القرينه ( التابعه ) مفهوم و علاج (قصتي)

كيف حالكم ، ماتحلى السوالف إلا اخر الليل هههه، ويمكن كثير عارفين سالفتي مع كثر وفيات الأجنه ، وللأمانة ماكنت أفهم ولا اصدق ان فيه حسد يسبب التابعه أو القرينة ، طبعا أؤمن بالحسد لكن مسمى القرينة والتابعه كنت أحسبه من حكايات الأجداد الى ما شفت هالحلم ،، من أشهر بعد مامات لي أخر ولد ببطني تنومت بالمستشفى وكانت معي حرمة بنفس الغرفة الله يذكرها بالخير ،وأسولف معها و تسألني وش فيك قلت لها سالفتي ، قلت لها وأنت وش فيك قالت لي انا مثلك كل ماحملت يموت اللي ببطني والحين انا وجه ولادة ونوموني عندهم ، ان معي تابعه وترى انت معك تابعه (تقصدني) قلت اقول لايكثر مافيني الا العافية ههههه😂 أحسب اللي فيه تابعه يعني فيني جني بسم الله ، قالت يابنت احكي معك جد ، الحرمة عمرها بالاربعينات تقريبا وفاهمة ، قلت وشو قالت تدرين اني بالمستشفى وصلت للولادة ومحد يدري اني حامل من كل معارفي !! قلت أما عاد شلون ، قالت ايه ولله ولا احد يعرف الا زوجي، وتخيلي انه حتى الأطباء يوم يكشفون علي اقول لهم لاتعلموني شي عن اللي ببطني و لاتقولون لي بنت او ولد ولا شي ، اني حتى المستشفى مابي يكلموني باللي ببطني ،قلت طيب وبعدين ، قالت انا مابي أتكلم لكن عقب اسبوع كلميني ، قلت تمام ، المهم انا ولدوني وطلعت من المستشفى بدون طفل الحمد لله ، ورجعت للبيت اهوجس بكلام هالحرمة ، وتم اسبوع وكلمتها ، هلا بك فلانه بشريني عنك ، قالت ابشرك جبت ولد وانه حي مامات ، وانه مات لها قبل مدري كم قالت لي ٤ او ٦ ما اذكر ، وهذا جابته بعد رص قران وزمزم وحجامة، قالت لي اسمعي هذا دواك ترى اللي معك تابعه ولو عالجتي تراك بتشوفينها 🤯هنا صابني الخوف ، قلت وش وراي خن اجرب دامني شفت بعيوني ، ،،، وكان وزوجي رافض اروح للطب البديل مايقتنع بهم ، قلت ماعلي تكفى بروح ويالله وافق ، وصرت ادخل من حرمة لحرمة اشوف تقييمهم ونصايحهم ، يمكن رحت لنص حريم الرياض ، وتخيلوا كلهم نفس طريقة الكشف وكلهم نفس التقييم (انسدح على ظهري ويضغطون رحمي وارفع رجلي اليسار ) ثم يقولون قرينة ، ويسألوني يومك حامل بالشهور الأولى ماتحسين بحركة برحمك ايام اقول الا (اهم اعراض القرينة حركة مثل رفرفة الجنين بالرحم خاصة بالشهور الأولى بالحمل ) انا كنت اقول ياربي كيف الجنين يتحرك توه بدري ، واثاريه اعراض التابعه ، وياطويلات العمر بديت بحجامة ودهان زيت مقري ، ويوميا اقرا قران وخاصة البقرة والفاتحة وثم الدعاء واشرب زمزم ، وتمر الأيام وتمر الاسابيع والشهور ثم صرت استفرغ يابنات مع شد القراية ، ، المهم ويجي يوم من الأيام و كان فبه عزيمة كبيرة بعد يومين وقلت لخواتي ولله مابي اروح ، روحوا انتم ، قالوا لا مانبي ، المهم وهذاك اليوم ارتفعت حرارتي وبداني تعب غريب مرة ، شد علي الاستفراغ وجسمي صار مايشيلني ، مقدر اوقف ، وجاني ضيق عجيب ، وصرت بس نايمة ، توقعتها فلونزا او داخلني برد ، فنمت يومها وشفت حلم غريب مرررررة ….. تبون اكمل ؟؟؟