1.الاسم :
ليديان

2.العمر:
27

3.الطول:
154

4.الوزن :
56

5.العمل:
ربةمنزل

6.الحالة الاجتماعية هل انت متزوجة؟
نعم

لدييك اطفال؟
لا الله يرزقني

7.البلد:
الرياض

8.الجهد العضلي :
شغل البيت بس مايتعبني اخلص بسرعه واجلس فاضية طول اليوم

9.الاهتمامات :
التليفزيون – الكتب- المجلات-التجميل والمكياج


10.ما هو سبب عدم قدرتك على مواصلة النظام الغذائي يعني شنهو رااايج؟؟ ماهو السبب اللي يخلييج تتركيين النظام الغذائي؟
زووووووووووووجي الحبيب السبب الرئيسي
لانه مايحب ياكل الا اذا اكلت معه
واذا اقنعته اني ماقدر اكل نفس الاكل الي اطبخه
يجيب معه من برا مغريات وجبات سريعه شوكولا كيك ايسكريمات وانا مااااااااااااااقدر اقاوم خاصة اذا شفت الاكل بعيني وهو قدامي


11.ماهي أوقاات فراغج التي تستطيعيين فيها التواجد في عالم حواء
ماقدر احدد


12.هل لديك التشجييع اللازم في المنزل؟؟؟ من يشجعك؟؟؟؟؟؟؟؟؟؟؟؟
مايشجعني احد


13.يعني ما هو الوزن الذي تريديين الوصول اليه: ( يعني مبدئيا تبين تنزليين كم كيلوو؟
ابي اوصل لوزن 48 يعني انزل 9 كيلو


14.ثم ... ما هو اكثر شي لا يعجبج في شكلج و انتي متيينة... ماهو الهدف من النزوول بالوزن؟
أأأأأأأأأأأأأأأأأأأأأأأه الكرش ثم الكرش ثم الكرش اذا راحت يصير خير مع الباقي
والهدف عشان احب شكلي اكثر والبس على راحتي


15.بعد حطي الريجيمات اللي جربيتيها من قبل و نفعت معااج او ما نفعت؟؟؟ و كم كيلو نزليتي؟؟؟
جربت رجيم الزبادي مع الخيار في يوم واحد
نزلت في يوم نصف كيلو بس ماقدرت استمر لانه رجيم يجووووع مره ويتعب


16.نوع بشرتج دهنيه- جافة - عادية – مركبة؟
مختلطة

17.هل تعاني من اية مشاكل؟؟ اذكريها؟؟
مافي نضاره احس وجهي اغمق من جسمي


18.بشرة جسمك كيف هي؟؟ مشدوودة؟؟ لا تعاني من الخطوط ( علامات التمدد)؟؟ لا تعانيين من اي عدم تناسق لوني بين منطقة و أخرى؟؟؟ يعني اللي عندها مشكلة ببشرة جسمها تذكرها ؟؟؟
بعض المناطق في جسمي غامقة بس مو مره


19.كيف هو شعرك؟؟ و كيف تريدييينه؟؟
يعني شعرج تعباان و لا عاجبج؟؟... شنهو ناوية تغيريين فييه؟؟ و مالذي تخططين استخدامه او ترديين البنات مساعدتك به؟
شعري رايح فيها
باهت خفيف مقصف مايطول
ناوية انتظم على زيت شعر والله يعين

ياعيني عليك حلو موضوعك بس المهم يكون فيه نتيجه موبس ننشر غسيلنا عالفاضي :D بس ترى المنتجع حقك صار زحمه مررره ياريت تفتحون منتجع جديد اوتسوون توسعه :icon33:

وهذه ياطويلة العمر تذكرتي بس تراني مراح اتبع الرجيم الكميائي لاني كرهت اللحوم والبيض من كل اعماق اعماق قلبي مع ان الرجيم الكميائي روووووعه وفعال ومجرب


1.الاسم: ( اكتبي اسم خفيف ننادييج فيييه )

سحايب حب

2.العمر: ( لا تخااافييين عادي حقوق السرية محفووظة لدى كات دوت كوم )

25سنه زايد خمس سنوات :D


3.الطول: ( عادي كتبي حتى لو 1 متر)

167 سم تقريبا

4.الوزن لالالا تتفشليييين عاااااااااااادي ترة... رح يتغير لا تخافييين)

75 على اقصى احتمال

5.العمل: ( يعني شنهو شغلتج بالضبط.. حتى لو كنتي ربة بييت و تتعبيين في عمل البييت الى جانب شغلج كتبي)

الاكل والنوم

6.الحالة الاجتماعية هل انت متزوجة؟ لدييك اطفال؟؟ كم طفل؟؟ هل يعانوون من السمنة ؟؟؟؟؟؟؟؟؟؟ ............خخخخخخخخخخخخخخ حتى عيااالكم كااات لاحقتهم.. ماعلييه تمووون علييهم ... خالتهم ......)

متزوجه ليتني جلست ببيت اهلي

وعندي ثلاثه عيال البنت ياقلبي فيله صغيره

7.البلد: ( عاادي علشااان اللي من بلد وحدة يزداد تعلقهم و تعاونهم مع بعض)

سعوديه من جده

8.الجهد العضلي : ( حتى لو ما كنتي تمارسيين كتبي انج ما تمارسيين و كتبي بعد شنهو اللي تقدريين تمارسينه)

امشي احيانا نصف ساعه في اليوم


9.الاهتمامات : ( شنهو هواياااتج... شنهو تحبيين و شنهو تكرهيين عاادي قولييهم)

ههههههه لها دخل ذي بالرجيم!!!

طيب انا ارسم واكتب شعر وخواطر واحب اقراء كتب علم النفس

10.ما هو سبب عدم قدرتك على مواصلة النظام الغذائي يعني شنهو رااايج؟؟ ماهو السبب اللي يخلييج تتركيين النظام الغذائي؟)

الجوع وخصوصا اني احب الخبز ومشتقاته والجبن ومشتقاتها والحلى ومشتقاته<<<ايش بقيتي بالله




11.ماهي أوقاات فراغج التي تستطيعيين فيها التواجد في عالم حواء: ( لا تخافيين ما بنسوي لج شي,,بس علشااان ندعم بعضنا البعض و نعرف متى نشووف بعض و متى نتيمع... ترى لما نصيير يد وحدة مستحييل نفشل)

يمكن بعد من الساعه 11 الى 1 ليلا

12.هل لديك التشجييع اللازم في المنزل؟؟؟ من يشجعك؟؟؟؟؟؟؟؟؟؟؟؟

مدري النقد هو تشجيع اوتحطيم بس زوجي انحف واقصر مني فاكره اني اسمن اكثر منه عشان ماابين كاني امه مو زوجته

13.يعني ما هو الوزن الذي تريديين الوصول اليه: ( يعني مبدئيا تبين تنزليين كم كيلوو؟ )
امممم مبدئيا ابي انزل خمسه كيلو وبعدها خمسه ثانيه وبعدها احافظ على الوزن


14.ثم ... ما هو اكثر شي لا يعجبج في شكلج و انتي متيينة... ماهو الهدف من النزوول بالوزن؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

اكثر شي مايعجبني اني لما اسمن ابين ضخمه وزنودي تنتفخ وتطلع لي طبقتين ظريفه لطيفه في بطني وانا جالسه

والهدف من النزول اني ارجع البس الجينزات اللي عفنت في دولابي ويطلع جسمي حلو وممشوق مثل زمن اول

15.بعد حطي الريجيمات اللي جربيتيها من قبل و نفعت معااج او ما نفعت؟؟؟ و كم كيلو نزليتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

كنت دايم اذا زاد وزني لوخمسه كيلو اسوي رجيم السعرات وانسفهم بس بعد حبوب منع الحمل صابني تبلد وفتح شهيه فضيع وزاد وزني وانا مطنشه وجربت الرجيم الكميائي ونقصت حوالي عشره كيلو بس رجعتها خلال سنه وباقي لحد الان على حبوب منع الحمل افكر اغيرها بس مرتاحه لها باسثناء انها نفختني



16.نوع بشرتج دهنيه- جافة - عادية - مركبة)


عاديه
17.هل تعاني من اية مشاكل؟؟ اذكريها؟؟

امممم لا الحمدلله


18.بشرة جسمك كيف هي؟؟ مشدوودة؟؟ لا تعاني من الخطوط ( علامات التمدد)؟؟ لا تعانيين من اي عدم تناسق لوني بين منطقة و أخرى؟؟؟ يعني اللي عندها مشكلة ببشرة جسمها تذكرها

اكيد عدم تناسق اللون مشكله عامه طامه وهي عندي على بسيط اضافة على ترهل بسيط اسفل البطن وايش بعد امممممم ايه سلوليت طلعلي هالسنه في الافخاذ من ورى :D

19.كيف هو شعرك؟؟ و كيف تريدييينه؟؟

شعري زين بس ابغاه يكثر ويطول اكثر من كذا

( يعني شعرج تعباان و لا عاجبج؟؟... شنهو ناوية تغيريين فييه؟؟ و مالذي تخططين استخدامه او ترديين البنات مساعدتك به؟؟)


خلصنا :icon28:

يالله متى تقلع فينا الطياره

صباح الخير حبيباتي

التسجيل هنيه ولا في المنتجع؟؟؟

مراحب اختي كات انا من مشجعات البرنامج الكميائي بس اصبح ماينسبني .. مدري يمكن لاني مسويه ربط معده .... ممكن تقولين لي شو اسوي او شو البديل يعني راح امشي معاج اسبوع باسبوع ... مع العلم اني ماقدر اكل الكباب او اللحوم .... ممكن المفروم منها .... وعصير البرتقال ابد ماتقبله .... احس انه يسد لي نفسي من الصبح .... ودي تعطيني طريقة اقدر اتفاهم معاها ويا الرجيم الكميائي اذا معليج امر ....