سنطره :

السلام عليكم خواتي انا مثل باقي البنات لي تكلموا عن تجاربهم و انتوا كبار و تعرفون مصلحتكم و اللي تحب تاخذ بكلامي انا بكون مستانسه و لكن لي ما بتاخذ به ما بقول الا الله يهديها وانا اعرف طبع البنات .. بس حبيت اقولكم انا الحمدالله كنت بنت صاحيه ما فيني اي عله الحمدالله و اب خلل في هرمونات و انا مش متزوجه و اللي قالوا اني ما اشرب ماي .. خواتي انا لو تذكرون قلت الكم كنت كل صبح اشرب دبه من الصغار و كل شويه اشرب بين الكوب و الكوبين .. و اللي يضحك تحت شبريتيه ما لا يقل عن كرتونين ماي العين من الدبات الصغار كل ما يخلص واحد ازيد عشان ما ينقصني شي .. طبعا لاحضوا ان كل جسم يختلف عن الثاني و في طريقة تقبله للأدويه بس في النهاية النتيجه وحده.. اللي ما تعرفونه ان الفايتوا شيب فيه ماده مضاده للستريك اللي موجود في الكلى و اللي هو ضروري عشان يسرب الماي للمجاري البوليه و انتوا بكرامه .. فإذا زادت هاي الماده و تركزت ينقص معدل الستريك الموجود في الكلى و يبدى تكون الحصى فيها .. و أزيدكم من الشعر بيت الفايتوا شيب يسبب للحريم بالذات خلل في عملية الأيض في الجسم لانه فيه ماده الله اعلم تكون محفزه و لو تقرون كاتبين في نشرة الفايتوا شيب انه يزيد الطاقه و يحرق الدهون بدون لا تسوين شي .. وفوق كل هذا و ذاك اغلب البنات هنيه يقولون نعاني من كثرة التبول و هاي اول بادره على ان هذا خلل في الايض و الايض للي ما يعرفه هو عمليه حرق الدهون في الجسم و تختلف من بنت لبنت .. و عشان جيه ساعات حد منكم يقول احس بصداع و لا قلبي يدق بسرعه و لا انسى و لا مب عارفه ارقد و ريجي ينشف.. هاي الاعراض عاديه بالنسبه للأدويه الثانيه .. مثل ردكتيل اللي مفعوله اقوى بوايد .. بس الفرق ان فايتو شيب فيه اعشاب مخدره ما تحسسج باللي يالس يستوي في جسمج .. اللي تبا شاهد على كلامي تسير تقرا الكتب .. انا محد كثري يقرى .. و اقرب مثال .. لي تروم تشتري مجلة الجميله هالعدد 355 اطالع صفحة 85 كيف تتغلب على حصى الكلي .. و بتلاحظون اشياء انتوا مريتوا فيها او تقريبا توضح الكم بشكل أو اخر انتوا شو يالسين تسوون في صحتكم ... انا ما اريد اتفلسف عليكم و لا ارمس بزياده بس صدقوني خايفه عليكم .. الكلى وايد مهمه في جسم الانسان .. و اذا تعطلت وظايفها و انتوا في هالسن الله لا يقول .. معناتها ما الها حل غير تدبير رب العالمين اذا كاتبلج الحياه.. صدقوني انا هالكلام اقوله من تجارب ناس شفتهم بعيني اتعطلت وظايف الكلى في جسمهم عجزت المستشفيات في الدوله اتسويلهم اي شي .. الله يبعدكم عن الشر ان شاء الله و اسمحولي على الاطاله و دمتم سالمـــــــــــــــــــين

السلام عليكم خواتي انا مثل باقي البنات لي تكلموا عن تجاربهم و انتوا كبار و تعرفون مصلحتكم و...

سنطره :

السلام عليكم الاخت جلنار .. انا ليتني اقدر افيدج لو اني دكتوره .. بس اتخيلي انا استخدمت 3 علب في شهرين و استوابي جيه .. انا بنصحج نصيحه خلي الدوا عنج و رتبي اكلج نفس ما قلت لج و انا الحينه انقص على النظام اللي يالسه اسويه 4 اكواب ماي دافي معصور فيه ليمون على الريج ربع ساعه و بعدين اكل فاكهه و لا خبزه صغيره و جبنه و لا بيض بين الريوق و الغدا حبة فاكهه و لا خس و لا خيار و لا عصير برتقال فرش و لا اي عصير ثاني ما يكون فيه نسبة السكر مرتفعه .. الغدا شي مشوي مع سلطه و لا شي مطبوخ و لا شوربه و لا سلطة روب و الخبز قد ما تقدرين ابتعدي عنه .. العشا لو تقدرين انسيه لان يقولج العشا بعد الساعه 6 المسا يصعب هضمه .. و امشي .. اما اذا ما تقدرين تصبرين عن العشا فا كلي شي من اللي في الغدا و عليج بالماي و امشي على هالنظام اسبوع بتكونين ناقصه في الاسبوع على الاقل كيلوين بدون دوا الحمدالله .. و الله يوفقج ان شاء الله و بالنسبه حق الاخت لي قالت في بنات حللو الحبه مالت الفايتو شيب فديتج انا اربيعتي سارت حللتها في مختبر البرج قالولها 100% اعشاب طبيعيه .. بس شي دكتوره قالت لي صعب انج تفصلين بين الاعشاب عند التحليل .. يعني طلعت 3 انواع معروفه و نوعين محد عرفهن .. بس يوم هالاعشاب تدخل الجسم و تتفاعل وياه يطلع الاثر .. فا بين ان واحد منهم سام و الدليل انه يسبب اسهال بسيط يعور البطن لعدم تقبل الجسم له ... بتقولون ترا شي اعشاب تخلي فينا مثل الاسهال .. بقولكم هذاك يكون مكتوب المركب لكن هذا مش معروف .. النوع الثاني من الاعشاب هو مخدر .. يعني يخدر الجسم و ما تحسين الا بتنميل راس و صداع عشان ما تحسين بالاوياع الللي تستوي في جسمج اثر الدوا .. بس على المدا الطويل الويع لازم يبين و هذا رد على اللي كتبوه البنات و اي سوال انا حاضره ..

السلام عليكم الاخت جلنار .. انا ليتني اقدر افيدج لو اني دكتوره .. بس اتخيلي انا استخدمت 3...