بتيع في المبشرة والمقلاة" ولما يصير لونه ذهبي اضيفه على الشوربة واقلبها... نسيت اقلكم اني باضيف البهار اللي على مزاجي وطبعاً لا تنسوا الملح... ولا تنسوا تعصروا قليل من الليمون في زبدية الشوربة لما تغرفوا علشان تشربوها,...
بالنسبة للي تبغى تضيف الملوخية تضيفها مع المكونات بعد ما تخلط المكونات.. وعادي كأنك بتاكلي ملوخية مع فارق بسيط... بصراحة انا لما اضفت الملوخية ما كنت اضفت الكرفس
kitkiat @kitkiat
عضوة نشيطة
يلزم عليك تسجيل الدخول أولًا لكتابة تعليق.
سوووله
•
الله يعطيك العافيه
الصفحة الأخيرة