العمل والزواج هل يجتمعان في قلب امراءة >> الكل يشارك

موضوعك حلو ولي رجعه بإذن الله..

؟؟؟؟

فعلاً الجمع بين العمل والاهتمام بالزوج والأسرة صعب جداً.. لكن ليس مستحيلاً..

لأن التركيب الجسماني والنفسي للمرأة سبحان الله لا يسمح لها بتحمل الإرهاق الناتج عن العمل مع مسؤولية الأسرة والأطفال..

أنا جربت الحالتين.. مع الوظيفة.. وبدون..

وما فيه أي مجال للمقارنة..
الجلسة في البيت تخلي نفسيتك ترتاح وحتى المشاكل الزوجية تصير أقل وأبسط وتقدرين تتجاوزينها بسهولة بإذن الله..

لكن مع العمل (خاصة إذا كان مرهق ومكانه بعيد) راح تلقين نفسك كل يوم والثاني تصيحين لو على أتفه سببب.. والإحساس بالتقصير يذبحك سواء عندك خادمة أو لا.. وحتى نفسيتك تجاه زوجك تكون متوترة.. يعني ما لك خلق لا تتكشخين ولا تهتمين بشكلك وزينتك..
صحيح كنت أحاول أهتم وأضغط على نفسي.. وأحاول ما أقصر عليه ولا على بيتي.. لكن في المقابل أعصابي وجسمي أرهقت تماماً..


سبحان الله توني أمس أكلم مشرفتي في العمل سابقاً (واللي تركت العمل في نفس الفترة التي تركتها فيه) عن هالموضوع.. تقول.. يا الله.. فرق شااااااااااااااااااااااااسع..

تقول.. نفسيتي صارت أحسن.. حتى زوجي يقول لي الحمد لله ارتحنا من ذاك الصياح والبكاء وشعورك بالتعب والتذمر والشكاوي.. (تقول استحيت من نفسي أثاريني كنت ما أنحمل وأنا ما أدري)..

لكن هذا ما يمنع أنه في ناس يستطيعون الجمع بين الجانبين دون مشاكل خاصة إذا ما كان هناك أطفال.. وفيه خادمة سنعة يعتمد عليها.. وما عندها مسؤوليات.. أو عملها سهل وبسيط وغير متعب..
والله أعلم..

اهلين اختي همس الجراح
اناعن نفسي ماجربت لكن راح اتكلم من خلال تجربة ناس حوليني
طبعااكيدبيكون فرق كبيييير بين الحالتين
واكيدالافضل انك تتفرغين لبيتك لان كل الوظيفتين متعبه
يعني لوجيناللوظيفه يبي لها اهتمام ومتابعه ودقه في المواعيد ومشاوير ...الخ
كمان البيت يبي له ترتيب وطبخ واهتمام بالعيال وبنفسك ....الخ
يعني كلهم تتطلب منك مجهود
فصعب الواحد يجمع بينهم يعني تلاقين اللي تجمع بينهم موشرط تكون مقصره لا
بس بتكون نفسيتها تعبانه ومرهقه لانهاتحت ضغط الصبح الدوام والليل البيت وكلهامهمه واحتمال كبير يكون فيه تقصير باحد الوظيفتين
بالنسبه للمشاكل انامن رايي انك ماتتكلمين عنهاقدام زوجك وهوبعدالافضل مايقول مشاكل شغله الااذاواحد منكم يبي حل ممكن وتتشاورون فيها زين
بالنسبه للاطفال اتوقع انهم راح يتاثرون خصوصااذاكانواصغار
يعني راح يتعلقون في الخدم واحتمال كبير ياثرون عليهم
يعني الحين اغلب الاطفال اللي يجلسون عند الخدم اشوفهم يحبونهااكثرمن امهم
لان الام بتكون الصباح بالمدرسه وهي اللي بتكون معهم اذارجعت بتنام وماتشوفهم الابعدماتقوم فيمكن هم اللي راح يتاثرون
يعني اذاكنتي مومحتاجه هالوظيفه وعندك اطفال ممكن يشغلون وقت فراغك فبيتك اولى وراحتك بعداكيدتهمك
هذي وجهة نظري ممكن تصيب وممكن تخيب

تحيتي

عن نفسي مع اني جامعيه بس ما احب الوضيفه .
ابغى اتفرغ لحياتي وانام (الله النوم لذيذ) على راحتي .وخصوصا الوقت الي يشتغل ويدرس فيه الناس احب انام فيه.
الراحه حلوه >>>>>>نفسي انام ههههههه
وبعدين حلو ان الزوج اول مايرجع يحصل زوجته مستقبلته بكامل اناقتها ووجها مبتسم ومرتاحه نفسيا وتقدر تمارس ال.....في اي وقت . خصوصا العراسان.
بينما بعض الزوجات الي يشتغلون زوجهم يجي قبل وهذا شيء وارد.
احس الزوجه الي تشتغل تفوت على نفسها كثير والي يقهر اذا زوجها قال اشتغلي عشان تساعديني !!!! النفقه والشغل واجب عليه هو موعليها.
الناس قدرات وطموح والشغل مايناسب كل زوجه.