هلا حبيتي ...
والله حسيت نفسي وحيده ...
اكتب وارد على نفسي ..وأقول في خاطري شو اللي منع ( غيـــــــــــــــــوض ) :26:
من الرد ؟؟؟
وادعي أن يكون المانع خييييييييييير
المهم حياتي مبروووك مره ثانيه نقصان الوزن ..
انتي لازن توزنين في مكان معين ..
يعني مب مره السراميك ومره الحمام ومره السجاد
خليج على الوزن الي في الحمام وأول ما تخلصين شريط ثاني من الدوا وزني مره ثانيه وشوفي الفرق في الوزنين ..
الحالي والي بيطلع بعد ما تخلصين شريط من الدوا..
ارد واقول انا باجر ( إن شاء الله ) بوزن ,,,,واتمنى اكون ناقصه ( أنا حاسه هالشي )
يله الله يوفقنا وينزل أوزانا بصحه وعافيه .

هلا حبيبتي ( جلنار30 ):26:
نورتينا ...
نحن ... انا ( أعوذ بالله من كلمة أنا ) و( أنتي ....يحلااااتج ) و الغاليه ( غيـــــــــــــــــوض )
بنصير الثلاثي الرشيق ( إن شاء الله )
حبيببتي مالش خص في الدوره أول ما تخلصين الشريط الأول يعني سادس يوم قبل ما تاكلين الحبوب وزني ...
وإن شاء الله تكونين ناقصه ...لو نص كيلو
حبيبتي حاولي تشربين ماي وتضيفين له شويه من عصير الليمون ..علشان الماي بروحه يلوع الجبد
تعرفين أنا شسوي ..؟؟؟
الصبح بدري اعصر لي ليمونه صفرا واحطها في كوب ماي كبير ( بدون سكر طبعا ) واخلطها زين وبعدين اصبها في قوالب الثلج ...
وتلقيني رايحه وراده على الفريزر اصب كوب ماي واحط غيه مكعب من مكعبات الليمون ...
يبرد الماي واشربه ويا الليمون .... احس بشبع
والنسكافيه يسد النفس ويحسسج بالشبع وبعد علشان الكافيين الللي فيه يخفف الصداع ...
وقبل ما نام لازم ا\آكل تفاحه ( غصب حتى لو مب يوعانه ) ..
علشان اقدر انام بسرعه ...واشربي وراها كوب عصير برتقال ....بتحسين بشبع
بصراحه أنا ناويه ( إن شاء الله ) اضعف ..خلاص مليت واتعبت ...
و( إن شاء الله ) إن ضعفت بحافظ على وزني ...
ماظن باجي في العمر كثر اللي راح ....:(
خلونا نشجع بعض ....ترى والله لمتكم حلوه ...

:)



:26:


غيـــــــــــــــــــوض

السلام عليكم

شحالكم بنات

حبيت افيدكم في تجربتي مع الفايتوا شيب

الصراحه هالدوا العجيب ساعدني في اني انزل من 73 إلى 65 و الكل كان مستغرب انا شو سويت بعمري .. بس الصراحه ما كنت اقول ..

لسبب واحد .. تعرفون شو هو .. البنات الصراحه من النوع الحساد .. البعض و ما اقول الكل ..

يعني يشوفونج ضعفانه .. ما يصدقون انج مخففه اكل و تمشين ... لا يعني ايونج يقولون لج انتي اكيد مسويه شفط دهوووووون و لا عمليه و لا غيره .. و من هالكلام :)

المهم .. بخبركم انا شو سويت .. و احب الكل يستفيد و الله شاهد على اللي اقوله ..

بنات هالحبوب انا متأكده ان الها اعراض جانبيه و طلعت فيني .. بس احنا البنات ما نتوب ..

قبل شهرين عرفت عن هالدوا و بديت استخدمه بالطريقة التااليه .. انش الصبح اشرب ماي دبه صغيره مع يا عصير برتقال فرش و لا ليمون طبعا بدون سكر .. بعد ما اخذ حبتين من الفايتو شيب ..

ربع ساعه و اكل يا تفاحه او سندويجه خبز اسمر جبن او بيض او فاكهه

الغدا شي مشوي أو سلطه و اتحاشى الخبز قد ما اقدر .. و العشا ممنووووووووووووووووووع ..

و امشي المسا ..

اتعرفون شو يعني يبست .. و الله نزل من 73 إلين 65 و الكل يقولي بسج بتموتين ..
طبعا فرحت في النتيجه ..

بس حسيت اني قمت احس بويع في الخواصر .. و الم في الظهر و بشرتي ما اعرف شو بلاها بهتت و شعري .. آيه على شعري .. وايد طااااااح .. فا وقفت .. و قمت اكل .. الحين وزني 69 و اخفف بس ما افكر ارد للدوا اتعرفون ليش ..

زاد عندي الويع اللي في الخواصر .. رحت حق دكتوره و سوت لي صوره على الكلى .. طلعت عندي حصى في الكلى يا بنات + التهاب في البول و انتوا بكرامه .. و انا كنت مخلصه تقريبا 3 علب ..

الدكتوره قالت لي هالاملاح اللي مترسبه في الكلى عندج مش طبيعيه .. لانج كنتي عندي من شهرين و ما كان في شي .. كيف في شهرين صار كل هذا انتي شو تاكلين .. الصراحه خفت اقولها عن الحبوب ..
بس سيده عرفت انها هيه السبب .. و على فكره انا قريت هالموضوع و موضوع ثاني كتبوه البنات كانوا يقولون عن هالاعراض فا اتأكدت ..

بنااااااااااااااااااات .. اسمعوني الله يخليكم .. هالدوا اقطعوه مش عشان تجربتي انا .. لا .. عشانكم انتوا و صحتكم و انا تراني جربت اضعف من غير دوا و قدرت .. فا صحتكم الزم ما عليكم ..

انا لو تشوفون الحين الادويه لي استخدمها عشان الكلى بتتحسفون على عماركم ..

انا لا زلت اخفف لان الدكتوره اللي اسير الها طلبت مني هالشي ... لانها اكتشفت بعد ان صار عندي لخبطه في الهرمونات و انا الحمدالله ما كان عندي هالشي ..

نصحتني ب 4 اكواب ماي قبل الريوق .. بعدين افطر بفاكهه أو خبزه مع جبنه

الغدا سلطات و مأكولات بحريه و ابتعد عن الدياي و اللحوم قد ما اقدر و اركز على الشوربات

العشا عصاير و فواكه او روب اما اذا كنت معزومه و لا طالعه مب مشكله

و عشان الفايتوا شيب سبب لي الم في الكلى و الحصى طلبت مني اشرب مالا يقل عن 8 اكواب و قالت لي اصلا اي بنت المفروض تشرب اكثر من هالمعدل في اليوم ..

هاي تجربتي مع الفايتو شيب و اتمنى انكم تتقبلونها .. الحمدالله الفلوس عند كل حد بس مب هي لي تييب الصحه يوم انتي بتخسرينها الله لا يقول و اي سوال بهالخصوص انا زاهبه و سامحوني على الاطاله

فمان الله

اختكم

سنطره

لا تعلــــــــــيق




:26:


غيـــــــــــــــــــوض