حنيني:
هلا والله.. صراحة ما عرف وش اقول بس يمكن لو تساليني اسألة:27:
دموع الندم:
انت وين بالضبط؟؟ لان تعرفي تقدري تشتكين لان مب بكيفهم يمنعوكم من الصلاة..>>يخالف الحقوق الانسانية:o

متى يتصلح نظام الرسائل؟؟؟

ماشاء الله على الردود ماقدرت اقراها كلها..

المهم ولدي سنة تانية وفي مدرسة اسلامية اكيد مستواها اقل من الحكومي لكنها المدرسة الاولى في المرحلة المتوسطة..

بس والله مو كل شي عندهم عاجبني خاصة انهم مهملين في الدين والعربي ..مو مشددين زي الانجليزي والا الدراسات العامة..

ان شاء الله لي رجعة.

في البدايه سلام على الجميع .. المدارس واه من المدارس الشي الوحيد اللي شايله هم فراقه في امريكا المدارس يعنى بصراحه تامه لو مدارسنا ربع طريقتهم في المدارس والله كان صرنا شعب متحضر مثلهم واحسن يعنى ماتتخيلون قد ايه يحرصون على التربيه قبل التعليم غير انه مافيه ضرب وفيه تنميه شخصيه الطفل وتعزيز ثقته بنفسه ولدي الصغير يحب الرسم لاحظو هالشي عنده قبل انا مالاحظه وحطوه في قسم الموهوبون من ضمن الاشياء اللي لفتت انتباهي وهي كثيره اول اسبوعين مرسلين مع العيال ملصق كانه بطاقه شخصيه اي دي فيها مربع يرسم فيها الطفل شكله ومكتوب عليها انا فلان عمري كذا انا انسان مميز وذكي تخيلو كيف يعززون ثقتهم بنفسهم وااااااااه متى تصير مدارسنا بها المستوى واحيانا افكر بصراحه ان الحرمه يعنى المدرسه مفروض هي اللي تدرس العيال الين صف سادس صراحه احس الحرمه احن واصبر يعنى ولدي في صف رابع يقول ياماما المدرسه هنا مره صبوره ولاتطقنا بس في السعوديه الاستاذ دايما يسحبنى من شعري ويضربنى راسي على الطاوله هذا وهي مدرسه خاصه بعد عاد تصدقون فيه اشياء كثيره ماعلمنى عليها ولديى الا لما شاف المدرسين هنا واسلوبهم ليش الامريكان غير ليش ياماما طيبين ذبحوني بها الاسئله .. على العموم الاخوات ماقصرو وقالو تقريبا كل الاشياء المميزه في المدارس ولكن الشي الرائع الوحيد ان فيهم صبر ووساعه صدر على اللاطفال مستحيل تكون عندنا في مدارسنا لانه المدارس هنا تتعبر بالنسبه لهم التربيه وصنع الاجيال وصنعهم هو صنع المجتمع والنظام وهذا اللي يحرصون عليه .

دموع الندم
جزاك الله خير على المرور بس تعالي...............دخول ال..........مش زي خروجه

ماقلتي لنا وجهة نظرك ايش الي عجبكك


wa7da_cool
حياك الله مرة ثانيه
ماعندي اساله محددة بس وضحيلنا طريقة مناهجهم وقارنيها بمناهجنا ما اعرف اذا انت سعوديه اولا وعلى كلا حتى لو انك منتب سعوديه خلي المقارنه بشكل عام بالدول العربيه
من ناحية سلاسة المواد والواجبات والاختبارات وايضا لاتنسي تعامل المدرسه_ المدرس
مع الطلبه وكذالك الادارة كيف تتعامل مع الطالب اذا قدم شكوى او اعتذار عن حظور بعض المواد لاسباب معينه وايضا عدد الطلبه في الصف الواحد وكل ما يخطر على بالك اذا قارنتي المدارس هنا وهناك

حمرة الورد
حياك الله اختي

وش تقصدين الي يخبرك انه في رد على الموضوع .....بالنسبه لي سليم




الله يكون في عونك وهذي ماسات المدارس الاسلاميه على حسب ما اسمع مستوها التعليمي متدني

ننتظر عودتك بفارغ الصبر

say yes
حياك الله عزيزتي
ياليت ينتصلح حال المدارس عندنا وحال المدرسين من ذكور
واناث حتنى شايله هم المدارس هناك الواحد وده يحط ابنه في مدرسه مب بحظيرة

ماشاء الله تبارك الله موضوعك روووعه ياحنيني



والبنات مشاركاتهم قيمه

لي عوده باذن الله