اللهلوبة ..........السنعة

انا معك يلاه وعلشان الكل يستفيد

اولا اساسيات العمل

يجب ان يكون لديك لبس للشغل داخل البيت.........عفريتة لا ماتخافوش دى لبس يغطيكى كلك وكمان غطى شعرك احنا مش هنصلح البيت ونبوظ شعرك طبعا البسى حذاء او شبشب قديم علشان رجليكى لا تتأذى ولكن مابهدليش نفسك يعنى يكون شكلك مقبول مثلا جالك زائر فهذا الوقت تقدرى تفتحى الباب على اقل تقدير

زينى سريرك بس استنى لما اللى فالبيت يمشو علشان مايبهدلهوش

اغسلى حوض المطبخ خليه يلمع مرايا تشوفى نفسك فيه .....بخ

عندما تصلى لهذه النقطة يبقى استعديتى انك تبقى لهلوبة

صديقك الحقيقى فهذه الخطة هو الورقة والقلم
هاتى دفتر صغنون بس مش صغنون اوى لانك هتكتبى فيه قبل ما تروحى تنامى سماعة واحدة بتقول اكتب قبل ما انا لا مش كاتبة طيب هو انا هخليكى تذاكرى يعنى دا انتى مجرد تحضرى نفسك مش اكتر اوعى تقولى هكتبها على الكمبيوتر دا احنا عاوزينك تكونى خفيفة وسريعة ولهلوبة

ها لبستى العفريتة ؟ وزوقتى السرير عاوزة شغل على ميه بيضا يعنى ابداع مش تغيرى المفرش وتقولى ذوقته امال فين حركات العرايس السنعات طيب والحوض اخباره ايه بيلمع ولا لأ هعدى اشوفه بنفسي

قد حان الوقت قد بدأ النهار تحين تحضر لاطلاق النار .......تتفرج على مازنجر

نوتة قبل النوم ....محدش يقول حدوتة انا قصدى نوتة يعنى قبل ما تنامى هتيجى نوتة حلوة كدا وشكلها يفتح النفس (اداة اساسية جدا) و تبدأى بسم الله الرحمن الرحيم
اول نقطة فالاتجاة الصحيح بيها هتحددى طريقك طول اليوم التالى

قبل ما تنامى تكتبى فيها ايه هى الشياء الاساسية اللى لازم تعمليها بكره طبعا ما ترهقيش نفسك علشان تقدرى تنفذيها و ما تقلقيش لو ما حدديتش كل الاشياء الاسياسية من اول مرة كل يوم هتقدرى تحددى احسن وتنفذى النقاط اللى كتبتيها فالنوتة ببراعة

طبعا كل نقطة تحدديها تكتبى جنبها المعياد اللى عاوزة تنفذيها فيه يعنى مثلا الساعة 11 هكوى بعد الغدا هعمل كيكة
طبعا النوتة دى تحضريها من النهاردة بمجرد انتهاء العشا ورفع الاطباق
انتى اقدر على تحديد الوقت المناسب لكى ولكن اجعليها قرب وقت النوم

قبل ان تبدأ فى كتابة النوتة عليكى بالتالى
*نظمى البيت قبل النوم يعنى مرى على الغرف و اجمعى الاشياء المتناثرة فكل مكان
اغسلى حوض المطبخ وشغلى غسالة الاطباق (ان وجدت) او اغسلى اطباق العشا حضرى البيت ليوم جديد

فكرى فبكرة وتاكدى من مواعيدك ومواعيدزوجك وابناءك سواء ان كان لديكم موعد او مناسبة
حددى ماذا سيكون الفطار والغدا والعشا حضرى الملابس التى سوف ترتديها غدا

دللى نفسك اعطى لنفسك الوقت للراحة والاسترخاء هذا سيساعدك فانجاز يومياتك قد يساعدك دش منعش

هل يبدولك ذلك كثير؟؟؟

تنظيف الحوض - تحضير ملابسك - غسل اسنانك

انتى الان جاهزة للنوتة الصغنونة

تاكدى اننا كلنا عندنا نفس العيوب مش بنجمع الاشياء المبعثرة بنقوم باعمال البيت بنفس الملابس متكاسلين جدا جدا لكن صفات عديدة مميزة للهلوبة اهمها اننا جميعا جيدين وعندنا طموح عاوزين بيوتنا تبقى افضل من فنادق الخمس نجوم . اتخذنا القرار ان نبتعد عن الاهمال والفوضى
سوف نحقق ما نتمناه تذكرى اننا نشجع بعضنا البعض على تنظيف البيوت لكن معتقدش ان حد فينا هيجى ينضف بيت التانى انتى المسئولة رقم واحد عن بيتك التذمر ممنوع

مثال على نوتة قبل النوم
تذكرى دائما انه مثال وانك الاقدر على تحديد اولوياتك لدينا فقط عوامل مشتركة يمكنك تغير ترتيب الاشياء واستبدالها بما يناسبك واسلوب حياتك
كلما اسرعتى بتنفيذه سينتابك احساس كبير بالفخر و ان تخاذلتى اذن فالفوضى تغلبت عليكى
كونى انسانه ناجحة النجاح لايأتى بالتخاذل والتأجيل

النجاح عملية مستمرة ونوتة الصغيرة اساس النجاح نظميها بما يناسبك وهى سوف تحثك على النجاح

اعطيها ميعاد محدد لا تتأخرى عنه بحيث ان اتى ميعادها شعرتى بها تنادى عليكى يلا اتأخرتى ليه

نظفى المنزل قبل النوم
*غرفة المعيشة ....اجمعى منها الاشياء من اطباق وملابس واحذية واوراق وخلافة
المطبخ.....اغسلى الاطباق والاوانى شغلى غسالة الاطباق غيرى المساكات والاقمشة والفوط المستخدمة فالمطبخ
*المدخل وتربيزة العشا نظفيهم و رتبيهم
*راجعى على نوتة ماقبل النوم لليوم السابق

ابدأى فنوتة ما قبل النوم ليوم جديد :
*تاكدى من نوتة مواعيدك
*حددى مهامك الاساسية لغدا
*اكتبى ما فعلتيه اليوم ليكون يوم غدا اسهل (كأن يكون لديك غدا يكفى ليوم غدا وخلاف)

*اجمعى الاشياء التى لا تريدى ان تنسيهها بمكان قريب من الباب تأكدى انك لن تنسيهم بكتابتهم فالنوتة و ان يكونوا امام نظرك عند الخروج

*تاكدى ان حاجيات ابناءك مرتبة بمكانها واكتبى الملاحظات التى تودى توجيهاها اليهم

*اكتبى ما سوف تحضريه على الافطار وتاكدى من وجود المواد اللازمة لذلكوحضرى المقالى والادوات التى سوف تستخدميها فالصباح وبذلك يكون عليكى وضع الافطار بيهم فقط

*حددى ما سوف تلبسيه فالصباح وجهزيه لذلك افضل ما فى الامر انك لن تقعى فحيرة غدا تاكدى ان الملابس مكوية ولا يوجد بها اى بقع ان وجدت فملابس مايحتاج الى ازرار اى ان يذهب للتنظيف الجاف .......بالطبع دونيه فنوتة الصديقة كل هذا يذهب عنك الضغط العصبى
اغلقى نوتة الصديقة وضعيها فمكان قريب ليديك حتى اذا نسيتى شئ رجعتى اليها

ركزى على نفسك وكونى محور اهتمامك
*جهزى نفسك للذهاب للسرير
*اغسلى اسنانك ووجهك ومشطى شعرك
*تناولى دوائك او اى فيتامين حان موعده
*ادخلى الى دش رائع ومنعش ان كان الطقس مناسب
*البسى ملابس مريحة وناعمة
*ياك ثم اياكى ان تسهى عن الصلاة فهى خير معين لك
*فكرى فى انجازات اليوم
*اقراى ما يسليكى
*استرخى او افعلى ما يساعدك على الراحة
اخفضى اضاءة المنزل واذهبى للنوم فالوقت المناسب لكى حاولى ان يكون فنفس الوقت كل ليلة
*ادخلى الى السرير ورددى 33 سبحان الله 33 الحمد لله 34الله اكبر ولا اله الا الله

مرحبا مرة اخرى
الوقت مناسب لتبدأى رحلتك مع اللهلوبة؟؟؟؟
ارتديت العفريتة وزينتى سريرك ولمعتى الحوض ان لم تبدأى اذهبى سريعا وقومى بالخطوات الثلاثة




انا هنا انتظرك

هل سعدتى باعداد نوتة ما قبل النوم مساء امس ؟؟كرريها كل ليلة ستجدى يومك اصبح اكثر سهولة ومرونة

اداة اخرى شبيه بنوتة قبل النوم نضيفها الان
نوتة العمل اليومى
انتى بالفعل لديكى سابق معرفة بها الا ان الاختلاف ان هذه النوتة تخيلية فهى فى ذاكرتك

اول خطواتها البسى العفريتة وزينى السرير و لمعى الحوض

اكيد بتقولى متعقدة هى من الحاجات دى بس فعلا احساس رائع لما تنتهى منهم
طبعا مهام البيت تقريبا مهزة لو كنتى فعلا حضرتى نوتة قبل النوم
كل ما عليكى هو انك تبدلى ملابس النوم و تذهبى للحمام وتحضريه لاسرتك
الصلاة عماد الدين فلا تنسي الصلاة
ادخلى المطبخ افتحى نوتة قبل النوم وشوفى عندك ايه على الفطار تناولى
الفطور ان كنتى موظفة توجهى الى عملك
وعندما تعودى تابعى معنا

اما ان كنتى ربة منزل
انظرى الى نوتة العمل اليومى
اول خطواتها تبدأ بترتيبك لفراشك باسرع ما يمكنك
ادخلى الحمام و تحممى و نظفى الحمام وانتى بداخلة
وضبى شعرك و وجهك
احملى سلة الغسيل فيديك
وضبى الحمام ووضعى الغسيل فسلة الغسيل وتوجهى بالسلة لغرفة النوم وضعى الملابس التى تحتاج للغسيل بالسلة ورتبى التسريحة و اكنسى السجادة سريعا و لا داعى لدخول الغرفة مرة اخرى فقد انتهيتى منها لا تنسى السلة توجهى للغسالة وضعى بها الغسيل واجعليها تعمل

المطبخ
لو كنتى جهزتى نوتة قبل النوم اذن المطبخ فحالة جيدة كل ما عليكى هو ان تخرجى الاطباق من غسالة الاطباق ....من ليس لديهم غسالة اطباق متفوقين بنقطة انتهوا من الاطباق ليلة امس

ابدأى بتجهيز الافطار
اسقى الزرع (ان وجد)
تناولوا الفطور

فكرى فيومك
افتحى النوتة (نوتة ما قبل النوم) و انظرى الى مواعيدك
تصفحى قائمة المهام والاعمال التى دونتيها بالامس نفذيها كما قررتى
ان كانت الغسالة انتهت من غسيل الملابس انشريها
جهزى الغداء لاسرتك
تصفحى النوتة فهى تعطيكى نوع من الراحة والتوازن
اجمعى الملابس المنشورة وطبقيها واعيديها الى مكانها
اتمنى ان تكونى انتهيتى من مهام العمل اليومى

جهزى نوتة ما قبل النوم

النجاح دائرة بدون نهاية

ولانزال فالبداية
ويتبع

ما شاء الله
أنا أعمل شيء مشابه
وضعت لوحة في المطبخ أكتب فيها المهمات المترتبة و التي يجب إكمالها و مكان لأغراض السوق
و الحمد لله أحاول جاهدة مع طفلين صغيرين ترتيب حياتي

ماشاء الله تبارك الرحمن....عسى ربي يعطيك الصحة والعافية والنشاط دوم.
تسلمين حبيبتي على عطاءك المبهر... و منكم نستفيد.